ຄໍາສັບທີ່ໃຊ້ທົ່ວໄປ
|
ລະບົບການຄຸ້ມຄອງທາງພາສີຮູບແບບໃໝ່ ASYCUDA |
ລະບົບການຄຸ້ມຄອງທາງພາສີຮູບແບບໃໝ່ທີ່ປັດຈຸບັນກໍາລັງຢູ່ໃນຂັ້ນຕອນການຈັດຕັ້ງປະຕິບັດໂດຍກົມພາສີ ຢູ່ ສປປລາວ. |
|
ເອກະສານແຈ້ງພາສີອາຊຽນ ACDD |
ເອກະສານແຈ້ງພາສີອາຊຽນ. ແບບຟອມທີ່ນໍາໃຊ້ເພື່ອແຈ້ງພາສີ. ແບບຟອມດັ່ງກ່າວແມ່ນອີງຕາມຮູບແບບມາດຕະຖານຂອງອາຊຽນ. ກົດທີ່ນີ້ ເພື່ອເບິ່ງຂໍ້ມູນເພີ່ມເຕີມກ່ຽວກັບເອກະສານແຈ້ງພາສີອາຊຽນ. ກົດທີ່ນີ້ ເພື່ອເບິ່ງເອກະສານແຈ້ງພາສີອາຊຽນທີ່ນໍາໃຊ້ໃນ ສປປ ລາວ. |
|
ປະຊາຄົມພາກພື້ນຕາເວັນອອກສ່ຽງໃຕ້ ASEAN |
ປະຊາຄົມພາກພື້ນຕາເວັນອອກສ່ຽງໃຕ້ (ASEAN). ອາຊຽນເປັນອົງການຈັດຕັ້ງໜຶ່ງທີ່ມີຈຸດປະສົງເພື່ອສົ່ງເສີມການເຕີບໂຕທາງດ້ານເສດຖະກິດ, ຄວາມກ້າວໜ້າທາງສັງຄົມ, ການພັດທະນາ ແລະ ຄວາມມີສະຖຽນລະພາບຂອງ 10 ປະເທດສະມາຊິກໃນພາກພື້ນເຊິ່ງ ປະກອບມີ: ບຣູໄນ, ມຽນມ້າ, ກໍາປູເຈຍ, ອິນໂດນີເຊຍ, ລາວ, ມາເລເຊຍ, ຟີລິບປິນ, ສິງກະໂປ, ໄທ ແລະ ຫວຽດນາມ. |
|
ອັດຕາພາສີພິເສດ CEPT |
ອັດຕາພາສີພິເສດ. ອັດຕາພາສີສໍາລັບທຸກສິນຄ້າທີ່ມີການຄ້ານໍາກັນລະຫວ່າງບັນດາປະເທດສະມາຊິກອາຊຽນ. ທ່ານສາມາດເບິ່ງອັດຕາພາສີ CEPT ສໍາລັບທຸກຜະລິດຕະພັນໄດ້ຈາກເວັບໄຊທ໌ນີ້ໂດຍເຂົ້າ ໄປທີ່ ຄົ້ນຫາຜະລິດຕະພັນ. |
|
ໃບຢັ້ງຢືນແຫຼ່ງກໍາເນີດສິນຄ້າ Certificate of Origin (COO) |
ເອກະສານທີ່ເປັນເງື່ອນໄຂຂອງອົງການທີ່ກ່ຽວຂ້ອງຂອງປະເທດຜູ້ນໍາ ເຂົ້າ ເພື່ອຢັ້ງຢືນແຫຼ່ງກໍາເນີດຂອງສິນຄ້າ. |
|
ການແຈ້ງເອກະສານ Declaration |
ເອກະສານທີ່ຍື່ນເຖິງໜ່ວຍງານລັດຖະບານ (ເຊັ່ນ: ພາສີ) ເພື່ອສະແດງລາຍການສິນຄ້າທີ່ຜູ້ແຈ້ງຮັບຜິດຊອບ ເພື່ອຂໍອະນຸມັດນໍາເຂົ້າ, ສົ່ງອອກ ຫຼື ຜ່ານແດນ. ການແຈ້ງເອກະສານແມ່ນນໍາໃຊ້ແບບຟອມ ທີ່ກໍານົດ ແລະ ອາດມີເອກະສານອື່ນຄັດຕິດພ້ອມ. ການແຈ້ງເອກະ ສານແມ່ນມີຜົນທາງກົດໝາຍ ແລະ ອາດນໍາໃຊ້ເປັນເອກະສານພິ ສູດໃນສານ. ໃນ ສປປ ລາວ ການແຈ້ງເອກະສານແມ່ນນໍາໃຊ້ ແບບຟອມ ACDD (ເບິ່ງ ACDD ຂ້າງເທິງ) |
|
ກົມການນໍາເຂົ້າ ແລະ ສົ່ງອອກ DIMEX |
ກົມການນໍາເຂົ້າ ແລະ ສົ່ງອອກ, ກະຊວງອຸດສາຫະກໍາ ແລະ ການຄ້າ |
|
ຈຸດສອບຖາມ Enquiry Point |
ພະນັກງານ ຫຼື ຫ້ອງການ ທີ່ຕາງໜ້າລັດຖະບານທີ່ເປັນສະມາຊິກອົງການການຄ້າໂລກ ທີ່ຖືກມອບໝາຍເປັນຈຸດປະສານງານກັບສະມາ ຊິກອົງການການຄ້າໂລກ ແລະ ກັບພາກສ່ວນພາຍນອກ ໃນວຽກງານທີ່ຕິດພັນກັບເຕັກນິກທີ່ເປັນອຸປະສັກຕໍ່ການຄ້າ ຫຼື ມາດຕະການທາງດ້ານສຸຂານາໄມ-ສຸຂານາໄມພືດ. |
|
ສັນຍາການຄ້າເສລີ FTA |
ສັນຍາການຄ້າເສລີ. ສັນຍາສາກົນທີ່ມີການເຈລະຈາກັນລະຫວ່າງບັນດາປະເທດ ຫຼື ສະມາຄົມຂອງປະເທດທີ່ເປັນຕົວແທນຂອງປະເທດສະມາຊິກ (ເຊັ່ນ: ອາຊຽນ) ທີ່ມີຈຸດປະສົງເພື່ອເຮັດໃຫ້ການຄ້າຮ່ວມກັນມີຄວາມງ່າຍດາຍລະຫວ່າງບັນດາປະເທດພາຄີຂອງສັນຍາລວມ ທັງການຫຼຸດຜ່ອນອັດຕາພາສີຕໍ່ສິນຄ້າ ທີ່ມີການຄ້າຮ່ວມກັນລະ ຫວ່າງບັນດາປະເທດສະມາຊິກ. ທ່ານສາມາດເບິ່ງອັດຕາພາສີພິເສດພາຍໃຕ້ສັນຍາການຄ້າເສລີ ທີ່ ສປປ ລາວ ເປັນພາຄີ ໄດ້ໃນເວັບໄຊທ໌ນີ້ ໂດຍເຂົ້າໄປທີ່ ຄົ້ນຫາຜະລິດຕະພັນ. |
|
ລະຫັດ HS HS Code |
ລະຫັດ 8 ຕົວເລກ ຂອງລະບົບເອກະພາບ ທີ່ໃຊ້ກັບຜະລິດຕະພັນ. ລະຫັດ HS ມີໂຄງສ້າງໂດຍອີງຕາມລໍາດັບຂອງລະຫັດເຄົ້າ (2 ຕົວເລກທໍາອິດ), ລະຫັດເຄົ້າຍ່ອຍ (4 ຕົວເລກທໍາອິດ), ລະຫັດຫຼັກຍ່ອຍ (6 ຕົວເລກທໍາອິດ) ແລະ ລະຫັດ (8 ຕົວເລກ). ລະຫັດ HS ນໍາໃຊ້ເພື່ອກໍານົດ ຄໍາອະທິບາຍຜະລິດຕະພັນ ເພື່ອຈຸດປະສົງການນໍາໃຊ້ອັດຕາພາສີ ຫລື ມາດຕະການສະເພາະທີ່ນໍາໃຊ້ຕໍ່ແຕ່ລະຜະລິດຕະພັນ. |
|
ມາດຕະການ Measure |
ຂໍ້ກໍານົດສະເພາະທີ່ໃຊ້ຕໍ່ຜະລິດຕະພັນ. ມາດຕະການດັ່ງກ່າວນີ້ອາດເປັນການເກືອດຫ້າມຊົ່ວຄາວ ຫຼື ຖາວອນ ຂຶ້ນກັບເງື່ອນໄຂທາງດ້ານ SPS ແລະ ເຫດຜົນອື່ນໆ ຫຼື ເງື່ອນໄຂສະເພາະໃດໜຶ່ງໂດຍການ ປະກອບເອກະສານສະເພາະ ຫຼື ປະຕິບັດມາດຕະການໃດໜຶ່ງ. ໂດຍທົ່ວໄປ, ການກໍານົດມາດຕະການ ແມ່ນກໍານົດໂດຍການອອກລະບຽບການຂອງລັດຖະມົນຕີ ຫຼື ໂດຍມາດຕາທີ່ກໍານົດໃນກົດໝາຍ. |
|
ການປະຕິບັດຕໍ່ປະເທດທີ່ໄດ້ຮັບການອະນຸເຄາະຍິ່ງ MFN |
ການປະຕິບັດຕໍ່ປະເທດທີ່ໄດ້ຮັບການອະນຸເຄາະຍິ່ງ. ຫຼັກການ MFN ແມ່ນລະບຸໃນ ມາດຕາ I ຂອງສັນຍາທົ່ວໄປວ່າດ້ວຍການຄ້າ ແລະ ອັດຕາພາສີ ຂອງອົງການການຄ້າໂລກ ((GATT 1947 ແລະ 1994). ທ່ານສາມາດເບິ່ງອັດຕາພາສີ MFN ສໍາລັບທຸກຜະລິດຕະ ພັນໄດ້ທີ່ເວັບໄຊທ໌ໃນ ຄົ້ນຫາຜະລິດຕະພັນ. |
|
ການແຈ້ງການ Notification |
ເງື່ອນໄຂພັນທະຄວາມໂປ່ງໃສ ທີ່ປະເທດສະມາຊິກອົງການການຄ້າໂລກ ຕ້ອງລາຍງານມາດຕະການທາງການຄ້າ ຕໍ່ກັບໜ່ວຍງານທີ່ກ່ຽວຂ້ອງອົງການການຄ້າໂລກ ຖ້າຫາກວ່າມາດຕະການດັ່ງກ່າວໄດ້ ກະທົບຕໍ່ປະເທດສະມາຊິກອື່ນ. |
|
ເອກະສານຄຸ້ມຄອງອັນດຽວກັນ SAD |
ເອກະສານຄຸ້ມຄອງອັນດຽວກັນ. ແບບຟອມທີ່ຜູ້ຄ້າຂາຍຕ້ອງຍື່ນເພື່ອຂໍການນໍາເຂົ້າ, ສົ່ງອອກ ຫຼື ຜ່ານແດນ ຕໍ່ໜ່ວຍງານພາສີ. ໃນ ສປປ ລາວ ແມ່ນນໍາໃຊ້ແບບຟອມ ACDD (ເບິ່ງຂ້າງເທິງ) ທີ່ນໍາໃຊ້ມາດ ຕະຖານຂອງອາຊຽນ. |
|
ມາດຕະການສຸຂານາໄມ-ສຸຂານາໄມພືດ (SPS) Sanitary and Phytosanitary (SPS) measures |
ມາດຕະການທີ່ຕິດພັນເຖິງຄວາມປອດໄພຂອງອາຫານ ແລະ ສຸຂະພາບສັດ ແລະ ພືດ.
|
|
ສັນຍາວ່າດ້ວຍສຸຂານາໄມ-ສຸຂານາໄມພືດ SPS Agreement |
ລະບຽບການພາຍໃຕ້ສັນຍາອົງການ ການຄ້າໂລກກ່ຽວກັບມາດຕະ ການສຸຂານາໄມ-ສຸຂານາໄມພືດ. |
|
ສັນຍາວ່າດ້ວຍເຕັກນິກທີ່ເປັນອຸປະສັກຕໍ່ການຄ້າ TBT Agreement |
ສັນຍາອົງການການຄ້າໂລກ ທີ່ຕິດພັນກັບການນໍາໃຊ້ລະບຽບການທາງເຕັກນິກ, ມາດຕະຖານ, ທົດສອບ ແລະ ມາດຕະການອອກໃບຢັ້ງຢືນ, ແລະ ຮັບປະກັນວ່າບັນດາມາດຕະການເຫຼົ່ານີ້ບໍ່ແມ່ນສິ່ງກີດ ຂວາງຕໍ່ການຄ້າ |
|
ຄວາມໂປ່ງໃສ Transparency |
ອີງຕາມດໍາລັດ, ນະໂຍບາຍທາງການຄ້າ ແລະ ຂັ້ນຕອນການຈັດຕັ້ງປະຕິບັດທີ່ໄດ້ຮັບການສ້າງຕັ້ງ ແມ່ນເປີດເຜີຍ ແລະ ສາມາດຄາດການໄດ້ |
|
WTO |
ອົງການການຄ້າໂລກ |
|
|
|
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.