ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ

ກະຊວງ ວິທະຍາສາດ ແລະ ເຕັກໂນໂລຊີ            ເລກທີ:1711/ກວຕ
ນະຄອນຫຼວງວຽງຈັນ,ວັນທີ: 30 ພະຈິກ 2017

ຂໍ້ຕົກລົງ
ຂອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ
ວ່າດ້ວຍການຮັບຮອງ ແລະ ປະກາດໃຊ້ບັນຊີລາຍການ ກ່ຽວກັບມາດຕະຖານຜະລິດຢາງພາລາສາກົນ ມາເປັນມາດຕະຖານແຫ່ງຊາດ ຈຳນວນ 46 ມາດຕະຖານ

  • ອີງຕາມ ກົດໝາຍວ່າດ້ວຍມາດຕະຖານ (ສະບັບປັບປຸງ) ສະບັບເລກທີ 49/ສພຊ, ລົງວັນທີ 18 ກໍລະກົດ 2014.
  • ອີງຕາມບົດບັນທຶກກອງປະຊຸມ ຄະນະກຳມະການສະພາມາດຕະຖານແຫ່ງຊາດ, ສະບັບເລກທີ 0026/ສມຊ-ພມ, ລົງວັນທີ 19 ຕຸລາ 2017.
  • ອີງຕາມ ການສະເໜີຂອງປະທານສະພາມາດຕະຖານແຫ່ງຊາດ ສະບັບເລກທີ 0027/ກວຕ-ສມຊ, ລົງວັນທີ 24 ຕຸລາ 2017

ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ຕົກລົງ:

ມາດຕາ 1. ເຫັນດີຮັບຮອງ ແລະ ປະກາດໃຊ້ບັນຊີລາຍການ ກ່ຽວກັບມາດຕະຖານຜະລິດຕະພັນຢາງພາລາສາກົນ ມາເປັນມາດຕະຖານແຫ່ງຊາດ ຈຳນວນ 46 ມາດຕະຖານ ແຕ່ສະບັບ ມລ 328-2017 ເຖິງ 373-2017 ຢ່າງເປັນທາງການ.

ມາດຕາ 2. ໃຫ້ຫ້ອງການ, ກົມ, ສະຖາບັນ ແລະ ພາກສ່ວນຕ່າງໆ ທີ່ກ່ຽວຂ້ອງຈົ່ງຮັບຊາບ ແລະ ຈັດຕັ້ງປະຕິບັດ   ຂໍ້ຕົກລົງສະບັບນີ້ຢ່າງເຂັ້ມງວດ

ມາດຕາ 3. ຂໍ້ຕົກລົງສະບັບນີ້ ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ.

ລັດຖະມົນຕີ
ກະຊວງວິທະຍາສາດ ແລະ ເຕັກໂນໂລຊີ

ບໍ່ວຽງຄຳ ວົງດາລາ

 

ມາດຕະການ / ມາດຕະຖານ
# ຊື່ ປະເພດ ອົງກອນ ລາຍລະອຽດ ກົດໝາຍ ສຶ້ນສຸດ ໃຊ້ກັບ
1 ມາດຕະຖານ ຢາງພາລາ ມາດຕະຖານແຫ່ງຊາດ ກະຊວງ ວິທະຍາສາດ ແລະ ເຕັກໂນໂລຊີ ມາດຕະຖານ ຢາງພາລາ
  1. ກົດໝາຍ ວ່າດ້ວຍ ມາດຕະຖານ ເລກທີ 13/ສພຊ
  2. ຂໍ້ຕົກລົງຂອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ວ່າດ້ວຍການຮັບຮອງ ແລະ ປະກາດໃຊ້ບັນຊີລາຍການກ່ຽວກັບມາດຕະຖານຜະລິດຕະພັນຢາງພາລາສາກົນ ມາເປັນມາດຕະຖານແຫ່ງຊາດ ຈຳນວນ 46 ມາດຕະຖານ ເລກທີ 1711/ກວຕ, ລົງວັນທີ 30 ພະຈິກ 2017
 9999-12-31 ALL
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.