ນາຍໜ້າແຈ້ງພາສີ
ເຈົ້າຂອງສິນຄ້າທີ່ຈະນໍາເຂົ້າ ຫຼື ຜູ້ໃຫ້ບໍລິການຂົນສົ່ງ ອາດຈະວ່າຈ້າງ ນາຍໜ້າແຈ້ງພາສີ ເພື່ອເປັນຕົວແທນໃຫ້ເຂົາເຈົ້າໃນການດໍາເນີນການຕາມລະບຽບການຕ່າງໆທີ່ຈໍາເປັນສໍາລັບການແຈ້ງພາສີ.
ໃນປະຈຸບັນ ບໍ່ມີຂໍ້ກໍານົດພິເສດຫຍັງໃນການເປັນນາຍໜ້າແຈ້ງພາສີ, ນອກຈາກຂໍ້ກໍານົດປົກກະຕິ ສໍາລັບການຈົດ ທະບຽນເປັນທຸລະກິດ ແລະ ເພື່ອຈຸດປະສົງເສຍພາສີ. ແນວໃດກໍ່ຕາມ, ໃນແຕ່ລະຊ່ວງໄລຍະ ກະຊວງການເງິນອາດຈະອອກລະບຽບກ່ຽວກັບມາດຕະຖານ, ຂໍ້ກໍານົດ ແລະ ຂອບເຂດການເຄື່ອນໄຫວຂອງນາຍໜ້າແຈ້ງພາສີ. ສະນັ້ນ, ທ່ານຄວນກວດເບິ່ງເວັບໄຊທ໌ນີ້ ຫຼື ຕິດຕໍ່ຫາກະຊວງການເງິນໂດຍກົງ ເພື່ອຮັບປະກັນວ່າທ່ານໄດ້ຮັບຂໍ້ມູນຢ່າງ ຄົບຖ້ວນກ່ຽວກັບຂໍ້ກໍານົດໃໝ່ຕ່າງໆ.
ພັນທະຂອງນາຍໜ້າແຈ້ງພາສີ
ນາຍໜ້າແຈ້ງພາສີມີຄວາມຮັບຜິດຊອບຊໍາລະພາສີສິນຄ້າຢູ່ດ່ານຊາຍແດນແທນເຈົ້າຂອງສິນຄ້າ.
ນາຍໜ້າແຈ້ງພາສີອາດຈະດໍາເນີນໜ້າວຽກຕໍ່ໄປນີ້ ແລະ ມີພັນທະຕໍ່ໄປນີ້:
- ດໍາເນີນທຸກລະບຽບການຊໍາລະພາສີທີ່ຈໍາເປັນຕາມກົດລະບຽບ ລວມທັງການສົ່ງທຸກເອກະສານທາງພາສີ, ສົ່ງໃບແຈ້ງພາສີ, ຊໍາລະພາສີ ແລະ ພັນທະອື່ນ ແລະ ເຄື່ອນຍ້າຍສິນຄ້າອອກຈາກສາງເກັບມ້ຽນສິນຄ້າ ຫຼື ຈຸດກວດ ໃນນາມຕາງໜ້າໃຫ້ເຈົ້າຂອງສິນຄ້າ;
- ຕິດຕໍ່ຫາອົງການຄຸ້ມຄອງພາສີເພື່ອຈົດທະບຽນລະບົບແຈ້ງພາສີແບບອີເລັກໂທຣນິກ;
- ແຈ້ງສິນຄ້າຢ່າງຖືກຕ້ອງຕໍ່ກັບອົງການຄຸ້ມຄອງພາສີ ແລະ ສົ່ງເອກະສານສະໜັບສະໜູນຕ່າງໆ ອີງຕາມ ກົດລະບຽບ ແລະ ລະບຽບການດ້ານພາສີ;
- ເຊັນຊື່ໃນໃບແຈ້ງພາສີແບບລະອຽດໃນຮູບແບບອີເລັກໂທຣນິກ ແລະ/ຫຼື ຮູບແບບອື່ນຕາມຄວາມຈໍາເປັນໃນ ນາມເຈົ້າຂອງສິນຄ້າ ເມື່ອໄດ້ຮັບອະນຸຍາດໃຫ້ເຮັດສິ່ງນັ້ນ;
- ຈ່າຍພາສີ ແລະ ພັນທະອື່ນໆໃນນາມເຈົ້າຂອງສິນຄ້າ;
- ເຂົ້າຮ່ວມໃນການກວດສິນຄ້າຮ່ວມກັບເຈົ້າໜ້າທີ່ພາສີ;
- ມີຄວາມຮັບຜິດຊອບຕໍ່ກັບເຈົ້າໜ້າທີ່ພາສີໃນນາມເຈົ້າຂອງສິນຄ້າ ສໍາລັບການລະເມີດກົດໝາຍວ່າດ້ວຍພາ ສີ ຫຼື ທຸກກົດໝາຍ ຫຼື ກົດລະບຽບອື່ນທີ່ກ່ຽວຂ້ອງ;
- ຮັບຜິດຊອບສໍາລັບຄ່າໃຊ້ຈ່າຍໃນການຂົນສົ່ງ, ການເອົາສິນຄ້າລົງ, ການເຂົ້າເກັບມ້ຽນໃນສາງ ແລະ ລາຍຈ່າຍອື່ນໆທີ່ເກີດຂຶ້ນເນື່ອງຈາການກວດສິນຄ້າ;
- ເປີດຕູ້ຄອນເທັນເນີ ແລະ ກ່ອງສິນຄ້າ, ນັບຈໍານວນສິນຄ້າ, ຕິດນໍ້າໜັກ ແລະ ວັດແທກສິນຄ້າທີ່ອາດ ຈະຖືກຮ້ອງຂໍໃຫ້ເຮັດໂດຍເຈົ້າໜ້າທີ່ດ່ານພາສີ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.