ຂໍ້ມູນເຂົ້າສູ່ຕະຫຼາດ 

 

ສັນຍາການຄ້າສິນຄ້າອາຊຽນ  (ATIGA)

ການຄ້າລະຫວ່າງປະເທດສະມາຊິກອາຊຽນແມ່ນເປັນໄປຕາມຂໍ້ຕົກລົງ ATIGA (ASEAN Trade in Goods Agreement). ກົດລິ້ງນີ້ເພື່ອກວດເບິ່ງລາຍລະອຽດຂອງຂໍ້ຕົກລົງ.

►ສັນຍາການຄ້າດ້ານສິນຄ້າອາຊຽນ

ເພື່ອໃຫ້ໄດ້ຮັບປະໂຫຍດຈາກອັດຕາພາສີ CEPT ທີ່ປະຕິບັດຕໍ່ກັນລະຫວ່າງປະເທດສະມາຊິກອາຊຽນນໍາກັນ, ແຫຼ່ງກໍາເນີດສິນຄ້າຕ້ອງໄດ້ຮັບການຢ້ັງຢືນ ໂດຍອີງຕາມກົດວ່າດ້ວຍແຫຼ່ງກໍາເນີດທີ່ລະບຸໄວ້ ໃນມາດຕາ 3 ຂອງຂໍ້ຕົກລົງ ATIGA. ທ່ານສາມາດເຂົ້າເຖິງຂໍ້ມູນເພີ່ມເຕີມກ່ຽວກັບກົດວ່າດ້ວຍແຫຼ່ງກໍາເນີດ ໂດຍການ ກົດທີ່ລິ້ງນີ້

►ລະບຽບການແຫລ່ງກຳເນີດສິນຄ້າສຳລັບ CEPT 

ສໍານັກງານເລຂາທິການອາຊຽນ ໄດ້ພັດທະນາຊີດີ ທີ່ອະທິບາຍໃຫ້ຜູ້ນໍາໃຊ້ ໄດ້ຮູ້ເຖິງວິທີການກວດສອບແຫຼ່ງກໍາເນີດສິນຄ້າໃນອາຊຽນ ແລະ ວິທີການຂໍໃບຢັ້ງຢືນແຫຼ່ງກໍາເນີດສິນຄ້າ ເພື່ອໃຫ້ໄດ້ຮັບການຫຼຸດຜ່ອນທາງດ້ານອັດຕາພາສີ ພ້ອມນັ້ນຍັງໄດ້ໃຫ້ຂໍ້ມູນທີ່ເປັນປະໂຫຍດ ກ່ຽວກັບລະບຽບການວ່າດ້ວຍແຫຼ່ງກໍາເນີດ ແລະ ການຫຼຸດຜ່ອນອັດຕາພາສີຂອງສິນຄ້າ. 

ຂໍ້ຕົກລົງການຄ້າເສລີ (FTA)
ໃນນາມສະມາຊິກຂອງ ASEAN, ສປປ ລາວ ແມ່ນສະມາຊິກຂອງຂອບຂໍ້ຕົກລົງການຄ້າເສລີ (FTA) ຫຼາຍຂໍ້ ຕົກລົງ. ຂໍ້ຕົກລົງເຫຼົ່ານີ້ແມ່ນແນໃສ່ອໍານວຍຄວາມສະດວກທາງດ້ານການຄ້າ ລະຫວ່າງບັນດາປະເທດສະມາຊິກ ASEAN ກັບປະເທດຄູ່ເຈລະຈາຕາມຂໍ້ຕົກລົງ. ວັດຖຸປະສົງທີ່ສໍາຄັນໜຶ່ງແມ່ນເພື່ອຫຼຸດຜ່ອນອັນຕາພາສີໃຫ້ເຫຼືອ ສູນ.
ການຍົກເວັ້ນພາສີແບບເດັດຂາດແມ່ນຕ້ອງໄດ້ຄ່ອຍໆດໍາເນີນການຜ່ານການຫຼຸດຜ່ອນພາສີເປັນໄລຍະໆ.

ສະມາຊິກ ASEAN ແຕ່ລະປະເທດມີພັນທະຕ້ອງໄດ້ຫຼຸດຜ່ອນພາສີນີ້. 
ທ່ານອາດຈະກວດເບິ່ງລະອຽດຕາຕະລາງການຫຼຸຸດຜ່ອນພາສີຂອງຂໍ້ຕົກລົງການຄ້າເສລີແຕ່ລະສະບັບໂດຍການ ກົດເບິ່ງລິ້ງຕ່າງໆຂ້າງລຸ່ມນີ້.

►ຂໍ້ຕົກລົງການຄ້າເສລີ

 

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.