ຄະນະສະເພາະກິດ ແກ້ໄຂໄມ້ຢູ່ແຂວງຊຽງຂວາງ ແຈ້ງເຖິງ ບັນດາສະມາຄົມອຸດສາຫະກຳປຸງແຕ່ງໄມ້ສຳເລັດຮູບແຫ່ງຊາດ, ສະມາຄົມເຟີນິເຈີ້ລາວ, ບັນດາໂຮງງານປຸງແຕ່ງໄມ້, ທຸລະກິດໄມ້ໃນຂອບເຂດທົ່ວໄປະເທດ ເພື່ອເຂົ້າຮ່ວມປະມູນຊື້ໄມ້ຢຶດຂອງແຂວງຊຽງຂວາງ ຄື:
1. ໄມ້ຢູ່ສະໜາມ 2, ເມືອງໝອກ, ແຂວງຊຽງຂວາງ ລວມມີ 28 ສະໜາມ (28 ບັນຊີໄມ້).
2. ຈຳນວນໄມ້ທັງໝົດ ມີ 8,293 ທ່ອນ, ລວມບໍລິມາດ 21. 356, 872 ແມັດກ້ອນ. ເຊິ່ງເປັນໄມ້ຄຸ້ມຄອງ 1, 2, 3,
ລາຍລະອຽດແຕ່ລະບັນຊີ, ຊະນິດໄມ້ ໃຫ້ຜູ້ສົນໃຈປະສານນຳຄະນະກຳມະການສະເພາະກິດ ໂທ: 020 9606 4888, 020 2222 4289, 020 5540 2781).
ເງື່ອນໄຂ ຂອງຜູ້ເຂົ້າຮ່ວມການປະມູນ ຕ້ອງເປັນໂຮງງານປຸງແຕ່ງໄມ້ ຫຼື ໂຮງງານເຟີນິເຈີ ຢູ່ ສປປ ລາວ ທີ່ມີທະບຽນວິສາຫະກິດ, ໃບທະບຽນອາກອນ, ໃບອະນຸຍາດດຳເນີນທຸລະກິດດ້ານການຜະລິດ ແລະ ປຸງແຕ່ງໄມ້ທີ່ຖືກຕ້ອງຕາມລະບຽບກົດໝາຍ, ມີໃບຢັ້ງຢືນຖານະການເງິນຢູ່ ສປປ ລາວ, ມີປະຫວັດການດຳເນີນທຸລະກິດຈະແຈ້ງ.
ທ່ານທີ່ສົນໃຈ ສາມາດຊື້ຊອງປະມູນໄດ້ ຕັ້ງແຕ່ວັນທີ 16-30 ມີນາ 2017 ທີ່ ພະແນກກະສິກຳ ແລະ ປ່າໄມ້ ແຂວງຊຽງຂວາງ ຫຼື ຂັ້ນສູນກາງ ທີ່ ກົມການນຳເຂົ້າ ແລະ ສົ່ງອອກ, ກະຊວງອຸດສາຫະກຳ ແລະ ການຄ້າ, ຕິດຕໍ່ພົວພັນ ທີ່ໂທ 021 412 008 ຫຼື 5549 9071.
ລາຄາຊອງປະມູນ ແມ່ນ 1,000,000 ກີບ/ຊອງ. ຜູ້ປະມູນ ຕ້ອງຖືຊອງໄວ້ກັບຕົນເອງ ຈົນຮອດເວລາ 9:00 ເຊົ້າ ຂອງວັນທີ 31 ມີນາ 2017 ຈື່ງຍື່ນໃຫ້ຄະນະກຳມະການປະມູນ ທີ່ຫ້ອງປະຊຸມໃຫຍ່ພະແນກກະສິກຳ ແລະ ປ່າໄມ້ແຂວງຊຽງຂວາງ. ຖ້າກາຍຖືວ່າສະລະສິດ. ສ່ວນມື້ເປີດຊອງປະມູນແມ່ນວັນທີ 31 ມີນາ 2017 ເວລາ 10:00 ເຊົ້າ ຢູ່ຫ້ອງປະຊຸມໃຫຍ່ ພະແນກກະສິກຳ ແລະ ປ່າໄມ້ ແຂວງຊຽງຂວາງ.
| # | ຫົວຂໍ້ | ດາວໂຫຼດ |
|---|---|---|
| 1 | Invitation for bid of seized timbers of Xiengkhuang Province |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.