ວິໄສທັດຂອງພວກເຮົາ:
ເພື່ອສະໜອງຂໍ້ມູນຂ່າວສານທາງດ້ານການຄ້າຂອງ ສປປ ລາວ ທີ່ຫຼາກຫຼາຍໃຫ້ມີຄວາມໂປ່ງໃສ, ໜ້າເຊື່ອຖື ແລະ ຍືນຍົງ ແກ່ທຸກພາກສ່ວນທີ່ກ່ຽວຂ້ອງ ທັງພາຍໃນ ແລະ ຕ່າງປະເທດ.
ພາລະກິດຂອງພວກເຮົາ:
ສູນຂໍ້ມູນຂ່າວສານທາງດ້ານການຄ້າຂອງ ສປປ ລາວ (Lao PDR Trade Portal: LTP) ເປັນສູນລວມເພື່ອສະໜອງຂໍ້ມູນຂ່າວສານ, ບົດຄວາມ, ກົດໝາຍ, ລະບຽບການ, ຂັ້ນຕອນ, ແບບຟອມ, ສະຖິຕິ ແລະ ຄ່າພັນທະຕ່າງໆ ທີ່ຕິດພັນກັບການນໍາເຂົ້າ-ສົ່ງອອກ, ການເຄື່ອນຍ້າຍ, ຜ່ານແດນ ແລະ ການຂົນສົ່ງ ສິນຄ້າ ຂອງ ສປປ ລາວ. ຈຸດປະສົງ ເພື່ອໃຫ້ພາກລັດ, ຜູ້ປະກອບການ, ນັກຄົ້ນຄວ້າ, ຄູອາຈານ, ນັກສຶກສາ, ອົງການຈັດຕັ້ງສາກົນ ແລະ ສັງຄົມ ສາມາດເຂົ້່າເຖິງ ແລະ ຄົ້ນຫາຂໍ້ມູນຂ່າວສານທາງດ້ານການຄ້າໄດ້ຢ່າງມີປະສິດທິພາບ ແລະ ປະສິດທິຜົນ, ວ່ອງໄວ-ທັນໃຈ ປະກອບເຂົ້າໃນວຽກງານຂອງຕົນ ແລະ ທັງເປັນການສົ່ງເສີມການນໍາໃຊ້ເຕັກໂນໂລຊີດິຈິຕອນ ຕາມນະໂຍບາຍຂອງລັດຖະບານຂອງ ສປປ ລາວ.
ກົມການຄ້າຕ່າງປະເທດ, ກະຊວງອຸດສາຫະກໍາ ແລະ ການຄ້າ ໃນນາມຜູ້ຄຸ້ມຄອງສູນຂໍ້ມູນຂ່າວສານທາງດ້ານການຄ້າ ຂອງ ສປປ ລາວ ມີໜ້າທີ່ໃນການພັດທະນາເວັບໄຊທ໌ຂອງ LTP ໃຫ້ມີຄວາມທັນສະໄໝ ແລະ ຍືນຍົງ ພ້ອມທັງປະສານສົມທົບກັບຂະແໜງການທີ່ກ່ຽວຂ້ອງ ເພື່ອບັນຈຸຂໍ້ມູນຂ່າວສານຕ່າງໆລົງໃນເວັບໄຊທ໌ດັ່ງກ່າວ ເປັນປົກກະຕິ ໃຫ້ທັນກັບສະພາບການໃນແຕ່ລະໄລຍະ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.