ໃນ 6 ເດືອນ 2018 ຜ່ານມາ ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ສາມາດບັນລຸໄດ້ທັງໝົດ US$ 5,011 ລ້ານ[1], ເພີ່ມຂຶ້ນ 14.5% ເມື່ອທຽບໃສ່ໄລຍະດຽວກັນຂອງປີຜ່ານມາ. ໃນນີ້:
ການສົ່ງອອກປະຕິບັດໄດ້ US$ 2,262 ລ້ານ, ເພີ່ມຂຶ້ນ 4.5% ເມື່ອທຽບໃສ່ໄລຍະດຽວກັນຂອງປີຜ່ານມາ. ສິນຄ້າທີ່ສົ່ງອອກຕົ້ນຕໍແມ່ນ ໄຟຟ້າ, ທອງ ແລະ ແຮ່ທອງ, ໂຄງຮ່າງກ້ອງບັນທຶກພາບ, ເຄື່ອງໃຊ້ໄຟຟ້າ, ເຄື່ອງນຸ່ງຫົ່ມ, ຄຳປະສົມ, ກາເຟ, ໝາກກ້ວຍ ແລະ ຢາງພາລາ, ປະເທດສົ່ງອອກຕົ້ນຕໍແມ່ນ: ໄທ, ຈີນ, ຫວຽດນາມ, ອິນເດຍ, ຍີ່ປຸ່ນ ແລະ ເຢຍລະມັນ.
ສ່ວນການນໍາເຂົ້າບັນລຸໄດ້ US$ 2,212 ລ້ານ, ເພີ່ມຂຶ້ນ 24.2% ເມື່ອທຽບໃສ່ໄລຍະດຽວກັນຂອງປີຜ່ານມາ, ສິນຄ້າທີ່ນຳ ເຂົ້າຕົ້ນຕໍ ແມ່ນ: ນໍ້າມັນເຊຶ້ອໄຟ (ນໍ້າມັນແອັດຊັງ, ກາຊວນ ແລະ ກາດ), ເຄື່ອງໃຊ້ໄຟຟ້າ, ພາຫະນະທາງບົກ ແລະ ຊິ້ນສ່ວນອາໄຫຼ່, ອຸປະກອນກົນຈັກ, ເຄື່ອງໃຊ້ໄຟຟ້າ, ເຫຼັກ ແລະ ອຸປະກອນທີ່ເຮັດດ້ວຍເຫຼັກ. ປະເທດທີ່ ສປປ ລາວ ນໍາເຂົ້າສ່ວນໃຫຍ່ ຍັງແມ່ນບັນດາປະເທດທີ່ມີຊາຍແດນຕິດຈອດ ເຊັ່ນ: ໄທ, ຈີນ ແລະ ຫວຽດ ນາມ. ນອກນັ້ນ, ຍັງນໍາເຂົ້າມາຈາກປະເທດ ຍີ່ປຸ່ນ, ສ.ເກົາຫຼີ, ອິນໂດເນເຊຍ, ສິງກະໂປ, ອົດສະຕາລີ, ຮົງກົງ...
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.