ສິນຄ້າປະເພດອາຫານໃດໜຶ່ງທີ່ສົ່ງອອກຈາກ ສປປ ລາວ ຕ້ອງປະຕິບັັດຕາມມາດຕະຖານ, ຄຸນນະພາບ ແລະ ຄວາມປອດໄພຕາມທີ່ກໍານົດໄວ້ໃນກົດໝາຍວ່າດ້ວຍອາຫານ ມາດຕາ 34. ຜູ້ສົ່ງອອກອາຫານ ທີ່ຕ້ອງການໃບຢັ້ງຢືນການສົ່ງອອກແມ່ນໃຫ້ສະເໜີເຖິງ ກົມອາຫານ ແລະຢາ ຫຼື ຂະແໜງອາຫານ ແລະ ຢາແຂວງ, ນະຄອນຫຼວງວຽງຈັນ.
ເອກະສານທີ່ປະກອບ ເພື່ອຂໍໃບຢັ້ງຢືນການສົ່ງອອກມີດັ່ງນີ້:
1. ໃບຄຳຮ້ອງຂອງບໍລິສັດ/ໂຮງງານ
2. ໃບແຈ້ງລາຄາ;
3. ໃບຢັ້ງຢືນຄວາມປອດໄພອາຫານ ຫຼື ລະບົບຄຸ້ມຄອງຄວາມປອດໄພອາຫານໃດໜຶ່ງເຊັ່ນ: ໃບທະບຽນອາຫານ, ໃບຢັ້ງຢືນຄຸນນະພາບຂອງຜະລິດຕະພັນອາຫານ, GMP/HACCP, ISO 22000 ແລະ ໃບຢັ້ງຢືນອື່ນໆ;
4. ໃບທະບຽນວິສາຫະກິດ;
5. ໃບອະນຸຍາດດຳເນີນທຸລະກິດ.
ການນຳເຂົ້າອາຫານຕ້ອງປະຕິບັດຕາມກົດໝາຍ, ລະບຽບການ ແລະ ມາດຕະຖານອາຫານຂອງ ສປປ ລາວ ແລະ ຕ້ອງຮັບປະກັນອາຫານມີຄວາມປອດໄພ ແລະເໝາະສົມແກ່ການບໍລິໂພກ. ອາຫານທີ່ມີຄວາມສ່ຽງສູງຈະຕ້ອງໄດ້ຈົດທະບຽນກ່ອນການອະນຸຍາດນຳເຂົ້າ, ອາຫານຄວາມສ່ຽງກາງແລະຕໍ່າ ແມ່ນສາມາດຂໍອະນຸຍາດນຳເຂົ້າໄດ້ເລີຍ (ເອກກະສານຊ້ອນທ້າຍລາຍການອາຫານຕາມຄວາມສ່ຽງແມ່ນກົມອາຫານ ແລະ ຢາ ກຳລັງຈະເຜີຍແຜ່ໃນໄວໆນີ້).
ເອກະສານທີ່ ຕ້ອງປະກອບເພື່ອຂໍອະນຸຍາດນໍາເຂົ້າມີດັ່ງນີ້:
1. ໃບຄໍາຮ້ອງຂໍອະນຸຍາດນໍາເຂົ້າອາຫານ (1 ສະບັບ);
2. ໃບແຈ້ງລາຄາສິນຄ້າ (2 ສະບັບ);
3. ໃບມັດຫໍ່ສິນຄ້າ(2 ສະບັບ);
4. ໃບຢັ້ງຢືນຮັບຮອງຄວາມປອດໄພອາຫານໃດໜຶ່ງຈາກປະເທດສົ່ງອອກເຊັ່ນ: ໃບຢັ້ງຢືນການຂຶ້ນທະບຽນ,ໃບຢັ້ງຢືນການຈຳໜ່າຍ, ໃບຢັ້ງຢືນGHP, GMP, HACCP, ISO 22000 ຫຼື ການຢັ້ງຢືນອື່ນໆຈາກອົງການຄຸ້ມຄອງຄວາມປອດໄພອາຫານຂອງປະເທດສົ່ງອອກ ຢ່າງໜ້ອຍຍັງມີອາຍຸການນຳໃຊ້ໄດ້ 03ເດືອນ (ເປັນພາສາອັງກິດ ແລະ ສະບັບແທ້, ຖ້າສະບັບສໍາເນົາ ໃຫ້ຈໍ້າກາຂອງບໍລິສັດນໍາເຂົ້າ) (1 ສະບັບ)
5. ໃບຢັ້ງຢືນການວິໄຈຈາກອົງການຄຸ້ມຄອງຄວາມປອດໄພອາຫານຂອງປະເທດສົ່ງອອກ ຫຼື ຫ້ອງວິໄຈທີ່ໄດ້ຮັບຮອງຢ່າງເປັນທາງການຢ່າງໜ້ອຍຍັງມີອາຍຸການນຳໃຊ້ໄດ້ສຳລັບຊຸດຜະລິດນັ້ນ (ເປັນພາສາອັງກິດແລະ ສະບັບແທ້, ຖ້າສະບັບສຳເນົາໃຫ້ຈໍ້າກາຂອງບໍລິສັດນຳເຂົ້າ) (2 ສະບັບ)
6. ໃບທະບຽນວິສາຫະກິດ (1ສະບັບ);
7. ມີສະຫຼາກ ຫຼື ສະຕິກເກີ ເປັນພາສາລາວ (1 ສະບັບ);
8. ຕົວຢ່າງຜະລິດຕະພັນອາຫານ(ຊະນິດລະ1ຕົວຢ່າງ);
9. ໃບຢັ້ງຢືນການຂຶ້ນທະບຽນອາຫານຂອງ ສປປ ລາວ (ຖ້າມີ) (1 ສະບັບ).
ບຸກຄົນ, ນິຕິບຸກຄົນ ຫຼື ການຈັດຕັ້ງທີ່ຈະຂົນສົ່ງອາຫານ ຈາກປະເທດໃດໜຶ່ງຜ່ານ ສປປ ລາວ ໄປຫາ ປະເທດທີສາມ ຕ້ອງໄດ້ປະກອບເອກະສານເພື່ອຂໍອະນຸຍາດສົ່ງຜ່ານ ຈາກກົມອາຫານ ແລະ ຢາ, ຂະແໜງອາຫານ ແລະ ຢາ ແຂວງ, ນະ ຄອນຫຼວງວຽງຈັນ ຕາມຫຼັກການດັ່ງນີ້:
ເອກະສານທີ່ ຕ້ອງປະກອບເພື່ອສົ່ງຜ່ານອາຫານມີດັ່ງນີ້:
1. ໃບຄໍາຮ້ອງຂໍອະນຸຍາດສົ່ງຜ່ານອາຫານ (1 ສະບັບ);
2. ໃບແຈ້ງລາຄາສິນຄ້າ (2 ສະບັບ);
3. ໃບສັ່ງຊື້ສິນຄ້າ (2ສະບັບ)
4. ໃບຂົນສົ່ງສິນຄ້າ (ຖ້າມີ) (1 ສະບັບ)
5. ໃບທະບຽນວິສາຫະກິດ (ຖ້າບໍລິສັດຫຼືໂຮງງານຕັ້ງຢູ່ ສປປ ລາວ) (1 ສະບັບ);
6. ໃບຢັ້ງຢືນຮັບຮອງຄວາມປອດໄພອາຫານໃດໜຶ່ງຈາກປະເທດສົ່ງອອກ ເຊັ່ນ:ໃບຢັ້ງຢືນການຂຶ້ນທະບຽນ, ໃບຢັ້ງຢືນການຈຳໜ່າຍ, ໃບຢັ້ງຢືນGHP, GMP, HACCP, ISO 22000 ແລະ ອື່ນໆ(ເປັນພາສາອັງກິດ) (2 ສະບັບ)
ສຳລັບຂໍ້ມູນເພີ່ມເຕີມ, ກະລຸນາພົວພັນໄດ້ທີ່
ກົມອາຫານ ແລະ ຢາ, ກະຊວງສາທາລະນະສຸກ
ບ້ານສີເມືອງ, ຖະໜົນເສດຖາທີຣາດ, ນະຄອນຫຼວງວຽງຈັນ, ສປປລາວ
ໂທລະສັບ: +(856-21) 214013
ໂທລະສານ: +(856-21) 214015
ເວັບໄຊທ໌: www.fdd.gov.la
ອີເມວ: [email protected]
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.