ການຍົກເວັ້ນພາສີ
ສິນຄ້າສະເພາະບາງປະເພດ ແມ່ນຈະໄດ້ຮັບການຍົກເວັ້ນພາສີ. ດ້ານລຸ່ມນີ້ແມ່ນລາຍລະອຽດໂດຍຫຍໍ້ຂອງບາງ ລາຍການທີ່ຖືກຍົກເວັ້ນ. ເຖິງແນວໃດກໍ່ຕາມ ພວກເຮົາຂໍແນະນໍາໃຫ້ທ່ານສອບຖາມເພີ່ມເຕີ່ມອີກ ຢູ່ນໍາດ່ານພາສີ ເພື່ອໃຫ້ແນ່ໃຈວ່າທ່ານສາມາດໄດ້ຮັບການຜ່ອນຜັນສິນຄ້າຂອງທ່ານໄດ້ ຫຼື ບໍ່.
- ສິ່ງຂອງ ແລະ ພາຫະນະສໍາລັບພາລະກິດທາງການທູດ;
- ສິ່ງຂອງ ແລະ ພາຫະນະທີ່ນໍາເຂົ້າມາໂດຍອົງການຈັດຕັ້ງທີ່ບໍ່ສັງກັດລັດ ຫຼື ອົງການຈັດຕັ້ງສາກົນທີ່ບໍ່ສັງ ກັດລັດທີ່ໄດ້ຮັບອະນຸມັດ;
- ສິ່ງຂອງບາງປະເພດໃນເວລາປ່ຽນບ່ອນຢູ່ອາໄສ (ຍ້າຍເຮືອນ);
- ລັດຖະກອນທີ່ເຮັດສໍາເລັດພາລະກິດຂອງເຂົາເຈົ້າ, ນັກສຶກສາທີ່ຮຽນຈົບຈາກຕ່າງປະເທດ ແລະ ຄົນຕ່າງ ປະເທດທີ່ຕ້ອງການມາຕັ້ງຖິ່ນຖານຖາວອນ ທີ່ນໍາເຂົ້າສິ່ງຂອງຕ່າງໆນອກຈາກພາຫະນະຂອງເຂົາເຈົ້າແມ່ນ ໄດ້ຮັບການຍົກເວັ້ນພາສີ ສໍາລັບສິ່ງຂອງດັ່ງຕໍ່ໄປນີ້:
- ສີນຄ້າສະເພາະບາງປະເພດ ແລະ ໃນຈໍານວນສະເພາະໃດໜຶ່ງທີ່ບໍ່ມີລັກສະນະທາງການຄ້າ;
- ເຄື່ອງໃຊ້ໃນເຮືອນ;
- ສິ່ງຂອງທີ່ໄດ້ຮັບຈາກມໍລະດົກ.
- ຂອງຂັວນຂອງຄະນະຜູ້ແທນທີ່ກັບຈາກການຢ້ຽມຢາມຕ່າງປະເທດຢ່າງເປັນທາງການ;
- ການຊ່ວຍເຫຼືອດ້ານມະນຸດສະທໍາ;
- ການຊ່ວຍເຫຼືອລ້າຈາກຕ່າງປະເທດ, ການຢືມ ຫຼື ການຈ່າຍໜີ້ສິນຂອງລັດຖະບານ;
- ສິ່ງຂອງທີ່ນໍາມາໃຊ້ສໍາລັບຈຸດປະສົງທາງສາສະໜາ (ຕົວຢ່າງ ພິທີທາງສາສະໜາ, ການກໍ່ສ້າງສະຖານທີ່ທາງສາສະໜາ) ທີ່ມີເອກະສານຢັ້ງຢືນຈາກອົງການພຸດທະສາສະໜາ ຫຼື ແນວລາວສ້າງຊາດ ຫຼື ກະຊວງຖະແຫຼງຂ່າວ ແລະ ວັດທະນະທໍາ;
- ສິ່ງຂອງ, ອາວຸດ ແລະ ພາຫະນະພິເສດທີ່ຈະນໍາໃຊ້ເພື່ອການປ້ອງກັນຊາດ ແລະ ຄວາມສະຫງົບພາຍໃນ;
- ຕົວຢ່າງ ແລະ ສິ່ງຂອງສໍາລັບການຄົ້ນຄວ້າວິໄຈທາງວິທະຍາສາດທີ່ບໍ່ມີລັກສະນະທາງການຄ້າ;
- ພາຍໃຕ້ກົດໝາຍວ່າດ້ວຍການສົ່ງເສີມການລົງທຶນ ການນໍາເຂົ້າສິນຄ້າສະເພາະບາງປະເພດໃດໜື່ງແມ່ນ ຈະໄດ້ຮັບການຍົກເວັ້ນພາສີ ຫຼື ຫຼຸດຜ່ອນພາສີ ແລະ ພັນທະອື່ນ;
- ສິນຄ້າທີ່ນໍາເຂົ້າມາ ແລະ ອອກຈາກເຂດເສດຖະກິດພິເສດ ແລະ ເຂດເສດຖະກິດສະເພາະ;
- ສິນຄ້າທີ່ຂາຍໃຫ້ນັກທ່ອງທ່ຽວທີ່ເດີນທາງອອກ ຢູ່ຮ້ານຄ້າປອດພາສີທີ່ໄດ້ຮັບອະນຸຍາດຈາກ ກະຊວງການເງິນ. (ເບິ່ງນັກທ່ອງທ່ຽວເຂົ້າ-ອອກປະເທດລາວ)
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.