ອີງຕາມຂໍ້ຕົກລົງສະບັບນີ້ ສໍາລັບບຸກຄົນ ຫຼື ນິຕິບຸກຄົນ ທີ່ເປັນຄົນລາວ ຫຼື ຄົນຕ່າງປະເທດ ທີ່ມີຈຸດປະສົງ ສ້າງຕັ້ງບໍລິສັດຂາອອກ-ຂາເຂົ້າ ດ້ານຢາ ແລະ/ຫຼື ຜະລິດຕະພັນການແພດ ຕ້ອງມີເພສັດຊະກອນທີ່ເປັນສັນຊາດລາວ ຊຶ່ງມີໃບປະກາສະນິຍາບັດ ຫຼື ໃບຢັ້ງຢືນສໍາເລັດ ການສຶກສາ ວິຊາຊີບ ເພສັດຊະກໍາ ທີ່ອອກໃຫ້ໂດຍ ສະຖາບັນການສືກສາທີ່ກ່ຽວຂ້ອງ ທັງພາຍໃນ ແລະ ຕ່າງປະເທດ ພ້ອມທັງໄດ້ຮັບອະນຸຍາດ ວິຊາຊີບເພສັດຊະກໍາຈາກກະຊວງສາທາລະນະສຸກ ແລະ ຕ້ອງມີປະສົບປະການຮັບໃຊ້ວຽກງານດ້ານເພສັດຊະກໍາ 05 ປີ ຂຶ້ນໄປ ໂດຍມີໃບຢັ້ງຢືນການຮັບໃຊ້ວິຊາສະເພາະຈາກພາກສ່ວນທີ່ກ່ຽວຂ້ອງ, ຖ້າແມ່ນພະນັກງານລັດຕ້ອງມີໃບແຕ່ງຕັ້ງຢ່າງເປັນທາງການ.
ສ່ວນບໍລິສັດທີ່ດໍາເນີນທຸລະກິດດ້ານຜະລິດຕະພັນການແພດ ນອກຈາກທີ່ໄດ້ກໍານົດໄວ້ໃນຂໍ້ຕົກລົງສະບັບນີ້ ຍັງຕ້ອງປະຕິບັດຕາມເງື່ອນໄຂທີ່ກໍານົດໄວ້ໃນລະບຽບການສະເພາະ ໂດຍສະເພາະການດໍາເນີນທຸລະກິດດ້ານເຄື່ອງສໍາອາງ.
ຂ້ໍຕົກລົງ ສະບັບນີ້ ມີຜົນສັກສິດນັບແຕ່ວັນທີ 25 ສິງຫາ 2017.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.