ເຖິງວ່າ ສປປ ລາວ ຈະມີຈໍານວນຜູ້ຕິດເຊື້ອທີ່ນ້ອຍຖ້າທຽບໃສ່ບັນດາປະເທດໃກ້ຄຽງກໍ່ຕາມ. ແຕ່ປະຊາຊົນບັນດາເຜົ່າກໍ່ຄວນມີສະຕິລະວັງໂຕຫລີກລ່ຽງສະຖານທີ່ສຸ່ມສ່ຽງ ແລະ ແອອັດ ໂດຍປະຕິບັດຕາມມາດຕະການທີ່ທາງ ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ໄດ້ວ່າງອອກຢ່າງເຄັງຂັດ ແລະ ບົນພື້ນຖານການດໍາລົງຊີວິດທີ່ມີສະຕິ ບໍ່ແຕກຕື່ນ ແລະ ຮູ້ເສບຂ່າວທີ່ໜ້າເຊື່ອຖື ເພື່ອຊ່ວຍກັນສະກັດການແພ່ລະບາດທີ່ໄວຫາກບຸກຄົນໄດຕິດເຊື້ອແລ້ວບໍ່ປະຕິບັດຕາມການແນະນໍາຂອງຄະນະສະເພາະກິດ ແມ່ນຈະສ້າງຄວາມເສຍຫາຍອັນໃຫຍ່ຫຼວງ ແລະ ເກີດຄວາມວຸ້ນວາຍພາຍໃນສັງຄົມຂອງເຮົາ.
ອີງຕາມການລາຍງານຂອງ ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ຂອງ ສປປ ລາວ ປະຈໍາວັນຈັນ ວັນທີ 07 ທັນວາ ປີ 2020 ໄດ້ໃຫ້ຮູ້ວ່າ: ມີກໍລະນີຕິດເຊື້ອເພີ່ມຂື້ນ 2 ກໍລະນີກໍ່ຄື ກໍລະນີ 40 ແລະ 41 ທີ່ໄດ້ເດີນທາງກັບມາຈາກ ລັດເຊຍ ໃນໄລຍະເວລາທີ່ຕ່າງກັນ ແລະ ຂື້ນກັບສາຍການບີນຄົນລະລໍາ ເຊິ່ງມີລາຍລະອຽດດັ່ງນີ:
ກໍລະນີຢັ້ງຢືນທີ 40: ເພດຊາຍ, ອາຍຸ 65 ປີ, ສັນຊາດຣັດເຊຍ, ອາຊິບນັກບິນ. ວັນທີ 05 ທັນວາ 2020
ເດີນທາງຈາກປະເທດມາເລເຊຍ ຜ່ານປະເທດໄທ ແລະ ມາຮອດ ສປປ ລາວ ແລະ ໄດ້ເກັບຕົວຢ່າງທີ່ສະໜາມບິນວັດໄຕ ແລະ ຈຳກັດບໍລິເວນທີ່ໂຮງແຮມແຫ່ງໜຶຶ່ງ ທີ່ຄະນະສະເພາະກິດກຳນົດໄວ້ ໃນນະຄອນຫຼວງ. ປະຈຸບັນ ເຂົ້ານອນປີ່ນປົວຢູ່ໂຮງໝໍມິດຕະພາບ. ນອກຈາກນັ້ນ, ຜູ້ໂດຍສານທີ່ເດີນທາງຮ່ວມສາຍການບິນ ທັງໝົດມີ 20 ຄົນ ລວມທັງຜູ້ກ່ຽວ ສ່ວນໃຫ່ຍແມ່ນ ນັກບິນ ແລະ ນາຍຊ່າງ, ທັງໝົດ ແມ່ນໄດ້ເກັບຕົວຢ່າງກວດ ແຕ່ບໍ່ພົບເຊື້ອ ຍົກເວັ້ນຜູ້ກ່ຽວ.
ກໍລະນີຢັ້ງຢືນທີ 41: ເພດຍິງ, ອາຍຸ 19 ປີ, ສັນຊາດລາວ, ອາຊີບນັກສຶກສາ ຮຽນຢູ່ ສ ຣັດເຊຍ. ວັນທີ 27 ພະຈິກ 2020 ເດີນທາງຈາກສະໜາມບິນຂອງປະເທດລັດເຊຍ (Moscow (Vnukovo)-Moscow (Domodeovo) ໂດຍຖ້ຽວບິນພິເສດ ABG 9985/9986 ເຊິ່ງມີຜູ້ໂດຍສານທັງໝົດ 79 ຄົນ ແລະ ທັງໜົດໄດ້ເກັບຕົວຢ່າງກວດ ແລະ ບໍ່ພົບເຊື້ອ ຍົກເວັ້ນຜູ້ກ່ຽວ. ເຊິ່ງພາຍຫຼັງລົງຍົນ ແມ່ນໄດ້ຈຳກັດບໍລິເວນທີ່ໂຮງແຮມແຫ່ງໜຶຶ່ງ ທີ່ຄະນະສະເພາະກິດກຳນົດໄວ້ ໃນນະຄອນຫຼວງ. ປະຈຸບັນ ເຂົ້ານອນປີ່ນປົວຢູ່ໂຮງໝໍມິດຕະພາບ.
ໃນນັ້ນ, ຜົນການກວດວິເຄາະທັງໝົດຢູ່ ສປປ ລາວ ແຕ່ເດືອນມັງກອນ ຮອດ ວັນທີ 06 ທັນວາ 2020 ໄດ້ເກັບຕົວຢ່າງມາກວດທັງໝົດ 82,178 ຕົວຢ່າງ, ກວດພົບເຊື້ອສະສົມ 41 ຄົນ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.