ສັນຍາ ການອຳນວຍຄວາມສະດວກທາງດ້ານການຄ້າ ແລະ ການຂົນສົ່ງ
- ສັນຍາວ່າດ້ວຍ ການອຳນວຍຄວາມສະດວກທາງດ້ານການຄ້າ: ເພື່ອທວນຄືນ ແລະ ຢືນຢັນ ກ່ຽວກັບ ຄຳສັ່ງ ແລະ ຫຼັກການ ຢ ່ໃນວັກທີ 27 ຂອງ ຖະແຫຼງການໂດຮາຂອງລັດຖະມົນຕີ ແລະ ເອກະສານຊ້ອນ D ກ່ຽວກັບ ຂໍ້ຕົກລົງວ່າດ້ວຍແຜນງານໂດຮາ ຊຶ່ງຮັບຮອງ ໂດຍສະພາທົ່ວໄປ ໃນວັນທີ 1 ສິງຫາ 2004, ພ້ອມທັງ ວັກທີ 33 ແລະ ເອກະສານຊ້ອນທ້າຍ E ຂອງຖະແຫຼງການຮົງກົງຂອງລັດຖະມົນຕີ.
- ສັນຍາ [ຂອບສັນຍາ] ວ່າດ້ວຍການອໍານວຍຄວາມສະດວກທາງດ້ານການຄ້າຂ້າມແດນ ແບບບໍ່ນໍາໃຊ້ເອກະສານ ສໍາລັບພາກພື້ນອາຊີ ແລະ ປາຊີຟິກ: ຈຸດປະສົງຂອງສັນຍາສະບັບນີ້ [ຂອບສັນຍາ] ແມ່ນເພື່ອສົ່ງເສີມການຄ້າຂ້າມແດນ ໂດຍບໍ່ນໍາໃຊ້ເອກະ ສານ ດ້ວຍການອະນຸຍາດໃຫ້ມີການແລກປ່ຽນ ແລະ ຮັບຮູ້ສອງຝ່າຍກ່ຽວກັບຂໍ້ມູນ ແລະ ເອກະສານທາງດ້ານການຄ້າໃນຮູບແບບເອເລັກໂຕຣນິກ ແລະ ເພື່ອອໍານວຍຄວາມສະດວກໃນການເຮັດວຽກຮ່ວມກັນ ລະຫວ່າງ ປະເທດ ແລະ ການບໍລິການປະຕູດຽວ ໃນຂົງເຂດອະນຸພາກພື້ນ ແລະ ລະບົບການຄ້າແບບບໍ່ນໍາໃຊ້ເອກະສານອື່ນໆ ເພື່ອບັນລຸຈຸດປະສົງການແລກປ່ຽນໃນການຄ້າສາກົນ ໃຫ້ມີປະສິດທິພາບ ແລະ ໂປ່ງໃສ ໃນຄະນະທີ່ປັບປຸງຂໍ້ກໍານົດກົດລະບຽບໃຫ້ສອດຄ່ອງ.
-
ສັນຍາການອຳນວຍຄວາມສະດວກໃນການຂົນສົ່ງສິນຄ້າ ແລະ ຄົນຂ້າມແດນ ໃນກອບ GMS: ບັນດາສັນຍາສັນຍາລະຫວ່າງ ລັດຖະບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ລັດຖະບານແຫ່ງ ລາຊະອານາຈັກ ໄທ ແລະ ລັດຖະບານແຫ່ງ ສາທາລະນະລັດ ສັງຄົມນິຍົມ ຫວຽດນາມ ເພື່ອການອຳນວຍຄວາມສະດວກ ໃນການຂົນສົ່ງສິນຄ້າ ແລະ ຄົນຂ້າມແດນ.
- ສັນຍາ ວ່າດ້ວຍ ການສົ່ງເສີມ ແລະ ອຳນວຍຄວາມສະດວກທາງດ້ານການຄ້າ ຢູ່ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ: ສັນຍາ ສະບັບນີ້ ມີເປົ້າໝາຍ ເພື່ອ (1) ສົ່ງເສີມກິດຈະກຳການຄ້າ; (2) ສ້າງບັນຍາກາດການດຳເນີນທຸລະກິດ ທີ່ເປັນມິດ; (3) ອຳນວຍຄວາມສະດວກໃຫ້ແກ່ການເຄື່ອນຍ້າຍຄົນ, ພາຫະນະ, ແລະ ສິນຄ້າ ໃນບັນດາປະເທດພາຄີ ທີ່ລົງນາມໃນສັນຍາ ແລະ; (4) ສ້າງເງື່ອນໄຂສະດວກ ເພື່ອກະຕຸ້ນການດຳເນີນການຄ້າ ແລະ ການລົງທຶນ ໃນດ່ານຢູ່ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.