ສຸຂານາໄມ ແລະ ສຸຂານາໄມພືດ (SPS)
ກົດລະບຽບພື້ນຖານກ່ຽວກັບ ການຄຸ້ມຄອງຄວາມປອດໄພຂອງອາຫານ ແລະ ມາດຕະຖານ ສຸຂານາໄມສັດ ແລະ ພືດ ແມ່ນໄດ້ຖືກກຳນົດໄວ້ໃນຂໍ້ຕົກລົງວ່າດ້ວຍການນຳ ໃຊ້ມາດຕະການ ສຸຂານາໄມ ແລະ ສຸຂານາໄມ ພືດ (SPS Agreement) ຂອງ ອົງການ ການຄ້າໂລກ (WTO).
ມາດຕະການ SPS ແມ່ນມາດຕະການທີ່ນຳໃຊ້ເພື່ອປົກປ້ອງມະນຸດ, ສັດ ຫຼື ພືດໃຫ້ ປອດໄພຈາກການລະ ບາດຂອງສັດຕູພືດ ແລະ ພະຍາດ ຫຼື ຈາກສານເສບຕິດ, ສານພິດ ຫຼື ສານປົນເປື້ອນທີ່ພົບເຫັນໃນ ອາຫານ, ເຄື່ອງດື່ມ ແລະ ອາຫານສັດເປັນຕົ້ນ.
ພາຍໃຕ້ຂໍ້ຕົກລົງ SPS ມັນຮຽກຮ້ອງສະມາຊິກອົງການການຄ້າໂລກ (WTO) ໃຫ້ສ້າງຕັ້ງ 'ຈຸດສອບຖາມ' ແຫ່ງ ຊາດເພື່ອໃຫ້ຕອບຂໍ້ສອບຖາມຕ່າງໆກ່ຽວກັບມາດຕະການທາງດ້ານ SPS ຈາກປະເທດສະມາຊິກ. ກົດທີ່ລິ້ງນີ້ ຫາກທ່ານສົນໃຈໜ້າເວັບໄຊທ໌ຂອງ ຈຸດສອບຖາມ SPS ຂອງ ສປປ ລາວ.
ສິ່ງກີດຂວາງດ້ານເຕັກນິກຕໍ່ການຄ້າ (TBT)
ຂໍ້ຕົກລົງວ່າດ້ວຍສິ່ງກີດຂວາງດ້ານເຕັກນິກຕໍ່ການຄ້າ (TBT Agreement) ຂອງ ອົງການການຄ້າໂລກ (WTO) ໄດ້ລະບຸເຖິງສິດ ແລະ ໜ້າທີ່ຂອງປະເທດສະມາຊິກ WTO ກ່ຽວກັບການພັດທະນາ ແລະ ການປະກາດ ນຳໃຊ້ມາດຕະການທາງດ້ານ ເຕັກນິກທີ່ອາດຈະສົ່ງຜົນກະທົບຕໍ່ການຄ້າໂດຍລວມ.
ເປົ້າໝາຍຂອງຂໍ້ຕົກລົງ TBT ແມ່ນເພື່ອຫຼຸດຜ່ອນສິ່ງກີດຂວາງຕໍ່ການຄ້າທີ່ເປັນຜົນມາຈາກການ ນຳໃຊ້ ລະບຽບການ ດ້ານເຕັກນິກ, ມາດຕະຖານ ແລະ ຂະບວນການປະ ເມີນຜົນທີ່ແຕກຕ່າງກັນ ຈາກປະເທດ ໜຶ່ງໄປອີກປະເທດໜຶ່ງ. ພ້ອມດຽວກັນນັ້ນ, ກໍເປັນການເປີດໂອກາດໃຫ້ສິດແກ່ປະເທດສະມາຊິກໃນການ ປະກາດໃຊ້ມາດຕະການບາງຢ່າງ ເພື່ອບັນລຸເປົ້າໝາຍທາງນະໂຍບາຍໃນການປົກປ້ອງຊີວິດ ແລະ ຄວາມ ປອດໄພຂອງມະນຸດ ແລະ ສິ່ງແວດລ້ອມ.
ພາຍໃຕ້ຂໍ້ຕົກລົງ TBT ມັນຮຽກຮ້ອງສະມາຊິກອົງການການຄ້າໂລກ (WTO) ໃຫ້ສ້າງຕັ້ງ “ຈຸດສອບຖາມ" ແຫ່ງຊາດ ເພື່ອໃຫ້ຕອບຂໍ້ສອບ ຖາມຕ່າງໆກ່ຽວກັບມາດຕະການທາງດ້ານ TBT ຈາກປະເທດສະມາຊິກ. ກົດທີ່ລິ້ງນີ້ ຫາກສົນໃຈໜ້າເວັບໄຊທ໌ຂອງ ຈຸດສອບຖາມ TBT ຂອງ ສປປ ລາວ.
ໜ່ວຍງານແຈ້ງຂໍ້ມູນ
ສປປ ລາວ ຍັງໄດ້ສ້າງຕັ້ງໜ່ວຍງານແຈ້ງຂໍ້ມູນ ສຸຂານາໄມ-ສຸຂານາໄມພືດ (SPS) ຢູ່ກົມແຜນການ ແລະ ການຮ່ວມມື, ກະຊວງກະສິກຳ ແລະ ປ່າໄມ້ ແລະ ສິ່ງກີດຂວາງດ້ານເຕັກນິກຕໍ່ການຄ້າ (TBT) ຢູ່ກົມມາດຕະຖານ ແລະ ວັດແທກ, ກະຊວງອຸດສາຫະກຳ ແລະ ການຄ້າ. ເຊິ່ງຈະເປັນໜ່ວຍງານແຈ້ງຂໍ້ມູນຂອງບັນດາແຈ້ງການຈາກບັນດາປະເທດສະມາຊິກ ຂອງອົງການການຄ້າໂລກ (WTO) ໂດຍຜ່ານກອງເລຂາ WTO ໃຫ້ຮູ້ຢ່າງທັນການກັບລະບຽບການໃຫມ່, ສະຫນອງຂໍ້ມູນຂອງລະບຽບການຕ່າງໆຕາມການສະເຫນີ ແລະ ເພື່ອຮັບປະກັນວ່າຄໍາເຫັນທີ່ໄດ້ຮັບມານັ້ນໄດ້ຖືກປະຕິບັດຜົນເປັນຈີງ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.