ອາຫານສັດນໍາເຂົ້າ ຕ້ອງໄດ້ຮັບການຂຶ້ນທະບຽນຈາກກົມລ້ຽງສັດ ແລະ ການປະມົງ, ກະຊວງ ກະສິກໍາ ແລະ ປ່າໄມ້ ຊຶ່ງຂັ້ນຕອນ ແລະ ເອກະສານປະກອບ ສໍາລັບການຂຶ້ນທະບຽນ ປະກອບມີດັ່ງນີ້:
ຂັ້ນຕອນ 1: ຍື່ນເອກະສານ ແລະ ຕົວຢ່າງອາຫານສັດ ທີ່ນໍາມາຂໍຂຶ້ນທະບຽນ
1) ໃບຄໍາຮ້ອງ (ມີແບບຟອມ);
2) ສໍາເນົາໃບທະບຽນວິສາຫະກິດ ແລະ ໃບອະນຸຍາດດໍາເນີນທຸລະກິດອາຫານສັດ;
3) ໃບມອບສິດຈາກຜູ້ຜະຜິດອາຫານສັດ ແລະ ໃບຂຶ້ນທະບຽນອາຫານສັດ ຈາກປະເທດສົ່ງອອກ ຖ້າເປັນອາຫານສັດນໍາເຂົ້າ;
4) ໃບມອບສິດ ແລະ ບັດປະຈໍາຕົວຂອງຜູ້ຕາງໜ້າ ໃນກໍລະນີໃຫ້ຜູ້ອື່ນມາຂໍຂຶ້ນທະບຽນແທນ;
5) ສະຫຼາກອາຫານສັດ ແລະ ຕົວຢ່າງອາຫານສັດ ບໍ່ໜ້ອຍກວ່າ ຫ້າຮ້ອຍ ກຣາມ ຕໍ່ຊຸດ;
6) ບົດລາຍງານຜົນການທົດລອງການນໍາໃຊ້ສູດອາຫານສັດ ທີ່ມາຂໍຂຶ້ນທະບຽນ;
7) ໃບແຈ້ງຊະນິດ ແລະ ລາຍການຊຸດອາຫານສັດ ທີ່ມີລາຍລະອຽດຂອງສ່ວນປະກອບຫຼັກຂອງອາຫານສັດ;
8) ເອກະສານອື່ນທີ່ເຫັນວ່າມີຄວາມຈໍາເປັນ ຕາມການຮຽກຮ້ອງຂອງກົມລ້ຽງສັດ ແລະ ການປະມົງ.
ຂັ້ນຕອນ 2 ພິຈາລະນາເອກະສານ
ກົມລ້ຽງສັດ ແລະ ການປະມົງ ຈະດໍາເນີນກວດກາເອກະສານ. ຖ້າເອກະສານຄົບຖ້ວນ ແລະ ຖືກຕ້ອງຕາມຂັ້ນຕອນ 1 ແມ່ນຈະຮັບເອົາ ເພື່ອດໍາເນີນຕາມຂັ້ນຕອນ. ແຕ່ຖ້າບໍ່ຄົບຖ້ວນ ຫຼື ບໍ່ຖືກຕ້ອງ ແມ່ນຈະສົ່ງຄືນເອກະສານໃຫ້ຜູ້ຍື່ນຄໍາຮ້ອງ ພ້ອມແນະນໍາໃຫ້ປະກອບເອກະສານໃໝ່.
ຂັ້ນຕອນ 3 ເຊັນ ແລະ ອອກໃບຂຶ້ນທະບຽນ
ພາຍຫຼັງໄດ້ຮັບເອກະສານຄົບຖ້ວນ ແລະ ຖືກຕ້ອງ, ກົມລ້ຽງສັດ ແລະ ການປະມົງ ຈະພິຈາລະນາອອກໃບຂຶ້ນທະບຽນອາຫານສັດ ພາຍໃນກໍານົດເວລາ 120 ວັນ ນັບແຕ່ວັນທີ່ໄດ້ຮັບຄໍາຮ້ອງ ເປັນຕົ້ນໄປ.
ຂັ້ນຕອນ 4 ຮັບໃບຂຶ້ນທະບຽນ
ຜູ້ຍື່ນຄໍາຮ້ອງ ສາມາດໄປຮັບເອົາໃບຂຶ້ນທະບຽນໄດ້ທີ່ ກົມລ້ຽງສັດ ແລະ ການປະມົງ ຕາມວັນ ແລະ ເວລາທີ່ກໍານົດ.
| # | ຫົວຂໍ້ | ລາຍລະອຽດ | ອອກໂດຍ | ໄຟລ໌ |
|---|
| # | ຊື່ | ລາຍລະອຽດ | ປະເພດ ມາດຕະການ | ອົງກອນ | ຄຳເຫັນ | ນິຕິກໍາ | ສິ້ນສຸດ | ໝວດມາດຕະການ |
|---|
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.