ຄະນະກຳມະການຂາຍໄມ້ຂັ້ນແຂວງ ແຂວງສະຫວັນນະເຂດ ແຈ້ງເຖິງ ສະພາການຄ້າ ແລະ ອຸດສາຫະກຳແຫ່ງຊາດ, ສະພາການຄ້າ ແລະ ອຸດສາຫະກຳປະຈຳແຂວງສະຫວັນນະເຂດ, ສະມາຄົມປຸງແຕ່ງໄມ້ແຫ່ງຊາດ, ສະມາຄົມເຟີນິເຈີ້ລາວ, ໂຮງງານປຸງແຕ່ງໄມ້ ແລະ ເຟີນິເຈີ້ໄມ້ສຳເລັດຮູບທົ່ວປະເທດ ເພື່ອເຂົ້າຮ່ວມປະມູນຊື້ໄມ້ຢຶດຂອງແຂວງສະຫວັນນະເຂດ ຄື:
1. ສະບັບທີ 01: ຈຳນວນ 4,718 (ສີ່ພັນເຈັດຮ້ອຍສິບແປດຕັບ/ເສັ້ນ), ບໍລິມາດ 219.979 ແມັດກ້ອນ (ສອງຮ້ອຍສິບເກົ້າຈຸດເກົ້າເຈັດເກົ້າແມັດກ້ອນ) ຂອງລິດ 298,964 ແມັດກ້ອນ ສະໜາມ 2 ຢູ່ເດີ່ນ ປກສ ແຂວງ, ຄ້າຍ ປກສ ແດນສະຫວັນ ເມືອງເຊໂປນ ແລະ ສະໜາມພູຕູບມູບ ເມືອງພິນ.
2. ສະບັບທີ02: ຈຳນວນ 93 ທ່ອນ, ບໍລິມາດ 275.374 ແມັດກ້ອນ (ສອງຮ້ອຍເຈັດສິບຫ້າຈຸດສາມເຈັດສີ່), ສະໜາມ 2 ຢູ່ ຈຸດຫ້ວຍປະໃຍ, ບ້ານ ພູຜານາງ, ເມືອງທ່າປາງທອງ ແຂວງສະຫວັນນະເຂດ.
3. ສະບັບທີ 03: ຈຳນວນ 384 ຕັບ/ແປຮູບ ແລະ 12 ເສົາ, ບໍລິມາດ 68.401 (ຫົກສິບແປດຈຸດສີ່ຮ້ອຍໜຶ່ງ), ສະໜາມ 2 ຢູ່ເດີ່ນກອງບັນຊາການທະຫານເມືອງທ່າປາງທອງ.
ສຳລັບເງື່ອນໄຂ ຂອງຜູ້ເຂົ້າຮ່ວມການປະມູນມີດັ່ງນີ້:
- ເປັນບໍລິສັດ/ໂຮງງານປຸງແຕ່ງໄມ້ ທີ່ໄດ້ຜ່ານການດັດສົມ ແລະ ໄດ້ຮັບອະນຸຍາດດຳເນີນທຸລະກິດດ້ານການຜະລິດ ແລະ ປຸງແຕ່ງໄມ້ທີ່ຖືກຕ້ອງຕາມລະບຽບກົດໝາຍຂອງ ສປປ ລາວ;
- ມີໃບທະບຽນວິສາຫະກິດ, ໃບຢັ້ງຢືນການເສຍອາກອນ, ໃບອະນຸຍາດດຳເນີນກິກຈະການໂຮງງານປຸງແຕ່ງໄມ້ ແລະ ໃບອະນຸຍາດອື່ນໆ ຖືກຕ້ອງຕາມລະບຽບຫຼັກການ ແລະ ຕ້ອງເປັນໂຮງງານ ທີ່ບໍ່ເຄີຍເຮັດຜິດກ່ຽວກັບທຸລະກິດໄມ້, ບໍ່ມີໜີ້ສິນຄ້າງຊຳລະພັນທະໄມ້ກັບທາງພາກລັດ;
- ເປັນສະມາຊິກຂອງສະມາຄົມປຸງແຕ່ງໄມ້ປະຈຳແຂວງ ຫຼື ສະມາຊິກສະມາຄົມປຸງແຕ່ງໄມ້-ເຟີນິເຈີລາວ;
- ມີໃບຢັ້ງຢືນຖານະການເງິນ (Bank statement) ຈາກທະນາຄານ ທີ່ມີມູນຄ່າຫຼາຍຫວ່າມູນຄ່າສະເໜີການປະມູນ;
ໃນການເຂົ້າຮ່ວມການປະມູນຊື້ໄມ້ ຜູ້ເຂົ້າປະມູນຕ້ອງສົ່ງຊອງປະມູນມາຍັງຄະນະກຳມະການປະມູນຊື້ໄມ້ຂັ້ນແຂວງ ຈຳນວນ 02 ຊອງ ຄື: ຊອງເງື່ອນໄຂຂອງໂຮງງານທີ່ເຂົ້າຮ່ວມປະມູນ (ເອກະສານຕ່າງໆຂອງໂຮງງານໄມ້) ແລະ ຊອງໃສ່ລາຄາປະມູນຊື້ໄມ້ຂອງທາງໂຮງງານ.
ຜູ້ທີ່ມີເງື່ອນໄຂ ສາມາດຕິດຕໍ່ຊື້ຊອງປະມູນໄດ້ທີ່ ພະແນກອຸດສາຫະກຳ ແລະ ການຄ້າ (ຂະແໜງນຳເຂົ້າ ແລະ ສົ່ງອອກ) ແຂວງສະຫວັນນະເຂດ ໂທ 020 9991 6333 ໃນລາຄາຊອງລະ 1,000,000 ກີບ ໃນລະຫວ່າງວັນທີ 20 ມີນາ 2017 – 06 ເມສາ 2017. ກຳນົດການລົງກວດກາເບິ່ງສະໜາມໄມ້ ແລະ ໄມ້ ວັນທີ 4-5 ເມສາ 2017. ເປີດຊອງປະມູນໄມ້ ເວລາ 9:00 ຂອງວັນທີ 07 ເມສາ 2017 ທີ່ຫ້ອງປະຊຸມຊັ້ນ 2 ພະແນກອຸດສາຫະກຳ ແລະ ການຄ້າແຂວງສະຫວັນນະເຂດ.
ເບິ່ງແຈ້ງການລະອຽດ ແລະ ບັນຊີໄມ້: ກົດທີ່ນີ້
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.