ອີງຕາມຂໍ້ຕົກລົງວ່າດ້ວຍການສ້າງຕັ້ງ ບໍລິສັດ ດໍາເນີນທຸລະກິດ ດ້ານຢາ ແລະ ຜະລິດຕະພັນການແພດ ສະບັບປັບປຸງເລກທີ 1820/ສທ, ລົງວັນທີ 25 ສິງຫາ 2017. ການຂໍສ້າງຕັ້ງບໍລິສັດຂາອອກ-ຂາເຂົ້າດ້ານຢາ ແລະ ຜະລິດຕະພັນການແພດ ມີຂັ້ນຕອນດັ່ງນີ້:
ຂັ້ນຕອນ 1: ການປະກອບເອກະສານ
ບຸກຄົນ ຫຼື ນິຕິບຸກຄົນທີ່ມີເງື່ອນໄຂຄົບຕາມ ມາດຕາ 4 ຂອງຂໍ້ຕົກລົງສະບັບນີ້ ແມ່ນສາມາດປະກອບເອກະສານເພີ່ມເຕີມດັ່້ງນີ້:
- ໃບຄໍາຮ້ອງຂໍອະນຸຍາດວິຊາຊີບເພສັດຊະກໍາ.
- ໃບຊີວະປະຫວັດຫຍໍ້ທີ່ມີຮູບຕິດ (ຮູບຖ່າຍບໍ່ໃຫ້ກາຍ 1 ປີ)
- ໃບຢັ້ງຢືນສຸຂະພາບ (ບໍ່ໃຫ້ກາຍ 3 ເດືອນ)
- ໃບຢັ້ງຢືນທີ່ຢູ່ປະຈຸບັນທີ່ມີຮູບ (ຮູບຖ່າຍບໍ່ໃຫ້ກາຍ 3 ເດືອນ)
- ຮູບຖ່າຍຂະໜາດ 3x4 ຈໍານວນ 03 ໃບ (ຮູບຖ່າຍບໍ່ໃຫ້ກາຍ 1 ປີ)
- ໃບປະກາດຊະນິຍະບັດ
- ໃບແຈ້ງໂທດເລກທີ 3
- ໃບຢັ້ງຢືນການອອກຈາກລັດຖະການ ຫຼື ໃບແຕ່ງຕັ້ງຂອງກົມກອງໃນກໍລະນີທີ່ເປັນລັດວິສາຫະກິດ
- ແຜນວາດກ່ຽວກັບທີ່ຕ້ັ້ງ ບໍລິສັດ, ສາຂາບໍລິສັດ/ໂຮງງານ, ຕົວແທນຈໍາໜ່າຍ
- ໃບອະນຸຍາດຈາກ ບໍລິສັດທີ່ຕົນຈະເປັນຕົວແທນຈໍາໜ່າຍ (ສໍາລັບສາຂາ ຫຼື ຕົວແທນຈໍາໜ່າຍ)
- ໃບຢັ້ງຢືນການລົງກວດກາສະຖານທີ່ຂອງເຈົ້າໜ້າທີ່ທີ່ກ່ຽວຂ້ອງກ່ອນການອະນຸຍາດ
- ບົດວິພາກກ່ຽວກັບການເຄື່ອນໄຫວທຸລະກິດດ້ານຢາ ແລະ ຜະລິດຕະພັນການແພດ, ສະໜອງຂໍ້ມູນຊື່ລະອຽດ ແລະ ແຫຼ່ງທີ່ມາຂອງຢາ ແລະ ຜະລິດຕະພັນການແພດ.
ຂັ້ນຕອນ 2: ການສະເໜີ ແລະ ຍື່ນເອກະສານ
ຂັ້ນຕອນການຂໍອະນຸຍາດໃໝ່ ຂອງບໍລິສັດຂາອອກ-ຂາເຂົ້າ, ສາຂາ ຫຼື ຕົວແທນຈໍາໜ່າຍ ແລະ ບໍລິສັດຂາຍຍົກພາຍໃນ ຕ້ອງປະຕິບັດ ດັ່ງນີ້:
ພາຍຫຼັງການປະກອບເອກະສານຖືກຕ້ອງ ແລະ ຄົບຖ້ວນຕາມຂັ້ນຕອນທີ 1 ແລ້ວ ຍືນເອກະສານດັ່ງກ່າວເຖິງກົມອາຫານ ແລະ ຢາ (ກະຊວງສາທາລະນະສຸກ) ໂດຍຜ່ານໜ່ວຍງານອາຫານ ແລະ ຢາ ເມືອງ, ຂະແໜງອາຫານ ແລະ ຢາ, ພະແນກສາທາລະນະສຸກ ແຂວງ/ນະຄອນ ບ່ອນທີ່ ບໍລິສັດ, ສາຂາ ຫຼື ຕົວແທນຈໍາໜ່າຍຈະຕັ້ງຢູ່.
ຂັ້ນຕອນ 3: ການຄົ້ນຄວ້າພິຈາລະນາ
ໄລຍະເວລາຂອງການຄົ້ນຄວ້າ ພິຈາລະນາເອກະສານທັງໝົດຢູ່ຂະແໜງສາທາລະນະສຸກ ຄືເລີ້ມຈາກການຍື່ນຄໍາຮ້ອງຫາເມືອງ, ເມືອງສະເໜີຫາແຂວງ ແລະ ແຂວງນໍາສົ່ງຫາ ກົມອາຫານ ແລະ ຢາ, ກະຊວງສາທາລະນະສຸກ ລວມເວລາໃນການພິຈາລະນາທັງໝົດ 90 ວັນ.
ຂັ້ນຕອນ 4: ການຮັບໃບອະນຸຍາດສ້າງຕັ້ງບໍລິສັດ
ຜູ້ສະເໜີສ້າງຕັ້ງບໍລິສັດ ໄປຮັບເອົາໃບອະນຸຍາດສ້າງຕັ້ງບໍລິສັດຢູ່ກົມອາຫານ ແລະ ຢາ, ກະຊວງສາທາລະນະສຸກ
ລາຍລະອຽດເພີ່ມເຕີມສາມາດຕິດຕໍ່ສອບຖາມໄດ້ທີ່: ບ້ານທາດຂາວ, ຖະໜົນສີເມືອງ, ນະຄອນຫຼວງວຽງຈັນ, ສປປລາວ
ໂທລະສັບ: +(856-21) 214013
ໂທລະສານ: +(856-21) 214015
ເວັບໄຊທ໌: www.fdd.gov.la
ອີເມວ: [email protected]
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.