ການນໍາເຂົ້າຝຸ່ນ ຕ້ອງໄດ້ຮັບອະນຸຍາດນໍາເຂົ້າ ຈາກພະແນກກະສິກໍາ ແລະ ປ່າໄມ້ ແຂວງ, ນະຄອນຫຼວງວຽງຈັນ ຊຶ່ງຂັ້ນຕອນ ແລະ ເອກະສານປະກອບສໍາລັບການອອກອະນຸຍາດນໍາເຂົ້າ ປະກອບມີດັ່ງນີ້:
ຂັ້ນຕອນ 1: ຍື່ນເອກະສານ
1) ໃບຄໍາຮ້ອງ (ມີແບບຟອມ);
2) ໃບທະບຽນວິສາຫະກິດ (ສະເພາະນໍາເຂົ້າມາຈໍາໜ່າຍ ຫຼື ການລົງທຶນ);
3) ໃບອະນຸຍາດດໍາເນີນທຸລະກິດກະສິກໍາ ແລະ ປ່າໄມ້ (ສະເພາະການນໍາເຂົ້າຮັບໃຊ້ໃຫ້ແກ່ການດໍາເນີນທຸລະກິດ);
4) ແຜນການນໍາເຂົ້າ ແລະ ນໍາໃຊ້ພາຍໃນປະເທດ (ໃນກໍລະນີນໍາເຂົ້າຫຼາຍຄັ້ງຕໍ່ປີ);
5) ແຜນການຄົ້ນຄວ້າທົດລອງ (ສະເພາະການນໍາເຂົ້າມາຄົ້ນຄວ້າ);
6) ໃບມອບສິດ (ໃນກໍລະນີໃຫ້ຜູ້ອື່ນ ດໍາເນີນການແທນ);
7) ໃບແຈ້ງລາຄາ (ສະເພາະຄັ້ງດຽວ);
8) ໃບແຈ້ງລາຍການຫຸ້ມຫໍ່ (ສະເພາະຄັ້ງດຽວ);
9) ສັນຍາຈັດຕັ້ງປະຕິບັດຂໍ້ກໍານົດເງື່ອນໄຂໃນການນໍາເຂົ້າ (ຖ້າມີ).
ຂັ້ນຕອນ 2 ພິຈາລະນາເອກະສານ
ພະນັກງານຂອງພະແນກກະສິກໍາ ແລະ ປ່າໄມ້ ແຂວງ, ນະຄອນຫຼວງວຽງຈັນ ຈະດໍາເນີນກວດກາເອກະສານກັບທີ່. ຖ້າເອກະສານຄົບຖ້ວນ ແລະ ຖືກຕ້ອງຕາມຂັ້ນຕອນ 1 ແມ່ນຈະຮັບເອົາ ເພື່ອດໍາເນີນຕາມຂັ້ນຕອນ. ແຕ່ຖ້າບໍ່ຄົບຖ້ວນ ຫຼື ບໍ່ຖືກຕ້ອງ ແມ່ນຈະສົ່ງຄືນເອກະສານໃຫ້ຜູ້ຍື່ນຄໍາຮ້ອງ ພ້ອມແນະນໍາໃຫ້ປະກອບເອກະສານໃໝ່.
ຂັ້ນຕອນ 3 ເຊັນ ແລະ ອອກໃບອະນຸຍາດ
ພາຍຫຼັງໄດ້ຮັບເອກະສານຄົບຖ້ວນ ແລະ ຖືກຕ້ອງ, ພະແນກກະສິກໍາ ແລະ ປ່າໄມ້ ແຂວງ, ນະຄອນຫຼວງວຽງຈັນ ຈະໃຊ້ເວລາພິຈາລະນາອອກອະນຸຍາດນໍາເຂົ້າ ພາຍໃນ 15 ວັນລັດຖະການ ຊຶ່ງໃບອະນຸຍາດ ນໍາເຂົ້າ ສາມາດໃຊ້ໄດ້ພຽງຄັ້ງດຽວເທົ່ານັ້ນ.
ຂັ້ນຕອນ 4 ຮັບໃບອະນຸຍາດ
ຜູ້ຍື່ນຄໍາຮ້ອງ ສາມາດໄປຮັບເອົາໃບອະນຸຍາດນໍາເຂົ້າໄດ້ທີ່ ພະແນກກະສິກໍາ ແລະ ປ່າໄມ້ ຕາມວັນ ແລະ ເວລາທີ່ກໍານົດ.
| # | ຫົວຂໍ້ | ລາຍລະອຽດ | ອອກໂດຍ | ໄຟລ໌ |
|---|
| # | ຊື່ | ລາຍລະອຽດ | ປະເພດ ມາດຕະການ | ອົງກອນ | ຄຳເຫັນ | ນິຕິກໍາ | ສິ້ນສຸດ | ໝວດມາດຕະການ |
|---|
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.