ສະຫະພາບເອີໂຣບ (EU) ໄດ້ປັບປຸງກົດລະບຽບກ່ຽວກັບການສົ່ງອອກສິ່ງເສດເຫຼືອຂ້າມແດນ ເລກທີ 2021/1840.EU, ລົງວັນທີ 20 ຕຸລາ 2021 ໂດຍໄດ້ປັບປຸງລະບຽບການຈາກ ເລກທີ 1418/2007(EC) ກ່ຽວກັບ ການສົ່ງອອກສິ່ງເສດເຫລືອເພື່ອນໍາມາໃຊ້ຄືນ ທີ່ລະບຸໄວ້ໃນ ເອກະສານຊ້ອນ III ຫຼື IIIA ຂອງລະບຽບການ ເລກທີ 1013/2006(EC).
ສໍາລັບລະບຽບສະບັບປັບປຸງໃໝ່ ເລກທີ 2021/1840.EU ໄດ້ແນະນໍາປະເພດສິ່ງເສດເຫຼືອ (ໜ້າທີ 37 ຂໍ້ທີ 37) ສາມາດສົ່ງອອກນອກປະເທດໄດ້ ປະກອບມີ: B1010, B1020–B1250, B4020, B4030 ແລະ GC010/020. ເຊິ່ງລາຍລະອຽດຂອງປະເພດສິ່ງເສດເຫຼືອໄດ້ອະທິບາຍລາຍລະອຽດທີ່ ເອກະສານຊ້ອນທ້າຍ III ຫຼື IIIA ເລກທີ 1013/2006 ດັ່ງລາຍລະອຽດລຸ່ມນີ້:
- B1010 ແລະ B1020–B1250 ແມ່ນສິ່ງເສດເຫຼືອທີ່ເປັນປະເພດໂລຫະ ແລະ ໂລຫະປະສົມ.
- B1190 ສິ່ງເສດເຫຼືອຈາກເຈ້ຍຮູບພາບ ທີ່ປະກອບດ້ວຍທາດເງິນ ປະເພດ halides ແລະ ໂລຫະເງິນ.
- B4020 ສິ່ງເສດເຫຼືອຈາກການຜະລິດ, ການສ້າງ ແລະ ການນຳໃຊ້ ປະເພດ ຢາງ ແລະ ກາວ ທີ່ບໍ່ມີຢູ່ໃນບັນຊີ A.
- B4030 ກ້ອງຖ່າຍຮູບທີ່ໃຊ້ຄັ້ງດຽວ ທີ່ມີຖ່ານໃສ່ ທີ່ບໍ່ມີຢູ່ໃນບັນຊີ A.
- GC010 ສິ່ງເສດເຫຼືອຈາກອຸປະກອນໄຟຟ້າທີ່ເຮັດດ້ວຍໂລຫະ ຫຼື ໂລຫະປະສົມ ແລະ ເສດອຸປະກອນໄຟຟ້າ.
ແຫລ່ງຂໍ້ມູນ: https://eur-lex.europa.eu/legal-content/EN/TXT/?uri=CELEX%3A32021R1840
ລາຍລະອຽດເພີ່ມເຕີບ ກະລຸນາຕິດຕໍ່ ພະແນກອໍານວຍຄວາມສະດວກທາງດ້ານການຄ້າ (ເບີຕິດຕໍ່ +856 21 454 224), ກົມການນໍາເຂົ້າ ແລະ ສົ່ງອອກ, ກະຊວງ ອຸດສາຫະກໍາ ແລະ ການຄ້າ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.