ສະພາບການລະບາດຂອງພະຍາດ COVID-19 ຂອງບັນດາປະເທດໃກ້ຄຽງ ແລະ ໃນໂລກ:
ມາຮອດວັນທີ 11 ທັນວາ 2020, ທົ່ວໂລກມີການລາຍງານການລະບາດ ທັງໝົດ 218 (ປະເທດ/ເຂດ). ເຊິ່ງມີການຢັ້ງຢືນຜູ້ຕິດເຊື້ອພະຍາດ COVID-19 ແມ່ນ 70,678,124 ຄົນ, ເສຍຊິວິດ 1,587,431 ຄົນ ເຊິ່ງກວມເອົາ 2.24 % ຂອງຜູ້ຕິດເຊື້ອທັງໝົດ ແລະ ປີ່ນປົວຫາຍດີ 49,128,076 ຄົນ ເຊິ່ງກວມເອົາ 69.5 % ຂອງຜູ້ຕິດເຊື້ອທັງໝົດ.
ປະເທດທີ່ມີການລາຍງານການຕິດເຊື້ອ ແລະ ເສຍຊີວິດຫຼາຍກວ່າໝູ່ ແມ່ນ ສະຫະລັດອາເມຣິກາ ເຊິ່ງມີຜູ້ຕິດເຊື້ອສະສົມ 16,021,987 ຄົນ ແລະ ເສຍຊີວິດສະສົມ 299,587 ຄົນ. ຢູ່ຂົງເຂດອາຊີ ຂອງພວກເຮົາ ກໍ່ແມ່ນປະເທດ ອິນເດຍ ທີ່ມີທ່າອ່ຽງ ໃນການຕິດເຊື້ອ COVID-19 ເພິ່ມຂຶ້ນ, ມີຜູ້ຕິດເຊື້ອສະສົມ 9,796,992 ຄົນ ແລະ ຜູ້ຕິດເຊື້ອມື້ດຽວສູງເຖິງ 34,666 ຄົນ.
ໃນບັນດາກຸ່ມປະເທດອາຊຽນ ມາຮອດວັນທີ 11 ທັນວາ 2020 ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 1,291,859 ຄົນ ແລະ ເສຍຊີວິດ 29,761 ຄົນ.
ສໍາລັບການເຝົ້າລະວັງ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 10 ທັນວາ 2020
- ການຕິດຕາມຜູ້ເດີນທາງຈາກຈຸດຜ່ານແດນຕ່າງໆ ມີທັງໝົດ 2,441 ຄົນ:
- ຈຸດຜ່ານດ່ານ ລາວ - ໄທ 1,526 ຄົນ (ແຮງງານລາວກັບມາແຕ່ໄທ 50 ຄົນ);
- ຈຸດຜ່ານດ່ານ ລາວ - ຈີນ 46 ຄົນ;
- ຈຸດຜ່ານດ່ານ ລາວ - ຫວຽດນາມ 867 ຄົນ;
- ຈຸດຜ່ານດ່ານ ລາວ - ກຳປູເຈຍ ທັງໝົດ 02 ຄົນ;
- ເດີນທາງຜ່ານດ່ານ ລາວ - ມຽນມ້າ ທັງໝົດ 00 ຄົນ;
- ເດີນທາງຜ່ານ ສະໜາມບິນສາກົນວັດໄຕ ທັງໝົດ 00 ຄົນ;
- ການຕິດຕາມຜູ້ຖືກຈຳກັດບໍລິເວນຢູ່ໃນສະຖານທີ່ ທີ່ກຳນົດໄວ້ໃນຂອບເຂດທົ່ວປະເທດ ທີ່ມີສູນຈໍາກັດບໍລິເວນທີ່ຍັງເປີດຢູ່ ມີທັງໝົດ 40 ສູນ, ມີຜູ້ຖືກຈຳກັດບໍລິເວນຢູ່ສູນ 2,351 ຄົນ, ໄດ້ເກັບຕົວຢ່າງມາກວດວິເຄາະ ທັງໝົດ ແລະ ບໍ່ພົບຜູ້ຕິດເຊື້ອ.
- ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ
- ໃນວັນທີ 10 ທັນວາ 2020, ໄດ້ເກັບຕົວຢ່າງມາກວດວິເຄາະທັງໝົດ 330 ຄົນ, ໃນນັ້ນ ມີ 08 ຕົວຢ່າງຈາກບຸກຄົນທົ່ວໄປທີ່ມີອາການ; 59 ຕົວຢ່າງຈາກບຸກຄົນທົ່ວໄປບໍ່ມີອາການ; 74 ຕົວຢ່າງຈາກແຮງງານລາວມາແຕ່ໄທ; ແຮງງານຈີນ 140 ຕົວຢ່າງ; ແຮງງານຫວຽດນາມ 22 ຕົວຢ່າງ ແລະແຮງງານລາວມາແຕ່ຈີນ 27 ຕົວຢ່າງ;
- ຜົນກວດວິເຄາະທັງໝົດ ແມ່ນບໍ່ພົບເຊື້ອ, ໝາຍຄວາມວ່າ ວັນທີ 10 ທັນວາ 2020 ບໍ່ພົບຜູ້ຕິດເຊື້ອໃໝ່;
- ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 10 ທັນວາ 2020 ໄດ້ເກັບຕົວຢ່າງມາກວດທັງໝົດ 84,083 ຕົວຢ່າງ, ກວດພົບເຊື້ອສະສົມ 41 ຄົນ.
4. ການຕິດຕາມປີ່ນປົວຄົນເຈັບຢູ່ໂຮງໝໍ
ຄົນເຈັບຕິດເຊື້ອທີ່ນອນຕິດຕາມຢູ່ໂຮງໝໍ ຖ້າກວດຊອກຫາເຊື້ອ COVID-19 ໃຫ້ຜົນລົບ 02 ຄັ້ງ ແມ່ນຈະໄດ້ຮັບອະນຸຍາດໃຫ້ອອກໂຮງໝໍໄດ້, ມາຮອດປະຈຸບັນ ຍັງມີຄົນເຈັບຕິດເຊື້ອພະຍາດ COVID-19 ຈຳນວນ 08 ຄົນ ທີ່ຍັງສືບຕໍ່ນອນປິ່ນປົວຢູ່ໂຮງໝໍທີ່ຖືກກຳນົດໄວ້, ທຸກຄົນແມ່ນມີອາການເບົາບາງ, ບໍ່ມີອາການແຊກຊ້ອນຫຍັງ.
ລາຍລະອຽດຄຳແນະນຳ, ຂໍ້ມູນທີ່ເປັນທາງການ, ທ່ານສາມາດຕິດຕາມໄດ້ຈາກເວັບໄຊ້ www.covid19.gov.la ແລະ ເຟດບຸກຂອງສູນສື່ສານເພື່ອສຸຂະພາບ ແລະ ສຸຂະສຶກສາ ແລະ ສາຍດ່ວນ 165, 166.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.