ສະພາບລວມ
ລັດເຊຍ ແມ່ນໜຶ່ງໃນບັນດາປະເທດພັດທະນາແລ້ວ ທີ່ເຂົ້າຮ່ວມໃນໂຄງການໃຫ້ສິດທິພິເສດທາງການຄ້າແບບທົ່ວໄປ (GSP) ແກ່ປະເທດກຳລັງພັດທະນາ ແລະ ປະເທດດ້ອຍພັດທະນາ ພາຍໃຕ້ຂໍ້ລິເລີ່ມຂອງອົງການສະຫະປະຊາຊາດເພື່ອການຄ້າ ແລະ ການພັດທະນາ (UNCTAD) ນັບແຕ່ປີ 1992 ເປັນຕົ້ນມາ ຊຶ່ງມີທັງໝົດ 147 ປະເທດ/ອານາເຂດໄດ້ຮັບຜົນປະໂຫຍດຈາກລະບົບສິດທິພິເສດຂອງລັດເຊຍ.
ໃນປີ 2007 ລັດເຊຍໄດ້ສ້າງຕັ້ງສະຫະພາບພາສີ (Customs Union) ຮ່ວມກັບ 2 ປະເທດ (ເບລາຣຸດ ແລະ ກາຊັກສະຖານ) ແລະ ເລີ່ມປັບປຸງສິດທິພິເສດທາງການຄ້າ (GSP)ໃໝ່. (ລາຍລະອຽດກົດເບິ່ງທີ່ນີ້)
ລະບົບສິດທິພິເສດ
ສິດທິພິເສດທາງການຄ້າແບບທົ່ວໄປ (Generalized System of Preferences: GSP) ຂອງເບລາຣຸດ, ກາຊັກສະຖານ ແລະ ລັດເຊຍ ແບ່ງອອກເປັນ 2 ຮູບແບບ ດັ່ງນີ້:
ສິດທິພິເສດດ້ານພາສີແບບທົ່ວໄປ (General Preferential Tariff (GPT) treatment)
ເປັນສິດທິພິເສດທີ່ໃຫ້ແກ່ປະເທດກຳລັງພັດທະນາ 103 ປະເທດ ໂດຍການຍົກເວັ້ນ ຫຼື ຫຼຸດຜ່ອນອັດຕາພາສີ 25% ຈາກອັດຕາປົກກະຕິ (MFN) ຊຶ່ງກວມເອົາສິນຄ້າປະມານ 2,800 ລາຍການ (ລະຫັດພາສີໃນລະດັບ 10 ຕົວເລກ) ທີ່ເປັນສິນຄ້າກະສິກຳ ແລະ ສິນຄ້າອຸດສາຫະກຳ. (ລາຍລະອຽດລາຍການສິນຄ້າກົດເບິ່ງທີ່ນີ້)
ສິດທິພິເສດສຳລັບປະເທດດ້ອຍພັດທະນາ (Special preferential treatment for LDCs)
ເປັນສິດທິພິເສດທີ່ໃຫ້ແກ່ປະເທດດ້ອຍພັດທະນາ 49 ປະເທດ ໂດຍການຍົກເວັ້ນອັດຕາພາສີ ຊຶ່ງກວມເອົາສິນຄ້າປະມານ 2,800 ລາຍການ (ລະຫັດພາສີໃນລະດັບ 10 ຕົວເລກ) ໃນນັ້ນມີສິນຄ້າກະສິກໍາ ແລະ ສິນຄ້າອຸດສາຫະກໍາ.
ສິນຄ້າກະສິກໍາມີ: ໝວດ 02 (ຊີ້ນສັດ), ໝວດ 15 (ນໍ້າມັນພືດ ແລະ ສັດ), ໝວດ 16 (ອາຫານ) ແລະ ໝວດ 20 (ສິ່ງປຸງແຕ່ງຈາກພືດຜັກ ແລະ ໝາກໄມ້) ແລະ ອື່ນໆ.
ສິນຄ້າອຸດສາຫະກໍາມີ: ໝວດ 25 (ເກືອ), ໝວດ 33 (ເຄື່ອງສໍາອາງ), ໝວດ 40 (ຢາງ), ໝວດ 44 (ໄມ້), ໝວດ 94 (ເຄື່ອງເຟີນີເຈີ) ແລະ ອື່ນໆ.
ລະບຽບແຫຼ່ງກຳເນີດສິນຄ້າ (Rules of Origin : ROO)
ສິນຄ້າຈາກສປປ ລາວ ທີ່ຈະຂໍການຍົກເວັ້ນພາສີ ພາຍໃຕ້ລະບົບສິດທິພິເສດທາງການຄ້າຂອງເບລາຣຸດ, ກາຊັກສະຖານ ແລະ ລັດເຊຍ ຕ້ອງປະຕິບັດຕາມເງື່ອນໄຂແຫຼ່ງກໍາເນີດສິນຄ້າ ດັ່ງນີ້ :
1. ສິນຄ້າທີ່ໄດ້ມາ ຫຼື ຜະລິດໂດຍນຳໃຊ້ວັດຖຸດິບພາຍໃນປະເທດທັງໝົດ (Wholly Produced or Obtained: WO).
2. ສິນຄ້າທີ່ຜະລິດໂດຍນໍາໃຊ້ວັດສະດຸ ຫຼື ສິ້ນສ່ວນ (ວັດຖຸດິບ) ນໍາເຂົ້າຈາກຕ່າງປະເທດ, ສັດ ສ່ວນວັດຖຸດິບນໍາເຂົ້າຕ້ອງບໍ່ເກີນ 50% ຂອງລາຄາໂຮງງານ.
ເງື່ອນໄຂການຂົນສົ່ງ
ສຳລັບການຂົນສົ່ງສິນຄ້າທີ່ຈະໄດ້ສິດທິພິເສດທາງງການຄ້ານັ້ນ ທາງເບລາຣຸດ, ກາຊັກສະຖານ ແລະ ລັດ ເຊຍ ໄດ້ກຳນົດໃຫ້ສິນຄ້າດັ່ງກ່າວຕ້ອງຂົນສົ່ງໂດຍກົງ (Direct transport) ຈາກສປປ ລາວ ໄປຍັງບັນດາປະ ເທດດັ່ງກ່າວ. ຖ້າມີກໍລະນີຈຳເປັນຕ້ອງມີການຂົນສົ່ງຜ່ານປະເທດທີສາມ, ສິນຄ້າດັ່ງກ່າວຕ້ອງບໍ່ໄດ້ຜ່ານຂະບວນການຜະລິດ ຫຼື ຜ່ານຂະບວນການອື່ນ ນອກເໜືອຈາກການຄ່ຽນຖ່າຍ (ຂົນສິນຄ້າຂຶ້ນ, ລົງ) ຫຼື ຂະບວນການອື່ນໆທີ່ຈໍາເປັນ ເພື່ອຮັກສາສິນ ຄ້ານັ້ນຢູ່ໃນສະພາບດີ ໂດຍຢູ່ພາຍໃຕ້ການຄວບຄຸມຂອງເຈົ້າໜ້າທີ່ພາສີ.
ຂອບເຂດການນຳໃຊ້
ລະບົບສິດທິພິເສດນີ້ ນໍາໃຊ້ກັບທຸກລາຍການສິນຄ້າທີ່ນອນໃນບັນຊີສິນຄ້າທີ່ໄດ້ນໍາມາຍົກເວັ້ນ ໂດຍການ ນໍາໃຊ້ແບບຟອມ A. ກໍລະນີສິນຄ້າທີ່ມີມູນຄ່າບໍ່ເກີນ 5,000 ໂດລາສະຫະລັດ ບໍ່ຈໍາເປັນຕ້ອງໃຊ້ ຟອມ A ແຕ່ຕ້ອງການຢັ້ງຢືນໂດຍລະບຸການແຈ້ງໃບລາຄາ ຫຼື ເອກະສານຂົນສົ່ງອື່ນໆ.
ການຢັ້ງຢືນແຫຼ່ງກໍາເນີດສິນຄ້າ
ສິນຄ້າທີ່ຈະໄດ້ຮັບສິດທິພິເສດ ຕ້ອງແມ່ນສິນຄ້າທີ່ນອນໃນບັນຊີສິນຄ້າທີ່ໄດ້ຮັບສິດທິພິເສດ ແລະ ຜະລິດໄດ້ຕາມເງື່ອນໄຂລະບຽບແຫຼ່ງກຳເນີດສິນຄ້າຢ່າງເຄັ່ງຄັດ ໂດຍມີໃບຢັ້ງຢືນແຫຼ່ງກຳເນີດສິນຄ້າເປັນເອກະສານອ້າງອີງ. ໃບຢັ້ງຢືນແຫຼ່ງກຳເນີດສິນຄ້າທີ່ນຳໃຊ້ເພື່ອຂໍການຍົກເວັ້ນ ຫຼື ຫຼຸດຜ່ອນອັດຕາພາສີພາຍໃຕ້ລະບົບສິດທິພິເສດທາງການຄ້າຂອງປະເທດດັ່ງກ່າວ ແມ່ນ Form A.
Form A ສາມາດພົວພັນເອົາໄດ້ຢູ່ ກົມການນຳເຂົ້າ ແລະ ສົ່ງອອກ ຫຼື ພະແນກອຸດສາຫະກຳ ແລະ ການຄ້າ ແຂວງ ແລະ ນະຄອນຫຼວງ ຫຼື ເຂດນິຄົມອຸດສາຫະກຳ ແລະ ການຄ້າ ວຽງຈັນ-ໂນນທອງ. ເອກະສານທີ່ຕ້ອງປະກອບເພື່ອຂໍໃບຢັ້ງຢືນແຫຼ່ງກຳເນີດສິນຄ້າ ປະກອບມີ:
1). ໃບສະເໜີ
2). ໃບຢັ້ງຢືນແຫຼ່ງກຳເນີດສິນຄ້າທີ່ພິມແລ້ວ
3). ໃບແຈ້ງລາຄາ ແລະ ຫຸ້ມຫໍ່
4). ໃບແຈ້ງພາສີເປັນລາຍລະອຽດ
5). ສຳເນົາໃບຂົນສົ່ງ
6). ໃບບິນຊື້ຂາຍພາຍໃນ (ກໍລະນີມີການເກັບຊື້)
7). ໃບຄິດໄລ່ຕົ້ນທືນການຜະລິດ ຫຼື ໃບຂັ້ນຕອນການຜະລິດສິນຄ້າ (ກໍລະນີນຳເຂົ້າວັດຖຸດິບ)
ຂໍ້ມູນເພີ້ມເຕີມ
ທ່ານສາມາດສອບຖາມກ່ຽວກັບລະບົບສິດທິພິເສດທາງການຄ້າ ແລະ ເງື່ອນໄຂແຫຼ່ງກຳເນີດສິນຄ້າໃນການສົ່ງອອກໄປ 3 ປະເທດດັ່ງກ່າວ ໄດ້ຈາກ :
ພະແນກ ຄຸ້ມຄອງແຫຼ່ງກຳເນີດສິນຄ້າ, ກົມການນຳເຂົ້າ ແລະ ສົ່ງອອກ, ກະຊວງ ອຸດສາຫະກຳ ແລະ ການຄ້າ
ໂທ/ແຟັກ : 021-450 255
ເວັບໄຊ້ : http://www.laotradeportal.gov.la
http://www.ved.gov.ru
ອີເມວ : [email protected], [email protected]
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.