ອີງຕາມ ຂໍ້ຕົກລົງ ວ່າດ້ວຍການຄູ້ມຄອງໂຮງງານ, ເລກທີ 0264/ອຄ.ກອຫ, ລົງວັນທີ 15 ມີນາ 2019 ໄດ້ກ່າວແນະນໍາເຖິງຂັ້ນຕອນການປະກອບເອກະສານ ຂໍໃບຢັ້ງຢືນອະນຸຍາດຂະຫຍາຍໂຮງງານ ດັ່ງນີ້:
ຂັ້ນຕອນທີ 1. ການປະກອບເອກະສານສະເໜີ ຂໍອະນຸຍາດຂະຫຍາຍໂຮງງານ ຕາມແບບພິມ ຮ/ງ 1:
ສໍາລັບຜູ້ປະກອບການທີ່ມີຈຸດປະສົງຂະຫຍາຍໂຮງງານຕື່ມ ແມ່ນຕ້ອງປະກອບໃບຄຳຮ້ອງຂໍຂະຫຍາຍໂຮງງານ ຕາມຄໍາຮ້ອງ ຂອງແບບພິມ ຮ/ງ 1 (ລີ້ງແບບຟອມໃສ່) ໃນລາຍການເອກະສານ ຊ້ອນທ້າຍ 03.
- ໃບຄຳຮ້ອງຂໍຂະຫຍາຍໂຮງງານ ຕາມແບບພິມ ຮ/ງ 1;
- ໃບມອບສິດໃຫ້ຜູ້ມາພົວພັນປະກອບເອກະສານ ກໍລະນີທີ່ບໍໄດ້ມາພົວພັນດ້ວຍຕົນເອງ;
- ແຜນວາດຂະບວນການຜະລິດ ພ້ອມບົດອະທິບາຍ ສະບັບດັດແກ້;
- ລາຍການເຄື່ອງຈັກໃນໂຮງງານ ສະບັບດັດແກ້;
- ແຜນການເຄື່ອນໄຫວປະຈຳປີຂອງໂຮງງານ ຕາມແບບພິມ ສະບັບດັດແກ້;
- ແຜນຜັງການກໍ່ສ້າງ ແລະ ລະບົບເຕັກນິກເຄື່ອງຈັກໂຮງງານ ຂະໝາດເຈັ້ຍ A3
ທີ່ຖືກຕ້ອງຕາມລະບຽບ ການກ່ຽວກັບການປຸກສ້າງ ສະບັບດັດແກ້ ເຊັ່ນ:
- ແຜນຜັງສະແດງໃຫ້ເຫັນທີ່ຕັ້ງໂຮງງານ ໃນຂອບເຂດລັດສະເໜີ 500 ແມັດ;
- ແຜນຜັງສະແດງສີ່ງປຸກສ້າງໃນບໍລິເວນໂຮງງານ;
- ແຜນຜັງກໍ່ສ້າງອາຄານຜະລິດ ຮູບດ້ານໜ້າ, ຂ້າງ, ຫຼັງ ແລະ ຮູບຕັດ;
- ແຜນຜັງຕິດຕັ້ງເຄື່ອງຈັກ ແລະ ເຄື່ອງຍົກນໍ້າໝັກ ຕາມເລກໝາຍຂອງລາຍການເຄື່ອງຈັກຂໍ້ທີ 4;
- ແຜນຜັງຕິດຕັ້ງເຕົາອົບ ແລະ ໝໍ້ຕົ້ມນໍ້າ ຫຼື ເຕົາສະຕີມ, ຖ້າມີ;
- ແຜນຜັງຕິດຕັ້ງລະບົບໄຟຟ້າ, ພັດລົມ ແລະ ລະບົບລະບາຍອາກາດ.
- ແຜນຜັງຕິດຕັ້ງລະບົບປ້ອງກັນອັນຕະລາຍ, ອັກຄີໄພ ແລະ ທາງອອກສຸກເສີນ.
- ຮູບຖ່າຍຂະໜາດ 3x4 ຊມ ຈຳນວນ 4 ໃບ ຮູບຖ່າຍຕ້ອງບໍ່ເກີນ 3 ເດືອນ.
- ສຳເນົາເອກະສານຄັດຕິດ ມີດັ່ງນີ້:
- ໃບທະບຽນວິສາຫະກິດ ແລະ ໃບອະນຸຍາດດຳເນີນທຸລະກິດ ຫຼື ໃບອະນຸຍາດລົງທືນ;
- ໃບຢັ້ງຢືນດຳເນີນກິດຈະການໂຮງງານ;
- ໃບອະນຸຍາດປຸກສ້າງໂຮງງານ ສ່ວນຂະຫຍາຍ;
- ໃບຢັ້ງຢືນການມອບເລກປະຈຳຕົວຜູ້ເສຍອາກອນ ຫຼື ໃບຢັ້ງຢືນການມອບພັນທະອາກອນ;
- ໃບຢັ້ງຢືນກ່ຽວກັບສີ່ງແວດລ້ອມ;
- ໃບຢັ້ງຢືນແຜນການຕິດຕັ້ງລະບົບບຳບັດ ແລະ/ຫຼື ໃບຢັ້ງຢືນການປ່ອຍສີ່ເສດເຫຼືອອອກຈາກໂຮງງານ;
- ໃບສັນຍາເຊົ່າທີ່ດນ/ອາຄານ ຫຼື ໃບມອບກຳມະສິດທີ່ດິນ ແລະ ໃບຕາດິນ;
- ໃບຢັ້ງຢືນຄຸນນະພາບຜະລິດຕະພັນໃໝ່ ສຳລັບຜະລິດຕະພັນອາຫານ, ເຄື່ອງດຶ່ມ ແລະ ຢາປົວພະຍາດ.
ຂັ້ນຕອນທີ 2 ການຍື່ນເອກະສານ ຂໍໃບອະນຸຍາດຂະຫຍາຍໂຮງງານ.
ຖ້າເປັນໂຮງງານຂະໜາດໃຫຍ່ ແມ່ນໂຮງງານທີ່ມີກຳລັງແຮງຂອງເຄື່ອງຈັກແຕ່ 201 ແຮງມ້າຂຶ້ນໄປ ຫຼື ຈຳນວນແຮງງານແຕ່ 201 ຄົນຂຶ້ນໄປ ຫຼື ມູນຄ່າການລົງທຶນທັງໝົດແຕ່ 1 ຕື້ກີບຂຶ້ນໄປ ແມ່ນໃຫ້ຍືນເອກະສານຢູ່ກົມອຸດສາຫະກໍາ ແລະ ຫັດຖະກໍາ, ກະຊວງອຸດສາຫະກໍາ ແລະ ການຄ້າ.
ສໍາລັບໂຮງງານຂະໜາດນ້ອຍ ແລະ ກາງ ແມ່ນໃຫ້ຍື່ນເອກະສານຢູ່ຂະແໜງອຸດສາຫະກໍາ ແລະ ຫັດຖະກໍາ, ພະແນກອຸດສາຫະກໍາ ແລະ ການຄ້າແຂວງ/ນະຄອນຫຼວງ.
ຂັ້ນຕອນທີ 3: ການລົງກວດກາ ເພື່ອພິຈາລະນາອອກໃບຢັ້ງຢືນດໍາເນີນກິດຈະການໂຮງງານ
ຂັ້ນຕອນການພິຈາລະນາຂະຫຍາຍໂຮງງານ ໃຫ້ປະຕິບັດຄືກັນກັບຂັ້ນຕອນການປະກອບເອກະສານ ຂໍອະນຸຍາດດໍາເນີນກິດຈະການໂຮງງານ (ລີ້ງໃສ່ຂັ້ນຕອນ) ຕາມມາດຕາ 13, 14, 15 ແລະ 16 ຂອງຂໍ້ຕົກລົງສະບັບນີ້. ອາຍຸໃບຢັ້ງຢືນດຳເນີນກິດຈະການໂຮງງານສ່ວນຂະຫຍາຍ ໃຫ້ກຳນົດເອົາຕາມອາຍຸໃບຢັ້ງຢືນດຳເນີນກິດຈະການໂຮງງານ.
ການຂະຫຍາຍໂຮງງານ ຖ້າມີການເພີ່ມ ຫຼື ຫຼຸດທຶນ, ເພີ່ມຫຼື ຫຼຸດກິດຈະການຜະລິດ ຜູ້ດຳເນີນກິດຈະການໂຮງງານ ຕ້ອງສະເໜີປ່ຽນແປງເນື້ອໃນໃບອະນຸຍາດລົງທຶນ ຫຼື ໃບທະບຽນວິສາຫະກິດ ແລະ ໃບອະນຸຍາດດຳເນີນທຸລະກິດ ແລ້ວຈຶ່ງສະເໜີປ່ຽນແປງເນື້ອໃນໃບຢັ້ງຢືນດຳເນີນກິດຈະການໂຮງງານ.
ກໍລະນີເພີ່ມເຄື່ອງຈັກ ຫຼື ເພີ່ມເນືອທີ່ອາຄານຜະລິດຂອງໂຮງງານ ແຕ່ບໍ່ເຖິງຂັ້ນຂະຫຍາຍຕາມທີ່ໄດ້ກຳນົດໄວ້ໃນມາດຕາ 34 ແລະ ມາດຕາ 35 ຂອງຂໍ້ຕົກລົງສະບັບນີ້. ຜູ້ດຳເນີນກິດຈະການໂຮງງານ ຕ້ອງລາຍງານຕໍ່ຂະແໜງການອຸດສາຫະກຳ ແລະ ການຄ້າ ຊາບ.
ຂັ້ນຕອນທີ 4: ຮັບໃບອະນຸຍາດ
ພາຍຫຼັງໄດ້ອອກໃບຢັ້ງຢືນດຳເນີນກິດຂະການໂຮງງານແລ້ວ ສຳລັບໂຮງງານຂະໜາດໃຫຍ່ ຕ້ອງຈ້ຳກາຂອງກົມໃສ່ເອກະສານທັງໝົດ ແລະ ສຳເນົາໄວ້ກົມອຸດສາຫະກຳ ແລະ ຫັດຖະກຳ 1 ຊຸດ, ພະແນກອຸດສາຫະກຳ ແລະ ການຄ້າ ແຂວງ, ນະຄອນຫຼວງວຽງຈັນ 1 ຊຸດ, ຫ້ອງການອຸດສາຫະກຳ ແລະ ການຄ້າ ເມືອງ, ນະຄອນ 1 ຊຸດ ແລະ ໂຮງງານ 1 ຊຸດ ເພື່ອຄຸ້ມຄອງ, ຕິດຕາມ ແລະ ກວດກາ ຕາມລະບຽບກົດໝາຍ.
ໝາຍເຫດ: ການຂະຫຍາຍໂຮງງານ ມີ 3 ຮູບການຄື: ການເພີ່ມເຄື່ອງຈັກ, ການເພີ່ມເນື້ອທີ່ອາຄານຜະລິດຂອໂຮງງານ ແລະ ການເພີ່ມທັງສອງຢ່າງພ້ອມກັນ. ເຊິ່ງຈະມີຂັ້ນຕອນອັນດຽວກັນ.
ການຂະຫຍາຍໂຮງງານ ດ້ວຍການເພີ່ມອາຄານທີ່ບໍ່ແມ່ນອາຄານການຜະລິດ, ສາງວັດຖຸດິບ, ສາງຜະລິດຕະພັນ ຫຼື ຫ້ອງການບໍລິຫານອື່ນໆ ບໍ່ຖືວ່າເປັນການຂະຫຍາຍ ແຕ່ຕ້ອງໄດ້ປະຕິບັດໃຫ້ຖືກຕ້ອງຕາມລະບຽບການກ່ຽວກັບການປຸກສ້າງ. ຜູ້ດຳເນີນກິດຈະການໂຮງງານ ສາມາດຂະຫຍາຍໂຮງງານຢູ່ໃນສະຖານທີ່ດຽວກັນໄດ້ ແຕ່ຕ້ອງປະຕິບັດຕາມຂັ້ນຕອນຄືກັນກັບການຂໍດຳເນີນກິດຈະການໂຮງງານ ໃນສ່ວນທີ່ຂະຫຍາຍ.
ຄ່າທໍານຽມ
1 ໃຊ້ຄົນງານແຕ່ 10-25 ຄົນ ຫຼື ໃຊ້ເຄື່ອງຈັກຕໍ່າກວ່າ 10 ແຮງມ້າ ກີບ/ຄັ້ງ 20.000
2 ໃຊ້ຄົນງານແຕ່ 26 ຄົນຂຶ້ນໄປ ຫຼື ໃຊ້ເຄື່ອງຈັກຕໍ່າກວ່າ 10 ແຮງມ້າ ກີບ/ຄັ້ງ 33.000
3 ໃຊ້ເຄື່ອງຈັກແຕ່ 10 ແຮງມ້າຂຶ້ນໄປ ແຕ່ບໍ່ເຖິງ 20 ແຮງມ້າ ກີບ/ຄັ້ງ 40.000
4 ໃຊ້ເຄື່ອງຈັກແຕ່ 20 ແຮງມ້າຂຶ້ນໄປ ແຕ່ບໍ່ເຖິງ 50 ແຮງມ້າກີບ/ຄັ້ງ 65.000
5 ໃຊ້ເຄື່ອງຈັກແຕ່ 50 ແຮງມ້າຂຶ້ນໄປ ແຕ່ບໍ່ເຖີງ 100 ແຮງມ້າ ກີບ/ຄັ້ງ 130.000
6 ໃຊ້ເຄື່ອງຈັກແຕ່ 100 ແຮງມ້າຂຶ້ນໄປ ແຕ່ບໍ່ເຖິງ 200 ແຮງມ້າ ກີບ/ຄັ້ງ 190.000
7 ໃຊ້ເຄື່ອງຈັກແຕ່ 200 ແຮງມ້າຂຶ້ນໄປ ແຕ່ບໍ່ເຖິງ 300 ແຮງມ້າ ກີບ/ຄັ້ງ 260.000
8 ໃຊ້ເຄື່ອງຈັກແຕ່ 300 ແຮງມ້າຂຶ້ນໄປ ແຕ່ບໍ່ເຖິງ 400 ແຮງມ້າ ກີບ/ຄັ້ງ 320.000
9 ໃຊ້ເຄື່ອງຈັກແຕ່ 400 ແຮງມ້າຂຶ້ນໄປ ແຕ່ບໍ່ເຖິງ 600 ແຮງມ້າ ກີບ/ຄັ້ງ 450.000
10 ໃຊ້ເຄື່ອງຈັກແຕ່ 600 ແຮງມ້າຂຶ້ນໄປ ແຕ່ບໍ່ເຖິງ 800 ແຮງມ້າ ກີບ/ຄັ້ງ 650.000
11 ໃຊ້ເຄື່ອງຈັກແຕ່ 800 ແຮງມ້າຂຶ້ນໄປ ແຕ່ບໍ່ເຖິງ 1,000 ແຮງມ້າ ກີບ/ຄັ້ງ 970.000
12 ໃຊ້ເຄື່ອງຈັກແຕ່ 1,000 ແຮງມ້າຂຶ້ນໄປ ແຕ່ບໍ່ເຖິງ 2,000 ແຮງມ້າ ກີບ/ຄັ້ງ 1.250.000
13 ໃຊ້ເຄື່ອງຈັກແຕ່ 2,000 ແຮງມ້າຂຶ້ນໄປ ແຕ່ບໍ່ເຖິງ 3,000 ແຮງມ້າ ກີບ/ຄັ້ງ 1.500.000
14 ໃຊ້ເຄື່ອງຈັກແຕ່ 3,000 ແຮງມ້າຂຶ້ນໄປ ແຕ່ບໍ່ເຖິງ 4,000 ແຮງມ້າ ກີບ/ຄັ້ງ 1.750.000
15 ໃຊ້ເຄື່ອງຈັກແຕ່ 4,000 ແຮງມ້າຂຶ້ນໄປ ແຕ່ບໍ່ເຖິງ 5,000 ແຮງມ້າ ກີບ/ຄັ້ງ 2.000.000
16 ໃຊ້ເຄື່ອງຈັກແຕ່ 5,000 ແຮງມ້າຂຶ້ນໄປ ແຕ່ບໍ່ເຖິງ 6,000 ແຮງມ້າ ກີບ/ຄັ້ງ 2.200.000
17 ໃຊ້ເຄື່ອງຈັກແຕ່ 6,000 ແຮງມ້າຂຶ້ນໄປ ແຕ່ບໍ່ເຖິງ 7,000 ແຮງມ້າ ກີບ/ຄັ້ງ 2.400.000
18 ໃຊ້ເຄື່ອງຈັກແຕ່ 7,000 ແຮງມ້າຂຶ້ນໄປ ແຕ່ບໍ່ເຖິງ 8,000 ແຮງມ້າ ກີບ/ຄັ້ງ 2.600.000
19 ໃຊ້ເຄື່ອງຈັກແຕ່ 8,000 ແຮງມ້າຂຶ້ນໄປ ແຕ່ບໍ່ເຖິງ 9,000 ແຮງມ້າ ກີບ/ຄັ້ງ 2.800.000
20 ໃຊ້ເຄື່ອງຈັກແຕ່ 9,000 ແຮງມ້າຂຶ້ນໄປ ແຕ່ບໍ່ເຖິງ 10,000 ແຮງມ້າ ກີບ/ຄັ້ງ 3.000.000
21 ໃຊ້ເຄື່ອງຈັກແຕ່ 10,000 ແຮງມ້າຂຶ້ນໄປ ກີບ/ຄັ້ງ 3.200.000
ຂໍ້ມູນເພີ່ມເຕີບພົວພັນ ພະແນກ ຄຸ້ມຄອງໂຮງງານ, ກົມອຸດສາຫະກໍາ ແລະ ຫັດຖະກໍາ, ກະຊວງອຸດສາຫະກໍາ ແລະ ການຄ້າ. ໂທ: 021 453493; ແຟັກ: 021 452425
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.