ອີງຕາມບົດລາຍງານຂອງກອງປະຊຸມ ທຸລະກິດລາວຄັ້ງທີ 11 ໃນປີ 2018 ຜ່ານມາ ແມ່ນຮີບໂຮບໄດ້ 23 ບັນຫາຫລັກ ເປັນບູລິມາສິດ ທີ່ຕ້ອງໄດ້ຮັບການປັບປຸງແກ້ໄຂ ເຊິ່ງຕິດພັນດ້ານ ສ່ວຍສາອາກອນ, ການອໍານວຍຄວາມສະດວກໃຫ້ແກ່ການນໍາເຂົ້າ ແລະ ສົ່ງອອກ, ການກໍ່ຕັ້ງທຸລະກິດ, ການສົ່ງເສີມການທ່ອງທ່ຽວທີ່ຍືນຍົງ, ແລະ ຂົງເຂດ ອື່ນໆ ເຊິ່ງໄດ້ແກ້ໄຂແລ້ວ 7 ບັນຫາ ແລະ ອີກ 16 ບັນຫາທີ່ຍັງຄົງຄ້າງ ແມ່ນໄດ້ຍົກຂື້ນມາທີ່ ກອງປະຊຸມໃນຄັ້ງນີ້ ເພື່ອຫາແນວທາງແກ້ໄຂເພີ້ມເຕີບໄປແຕ່ລະບາດກ້າວ.
ກອງປະຊຸມທຸລະກິດລາວ ຄັ້ງທີ 12 ໄດ້ຈັດຂຶ້ນທີ່ ຫໍປະຊຸມແຫ່ງຊາດ, ນະຄອນຫຼວງວຽງຈັນ ໃນວັນທີ 12 ພະຈິກ 2019 ເຊິ່ງມີຜູ້ເຂົ້າຮ່ວມ ຫຼາຍກວ່າ 500 ທ່ານ ຈາກຂະແໜງການທີກ່ຽວຂ້ອງຕ່າງໆ ທັງຈາກພາກລັດ, ພາກທຸລະກິດ ແລະ ອົງການຈັດຕັ້ງສາກົນອີກຫລາຍໆພາກສ່ວນ. ໃຫ້ກຽດເປັນປະທານຮ່ວມ 3 ທ່ານ ໂດຍແມ່ນ ທ່ານ ສົມດີ ດວງດີ, ຮອງນາຍົກລັດຖະມົນຕີ, ທ່ານ ນາງ ເຂັມມະນີ ພົນເສນາ, ລັດຖະມົນຕີກະຊວງອຸດສາຫະກໍາ ແລະ ການຄ້າ ແລະ ທ່ານ ອຸເດດ ສຸວັນນະວົງ, ຄະນະປະທານສະພາການຄ້າ ແລະ ອຸດສາຫະກໍາແຫ່ງຊາດລາວ.
ກອງປະຊຸມທຸລະກິດລາວໃນຄັ້ງນີ້ ມີເປົ້າໝາຍເພື່ອການພົບປະປຶກສາຫາລື ແລະ ຮັບຟັງລາຍງານສະຫລຸບຜົນຂອງການຈັດຕັ້ງປະຕິບັດ ລະຫວ່າງພາກລັດ ແລະ ພາກທຸລະກິດ ໃນໄລຍະຫນຶ່ງປີຜ່ານມາ ວ່າໄດ້ມີການປັບປຸງແກ້ໄຂບັນຫາທີ່ເປັນບູລິມາສິດດ້ານໄດໃຫ້ດີຂື້ນ ແລະ ຍັງມີຂອດຊ່ອງວ່າງໄດທີ່ຍັງພົບຂໍ້ຫຍຸ້ງຍາກ, ສາເຫດຂອງບັນຫານັ້ນແມ່ນຫຍັງ ແລ້ວຈະມີທິດທາງແກ້ໄຂແນວໄດ. ອີງຕາມບົດລາຍງານຂອງກອງປະຊຸມ ທຸລະກິດລາວຄັ້ງທີ 11 ໃນປີ 2018 ຜ່ານມາ ແມ່ນຮີບໂຮບໄດ້ 23 ບັນຫາຫລັກ ເປັນບູລິມາສິດ ທີ່ຕ້ອງໄດ້ຮັບການປັບປຸງແກ້ໄຂ ເຊິ່ງຕິດພັນດ້ານ ສ່ວຍສາອາກອນ, ການອໍານວຍຄວາມສະດວກໃຫ້ແກ່ການນໍາເຂົ້າ ແລະ ສົ່ງອອກ, ການກໍ່ຕັ້ງທຸລະກິດ, ການສົ່ງເສີມການທ່ອງທ່ຽວທີ່ຍືນຍົງ, ແລະ ຂົງເຂດ ອື່ນໆ ເຊິ່ງໄດ້ແກ້ໄຂແລ້ວ 7 ບັນຫາ ແລະ ອີກ 16 ບັນຫາທີ່ຍັງຄົງຄ້າງ ແມ່ນໄດ້ຍົກຂື້ນມາທີ່ ກອງປະຊຸມໃນຄັ້ງນີ້ ເພື່ອຫາແນວທາງແກ້ໄຂເພີ້ມເຕີບໄປແຕ່ລະບາດກ້າວ.
ໃນຕອນທ້າຍຂອງກອງປະຊຸມ ໄດ້ຮັບກຽດກ່າວປິດພິທີໂດຍ ທ່ານນາຍົກລັດຖະມົນຕີທ່ານ ທອງລຸນ ສີສຸລິດ, ນາຍົກລັດຖະມົນຕີ ໂດຍທ່ານໄດ້ກ່າວໄວ້ວ່າ ລັດຖະບານ ມີຄວາມມຸ້ງໝັ້ນ ແລະ ຄວາມພະຍາຍາມສູງສຸດ ໃນການອໍານວຍຄວາມສະດວກການດໍາເນີນທຸລະກິດ ແລະ ສະພາບແວດລ້ອມຂອງການດໍາເນີນທຸລະກິດ ໂດຍສະເພາະ ປະເດັນດ້ານພາສີອາກອນນໍາເຂົ້າ ແລະ ການສົ່ງອອກຜະລິດຕະພັນທ້ອງຖີ່ນໄປສູ່ຕະຫລາດສາກົນ ເຊິ່ງວ່າການປັບປຸງໃນຂົງເຂດການດໍາເນີນທຸລະກິດ ກໍ່ສາມາດສົ່ງເສີມການຮັກສາສະຖຽນລະພາບຂອງເສດຖະກິດມະຫາພາກ ໂດຍການປັບປຸງກົນໄກຄຸ້ມຄອງຂອງພາກລັດ ໃນຂັ້ນຕອນການຂໍອະນຸຍາດຕ່າງໆ ແລະ ປັບປຸງດ້ານລະບຽບກົດໝາຍໃຫ້ສອດຄ່ອງ ແລະ ແທດເໝາະກັບສະພາບຕົວຈິງ ເພື່ອຫຼຸດຜ່ອນຕົ້ນທຶນຄ່າໃຊ້ຈ່າຍໃນການດໍາເນີນທຸລະກິດ ໃຫ້ມີຄວາມສະດວກ, ວ່ອງໄວ ແລະ ໂປ່ງໃສ.
ທ່ານ ນາຍົກ ຍັງໄດ້ແນະນໍາເພີ້ມເຕີບກ່ຽວກັບການພັດທະນາເສດຖະກິດ-ສັງຄົມ ຂອງ ສປປ ລາວ ແມ່ນບົນພື້ນຖານການຮັກສາວັດທະນະທໍາປະເພນີ, ສິ່ງແວດລ້ອມ ແລະ ຄວາມຍືນຍົງຂອງຊັບພະຍາກອນ ໂດຍຍົກໃຫ້ເຫັນເຖິງ ລັດຖະບັນຍັດ ຂອງປະທານປະເທດ ວ່າດ້ວຍ ການອະນຸລັກ ມໍລະດົກແຫ່ງຊາດ ທາງດ້ານວັດທະນະທຳ, ປະຫວັດສາດ ແລະ ທຳມະຊາດ ເລກທີ 03/ປທທ ທີ່ຈະໄດ້ຮັບການປັບປຸງຄືນໃໝ່ໃຫ້ແທດເໝາະກັບສະພາບໃນປະຈຸບັນ.
ແຫລ່ງຂ່າວ:
- ສະພາການຄ້າ ແລະ ອຸດສາຫະກໍາແຫ່ງຊາດລາວ: https://lncci.la/lo/the-12th-lao-business-forum/
- ໜັງສືພີມ ວຽງຈັນທາມ ວັນທີ 13 ພະຈິກ 2019, ໜ້າຫລັກ
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.