ຄຳຖາມທີ່ຖືກຖາມປະຈຳ (FAQ)

ເວັບໄຊ໌ສສູນຂໍ້ມູນຂ່າວສານທາງດ້ານການຄ້າຂອງ ສປປ ລາວ ສະໜອງຂໍ້ມູນກ່ຽວກັບລະບຽບ, ກົດໝາຍ, ຂັ້ນຕອນການນຳເຂົ້າ-ສົ່ງອອກໃນສປປລາວ. ຖ້າທ່ານຢາກຊອກຫາຂໍ້ມູນຕະຫລາດ, ຄູ່ຮ່ວມທຸລກິີດ ແລະ ລາຍຊື່ບໍລິສັດນຳເຂົ້າ-ສົ່ງອອກໃນລາວ, ພວກເຮົາຂໍແນະນຳທ່ານຕິດຕໍ່ທີ່ສະພາອຸດສາຫະກຳ ແລະ ການຄ້າ ແຫ່ງຊາດ (https://lncci.la/). ໃນເວັບໄຊ໌ທດັ່ງກ່າວທ່ານສາມາດຊອກຫາຂໍ້ມູນກ່ຽວກັບໂອກາດ ທາງທຸລະກິດໃນສປປ ລາວ ແລະ ລາຍລະອຽດສຳລັບຕິດຕໍ່.

ແມ່ນແລ້ວ. ເຄື່ອງຂອງຕ່າງໆ ແລະ ພາຫະນະຂອງສະຖານທູດ, ອົງການຈັດຕັ້ງສາກົນ ແລະ ອົງການ ທີ່ບໍ່ຂຶ້ນກັບລັດຖະບານ ທີ່ໄດ້ຮັບອະນຸຍາດຈາກ ກະຊວງການຕ່າງປະເທດ ແມ່ນໄດ້ຮັບການຍົກເວັ້ນພາ ສີ. 

ສິນຄິນປະເພດໃດແດ່ທີ່ຂ້ອຍຕ້ອງໄດ້ຂໍອະນຸຍາດສົ່ງອອກ?

ປັດຈຸບັນນີ້ບໍ່ມີລະບຽບການທາງດ້ານມາດຕະຖານ ແລະ ເຕັກນິກທີ່ກຳລັງມີຜົນດຳເນີນຢູ່.

ສປປ ລາວ ໄດ້ວາງມາດຕະຖານແຫ່ງຊາດແບບສະໝັກໃຈໄວ້ 144 ມາດຕະຖານ ທີ່ຫົວໜ່ວຍທຸລະກິດ ແລະ ຊາວຄ້າຂາຍທີ່ດຳເນີນທຸລະກິດຢູ່ ລາວອາດຈະພິຈາລະນາປະຕິບັດຕາມ. ລະບຽບການຂັ້ນຕອນ ໃນການຂໍອະນຸຍາດມາດຕະຖານແຫ່ງຊາດແມ່ນໄດ້ຖືກກຳນົດໄວ້ໃນ ກົດໝາຍມາດຕະຖານ ແລະ ດໍາ ລັດນາຍົກລັດຖະມົນຕີວ່າດ້ວຍ ການປະກາດນຳໃຊ້ກົດໝາຍວ່າດ້ວຍມາດຕະຖານ.

ມາດຕະຖານຊ່ວຍກະຕຸ້ນ ໃຫ້ການຜະລິດພາຍໃນ ເຮັດໄດ້ຢ່າງມີປະສິດທິພາບ, ເພິ່ມຂີດຄວາມສາມາດ ໃນການແຂ່ງຂັນ ແລະ ຊ່ວຍໃຫ້ມີການຖ່າຍທອດເຕັກໂນໂລຊີ. ມັນມີບົດບາດໃນການເຊື່ອມໂຍງການປົກ ປ້ອງຜູ້ບໍລິໂພກ ແລະ ການຮັກສາສິ່ງແວດລ້ອມໄດ້ ເປັນຢ່າງດີ. ການສ້າງໃຫ້ໄດ້ມາດຕະຖານ ແລະ ການປະຕິບັດຕາມມາດຕະຖານໃນຜະລິດຕະພັນ ຂະບວນການຜະລິດ ແລະ ການບໍລິການເຮັດໃຫ້ມີບົດ ບາດທີ່ສຳຄັນໃນການສົ່ງເສີມການພັດທະນາ ແບບຍືນຍົງ ແລະ ການອຳນວຍຄວາມສະດວກທາງດ້ານ ການຄ້າ ໂດຍຜ່ານການສົ່ງເສີມຄວາມປອດໄພຄຸນນະພາບ ແລະ ການປະຕິບັດຕາມເກນ. ຜົນປະໂຫຍດ ທີ່ເກີດຂຶ້ນແມ່ນມີຄວາມສຳຄັນຫຼາຍ. ການສ້າງມາດຕະຖານບໍ່ພຽງແຕ່ເປັນການປະກອບສ່ວນໃຫ້ກັບການ ຄ້າສາກົນເທົ່ານັ້ນ ແຕ່ຍັງເປັນການສ້າງພື້ນຖານໂຄງລ່າງຊະນິດໜຶ່ງ ທີ່ຊ່ວຍສ້າງຄວາມເຂັ້ມແຂງໃຫ້ກັບ ສັງຄົມ ລວມເຖິງສຸຂະພາບ ແລະ ສິ່ງແວດລ້ອມ ໂດຍສະເພາະແມ່ນຍາມທີ່ສົ່ງເສີມການນຳໃຊ້ຢ່າງຍືນ ຍົງ.

ສປປ ລາວ ໄດ້ສ້າງຕັ້ງ ຈຸດສອບຖາມ TBT ([email protected]) ຂຶ້ນເຊິ່ງສາມາດໃຫ້ຂໍ້ມູນລະ ອຽດກວ່າກ່ຽວກັບຂໍ້ແນະນຳຕ່າງໆທີ່ກ່ຽວຂ້ອງ.

ໃນປັດຈຸບັນ ບໍ່ມີມາດຕະການທາງດ້ານ SPS ສະເພາະໃດໜຶ່ງໄດ້ຮັບການປະຕິບັດຢູ່ໃນ ສປປ ລາວ. ແຕ່ວ່າ, ສັດລ້ຽງ, ອາຫານ ຫຼື ວ່າຜະລິດຕະພັນພືດພັນໃດໜຶ່ງ ທີ່ຈະຖືກນຳເຂົ້າມາສູ່ ສປປ ລາວ ຕ້ອງໄດ້ປະຕິບັດຕາມມາດຕະຖານດັ່ງທີ່ໄດ້ກຳນົດໄວ້ໃນກົດໝາຍ ພື້ນຖານທີ່ນຳໃຊ້ເຂົ້າເປັນກົນໄກໃນ ການຄວບຄຸມການນຳເຂົ້າ, ການຜະລິດ ແລະ ການຄ້າຂອງສິນຄ້າທີ່ກ່ຽວຂ້ອງນັ້ນໆ. ດັ່ງນັ້ນ ທ່ານຈຶ່ງ ຄວນຕິດຕໍ່ເພື່ອຂໍຄຳແນະນຳລະອຽດ ຈາກພາກສ່ວນທີ່ກ່ຽວຂ້ອງຂອງ ກະຊວງກະສິກຳ ແລະ ປ່າໄມ້ ແລະ ກະຊວງສາທາລະນະສຸກ ເປັນແຕ່ລະໄລຍະວ່າມີລະບຽບການສະເພາະໃດໜຶ່ງ ທີ່ເພິ່ນໄດ້ປະກາດ ນຳໃຊ້ ຫຼື ບໍ່.

ສປປ ລາວ ໄດ້ສ້າງຕັ້ງ ຈຸດສອບຖາມ SPS ([email protected]) ຂຶ້ນເຊິ່ງສາມາດໃຫ້ຂໍ້ມູນລະ ອຽດກວ່າກ່ຽວກັບຂໍ້ແນະນຳຕ່າງໆທີ່ກ່ຽວຂ້ອງ.