ຂັ້ນຕອນ 1. ກະກຽມເອກະສານ ເພື່ອຂໍໃບຢັ້ງຢືນ ມີລາຍລະອຽດດັ່ງລຸ່ມນີ້:
- ໜັງສືສະເໜີ ຫາກົມການນໍາເຂົ້າ ແລະ ສົ່ງອອກ ກະຊວງອຸດສາຫະກໍາ ແລະ ການຄ້າ ສປປ ລາວ - ຕົ້ນສະບັບ 1 ຊຸດ
- ຄໍາຮ້ອງ ຫາກະຊວງອຸດສາຫະກໍາ ແລະ ການຄ້າ ສສ ຫວຽດນາມ (ເປັນພາສາລາວ) - ຕົ້ນສະບັບ 1 ຊຸດ
- ທະບຽນວິສາຫະກິດ (ຄັ້ງທໍາອິດ) - ສໍາເນົາ 1 ຊຸດ
- ໃບແຈ້ງລາຄາ ແລະ ໃບຫຸ້ມຫໍ່ (Invoice and packing list) - ສໍາເນົາ 1 ຊຸດ
- ໃບອະນຸຍາດຈາກຂະແໜງການທີ່ກ່ຽວຂ້ອງ - ສໍາເນົາ 1 ຊຸດ
- ໃບມອບສິດຈາກເຈົ້າຂອງສິນຄ້າໃຫ້ຜູ້ດໍາເນີນການຂໍອະນຸຍາດຜ່ານແດນ ກໍລະນີມອບໃຫ້ບໍລິສັດອື່ນແລ່ນເອກະສານແທນ - ຕົ້ນສະບັບ ຫຼື ສໍາເນົາ 1 ຊຸດ
ຂັ້ນຕອນ 2. ຮັບ ແລະ ກວດກາເອກະສານ
ພາຍຫຼັງປະກອບເອກະສານຄົບຖ້ວນແລ້ວ, ຜູ້ປະກອບການຕ້ອງຍື່ນເອກະສານກັບ ກົມການນໍາເຂົ້າ ແລະ ສົ່ງອອກ (ພະແນກການຄ້າຊາຍແດນ), ກະຊວງອຸດສາຫະກໍາ ແລະ ການຄ້າ. ວິຊາການຜູ້ຄົ້ນຄ້ວາຈະກວດກາຄວາມຖືກຕ້ອງຂອງເອກະສານ. ຖ້າເອກະສານຄົບຖ້ວນຕາມຂັ້ນຕອນ 1 ແມ່ນຈະເອົາເຂົ້າເລກທີຂາເຂົ້າ ແລະ ຖ້າບໍ່ຄົບຖ້ວນ ຫຼື ມີບ່ອນດັດແກ້ ແມ່ນທາງວິຊາການຈະແນະນໍາລາຍລະອຽດໃຫ້ກັບຜູ້ປະກອບເພື່ອນໍາເອກະສານໄປປະກອບຄືນໃຫ້ຖືກຕ້ອງ ແລະ ຄົບຖ້ວນ ທາງ ພະແນກການຄ້າຊາຍແດນຈິ່ງຈະຮັບເອົາເອກະສານຂອງຜູ້ປະກອບການແລ້ວດໍາເນີນການໃນຂັ້ນຕອນຕໍ່ໄປ.
ຂັ້ນຕອນ 3. ຄົ້ນຄວ້າ ແລະ ພິຈາລະນາເອກະສານ
ອີງຕາມ ສັນຍາວ່າດ້ວຍສີນຄ້າຜ່ານແດນສະບັບລົງວັນທີ 13 ເດືອນມີນາ 2009 ແລະ ອະນຸສັນຍາເພື່ອປັບປຸງສັນຍາວ່າດ້ວຍສີນຄ້າຜ່ານແດນ ສະບັບວັນທີ 26 ເມສາ 2017. ລະຫວ່າງ ສອງລັດຖະບານ ແຫ່ງ ສປປ ລາວ ແລະ ລັດຖະບານແຫ່ງ ສສ ຫວຽດນາມ.
ຂັ້ນຕອນ 4. ເຊັນ ແລະ ປະທັບກາ ເພື່ອອອກໃບຢັ້ງຢືນ
ພາຍຫຼັງທີ່ໄດ້ຮັບເອກະສານຖືກຕ້ອງ ແລະ ຄົບຖ້ວນຕາມລະບຽບການທີ່ໄດ້ກໍານົດ ພະແນກການຄ້າຊາຍແດນຈະຮ່າງເອກະສານໃບຢັ້ງຢືນຕາມການສະເໜີຂອງຜູ້ປະກອບການ ເພື່ອດໍາເນີນການຂໍອະນຸມັດ ລາຍເຊັນ ຈາກຄະນະກົມຜູ້ປະຈໍາການ ແລະ ປະທັບກາໃສ່ໃບຢັ້ງຢືນ.
ຂັ້ນຕອນ 5. ຮັບໃບໃບຢັ້ງຢືນ
ຜູ້ປະກອບການຕ້ອງເຊັນຮັບເອົາໃບຢັ້ງຢືນ ຈາກພະແນກການຄ້າຊາຍແດນ, ກົມການນໍາເຂົ້າ ແລະ ສົ່ງອອກ.
ສອບຖາມເພີ່ມເຕີມ ກະລຸນາຕິດຕໍ່: ພະແນກການຄ້າຊາຍແດນ, ກົມການນໍາເຂົ້າ ແລະ ສົ່ງອອກ, ກະຊວງອຸດສາຫະກໍາ ແລະ ການຄ້າ. ເບີໂທລະສັບ: 021 413091 ເບີແຟັກ: 021 454224
| # | ຫົວຂໍ້ | ລາຍລະອຽດ | ອອກໂດຍ | ໄຟລ໌ |
|---|
| # | ຊື່ | ລາຍລະອຽດ | ປະເພດ ມາດຕະການ | ອົງກອນ | ຄຳເຫັນ | ນິຕິກໍາ | ສິ້ນສຸດ | ໝວດມາດຕະການ |
|---|
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.