ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ
ສັນຕິພາບ ​ເອກະລາດ ປະຊາທິປະ​ໄຕ ​ເອກະ​ພາບ ວັດທະນາ​ຖາວອນ

ກະຊວງການເງິນ
ຫ້ອງການ

ເລກທີ 1827/ຫກງ
ນະຄອນຫຼວງວຽງຈັນ, ວັນທີ 02 ກໍລະກົດ 2018

ແຈ້ງການ

ຮຽນ :  - ທ່ານ ຫົວໝ້າຫ້ອງການກະຊວງແຜນການ ແລະ ການລົງທຶນ.

- ທ່ານ ຫົວໝ້າຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ.

ເລື່ອງ : ການປ່ຽນປ້າຍທະບຽນພາຫະນະບໍລິຫານ ຂພສ ບໍ່ເຕ່ນແດນງາມ ແລະ ຂສພ ສາມຫ່ຽມຄຳໃຫ້ໄປຕາມລະບຽບຫຼັກການລວມ.

- ອີງຕາມ ຂໍ້ຕົກລົງ ສະບັບເລກທີ 2929/ກງ, ລົງວັນທີ 31/08/2017, ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງຫ້ອງການກະຊວງການເງິນ.

- ອີງຕາມ ໜັງສືສະເໝີ ຂອງ ກົມພາສີ ສະບັບເລກທີ 03248/ກພສ ຸ ລົງວັນທີ 21/06/2018;

- ອີງຕາມ ທິດຊີ້ນໍາຂອງ ທ່ານ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ຄັ້ງວັນທີ 15/06/2018;

    ຫ້ອງການກະຊວງການເງິນ ຂໍຖືເປັນກຽດແຈ້ງທິດຊີ້ນໍາ ຂອງ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ມາຍັງທ່ານ ຊາບວ່າ: ກ່ຽວກັບປ້າຍທະບຽນພາຫະນະບໍລິຫານ ຂສພ ບໍ່ເຕ່ນແດນງາມ ແລະ ຂພສ ສາມຫ່ຽມຄຳ ໃຫ້ໄປຕາມລະບຽບຫຼັກການລວມ, ໃນການປະຕິບັດ ຕາມລະບຽບກົດໝາຍ ແລະ ການຕົກລົງຂອງລັດຖະບານ, ເພື່ອປະຕິບັດທິດຊີ້ນໍາ ແລະ ແນະນໍາການປະຕິບັດລະບຽບການດັ່ງກ່າວ ເຊີ່ງມີເນື້ອໃນ ຄື:

1.  ດ້ານນິຕິກໍາ ແລະ ລະບຽບກົດໝາຍ ໃນການຈັດເກັບພາສີ-ອາກອນ ຈາກການນໍາເຂົ້າພາຫະນະບໍລິຫານ ທັງກອບສົ່ງເສີມການລົງທຶນ ແລະ ຈັດຊື້ດ້ວຍງົບປະມານຂອງລັດແມ່ນປະຕິບັດຕາມກົດໝາຍວ່າດ້ວຍພາສີ ແລະ ຄຳສັ່ງ ນາຍົກລັດຖະມົນຕີແຫ່ງ ສປປ ລາວ ສະບັບເລກທີ 10/ນຍ, ລົງວັນທີ 27/05/2004.

2. ການປະຕິບັດພັນທະພາສີ-ອາກອນ ແລະ ຄ່າທໍານຽມຕ່າງໆ ໂດຍຫຼັກການຕ້ອງມອບເຂົ້າງົບປະມານສູນກາງ ຕາມກົດໝາຍງົບປະມານ ແລະ ກົດໝາຍວ່າດ້ວຍພາສີ.

3. ສໍາລັບປະເພດພາຫະນະບໍລິຫານຕ່າງໆ ທີ່ໄດ້ນໍາເຂົ້າມາຮັບໃຊ້ໃນເຂດເສດຖະກິດພິດເສດ, ຊຶ່ງມີການອະນຸມັດຂອງເຂດເສດຖະກິດພິເສດ, ມີໃບອະນຸຍາດຂະແໜງການກ່ຽວຂ້ອງ ການຄ້າ ແລະ ເຕັກນິກ, ມີເອກະສານປະກອບການນໍາເຂົ້າຢ່າງຄົບຖ້ວນຖືກຕ້ອງ ໂດຍສະເພາະ (ມີໃບແຈ້ງພາສີເປັນລາຍລະອຽດ IM4) ແລະ ພາຫະນະບໍລິຫານຈໍານວນດັ່ງກ່າວ ໄດ້ແຈ້ງຂຶ້ນທະບຽນເຂດພິເສດ, ກ່ອນແຈ້ງການຂອງກະຊວງແຜນການ ແລະ ການລົງທຶນ ສະບັບເລກທີ 2224/ຜທ, ລົງວັນທີ 12 ກັນຍາ 2016, ທີ່ ສະພາບໍລິຫານເຂດ, ຜູ້ພັດທະນາ ແລະ ຜູ້ລົງທຶນທົ່ວໄປ ເປັນຜູ້ນໍາໃຊ້, ຖ້າຫາກເປັນນະໂຍບາຍພິເສດຕ້ອງການຍົກເວັ້ນພາສີອາກອນ ສະເໝີ ກະຊວງແຜນການ ແລະ ການລົງທຶນ ຫື ລັດຖະບານ ພິຈາລະນາຕົກລົງອານຸມັດເພື່ອເປັນບ່ອນອີງໃນການຈັດຕັ້ງປະຕິບັດ.

4. ການນໍາເຂົ້າພາຫະນະໃນເຂດເສດຖະກິດພິເສດ ຂອງສະພາບໍລິຫານ, ຜູ້ພັດທະນະ ແລະ ຜູ້ລົງທຶນທົ່ວໄປ ດັ່ງທີ່ກ່າວມາໃນຂໍ້ 3 ​ເທິງນີ້, ຖ້າຫາກບໍ່ມີການປະກອບເອກກະສານນໍາເຂົ້າຢ່າງຄົບຖ້ວນຖືກຕ້ອງ ໂດຍສະເພາະ (ບໍ່ມີໃບແຈ້ງພາສີເປັນລາຍລະອຽດ IM4) ຕ້ອງເສຍພາສີ-ອາກອນ ຕາມລະບຽບກົດໝາຍ.

   ດັ່ງນັ້ນ, ຈື່ງແຈ້ງມາຍັງທ່ານເພື່ືອຊາບ ແລະ ຈັດຕັ້ງປະຕິບັດ.

ຫົວໜ້າຫ້ອງການກະຊວງ

ສົມບູນ ອິນທະປັດຖາ

 

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ຖ້າທ່ານມີຄໍາແນະນໍາ/ຂໍ້ສະເໜີ ຕໍ່ ນິຕິກໍາສະບັບນີ້ ເພື່ອຊ່ວຍອໍານວຍຄວາມສະດວກໃນການດໍາເນີນທຸລະກິດນໍາເຂົົ້າ ເເລະ ສົ່ງອອກ ຂອງ ທ່ານ, ກະລຸນາດໍາເນີນການຕື່ມແບບຟອມນີ້.

ຂົງເຂດການດຳເນີນທຸລະກິດ
 
ສາມາດໃຫ້ຂໍ້ມູນສະເພາະ ກ່ຽວກັບ ນິຕິກໍາດັ່ງກ່າວ ທີ່ເປັນອຸປະສັກ ຫຼື ສິ່ງທ້າທາຍໃນການດໍາເນີນທຸລະກິດຂອງທ່ານ.

ຕົວຢ່າງ: ຂ້ອຍໄດ້ໃຊ້ເວລາຢ່າງໜ້ອຍສອງເດືອນໃນຂັ້ນຕອນຜ່ານແຜນການນໍາເຂົ້າປະຈໍາປີ (Master List) ຂອງບັນດາຂະເເໜງການຂອງລັດ ທີ່ເຫັນວ່າມີຫຼາຍພາກສ່ວນ, ຄ່າໃຊ້ຈ່າຍສູງ ຫຼື ໃຊ້ເວລາດົນ ເກີນໄປ. (300 ຄໍາ)

ຜົນກະທົບຂອງນິຕິກໍາດັ່ງກ່າວ ຕໍ່ການທຸລະກິດຂອງທ່ານແມ່ນຫຍັງ?

ຕົວຢ່າງ: ຂ້ອຍໄດ້ໃຊ້ເວລາຢ່າງໜ້ອຍສອງເດືອນໃນຂັ້ນຕອນຜ່ານແຜນການນໍາເຂົ້າປະຈໍາປີ (Master List) ຂອງບັນດາຂະເເໜງການຂອງລັດ ທີ່ເຫັນວ່າມີຫຼາຍພາກສ່ວນ, ຄ່າໃຊ້ຈ່າຍສູງ ຫຼື ໃຊ້ເວລາດົນ ເກີນໄປ. (300 ຄໍາ)

ຂໍ້ສະເໜີ ເພື່ອປັບປຸງນິຕິກໍາດັ່ງກ່າວ ທີ່ສາມາດຊ່ວຍແກ້ໄຂສິ່ງທ້າທາຍຂອງ ທ່ານ?

ຕົວຢ່າງ: ຂໍ້ກໍານົດສໍາລັບໄລຍະເວລາໃນການອະນຸມັດ/ຮັບຮອງເເຜນ Master List ໃຫ້ສັ້ນເຂົ້າ. (300 ຄໍາ)

ຜ່ານມາທ່ານສະເໜີຄໍາເເນະນໍານີ້ ຫາອົງການຂອງລັດຖະບານໃດບໍ່?
ຂໍ້​ມູນ​ຕິດ​ຕໍ່
ທ່ານ ຕ້ອງການໃຫ້ພວກເຮົາເປີດເຜີຍຄໍາເຫັນຂອງທ່ານຕໍ່ສາທາລະນະ ຫຼື ບໍ່?