ປີ 2021 ຜ່ານມາ ປະເທດ/ຂົງເຂດ ທີ່ ສປປ ລາວ ສົ່ງອອກມີມູນຄ່າສູງກວ່າ 50 ລ້ານໂດລາສະຫະລັດ ໃນຈໍານວນ 12 ປະເທດທົ່ວໂລກ ເຊັ່ນ: ໄທ ມີມູນຄ່າປະມານ 2,800 ລ້ານໂດລາສະຫະລັດ, ຈີນ ມີມູນຄ່າປະມານ 2,200 ລ້ານໂດລາສະຫະລັດ, ຫວຽດນາມ ມີມູນຄ່າປະມານ 1,200 ລ້ານໂດລາສະຫະລັດ, ອົດສະຕາລີ ມີມູນຄ່າປະມານ 350 ລ້ານໂດລາສະຫະລັດ, ກຳປູເຈຍ ມີມູນຄ່າປະມານ 160 ລ້ານໂດລາສະຫະລັດ, ສະວິດເຊີແລນ ມີມູນຄ່າປະມານ 116 ລ້ານໂດລາສະຫະລັດ, ສິງກະໂປ ມີມູນຄ່າປະມານ 91 ລ້ານໂດລາສະຫະລັດ, ຮົງກົງ ມີມູນຄ່າປະມານ 88 ລ້ານໂດລາສະຫະລັດ, ຢີ່ປຸ່ນ ມີມູນຄ່າປະມານ 83 ລ້ານໂດລາສະຫະລັດ, ເຢຍລະມັນ ມີມູນຄ່າປະມານ 78 ລ້ານໂດລາສະຫະລັດ, ອິນເດຍ ມີມູນຄ່າປະມານ 75 ລ້ານໂດລາສະຫະລັດ ແລະ ສ ອາເມລິກາ ມີມູນຄ່າປະມານ 67 ລ້ານໂດລາສະຫາລັດ.
ນອກຈາກນັ້ນ, ສິນຄ້າສົ່ງອອກຫຼັກ ທີ່ມີມູນຄ່າສູງສຸດ ເຊັ່ນ: ໄຟຟ້າ ມີມູນຄ່າປະມານ 2,200 ລ້ານໂດລາສະຫະລັດ, ຄຳປະສົມ, ຄຳແທ່ງ ມີມູນຄ່າປະມານ 962 ລ້ານໂດລາສະຫະລັດ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ ມີມູນຄ່າປະມານ 529 ລ້ານໂດລາສະຫະລັດ, ແຮ່ທອງ ມີມູນຄ່າປະມານ329 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ ມີມູນຄ່າປະມານ 297 ລ້ານໂດລາສະຫະລັດ, ຢາງພາລາ ມີມູນຄ່າປະມານ 270 ລ້ານໂດລາສະຫະລັດ, ມັນຕົ້ນ ມີມູນຄ່າປະມານ 265 ລ້ານໂດລາສະຫະລັດ, ແຮ່ເຫຼັກ ມີມູນຄ່າປະມານ 243 ລ້ານໂດລາສະຫະລັດ, ໝາກກ້ວຍ ມີມູນຄ່າປະມານ 235 ລ້ານໂດລາສະຫະລັດ, ເຄື່ອງນຸ່ງຫົ່ມ ມີມູນຄ່າປະມານ 190 ລ້ານໂດລາສະຫະລັດ, ຝຸ່ນ (ປຸຍ) ມີມູນຄ່າປະມານ 148 ລ້ານໂດລາສະຫະລັດ, ເຄື່ອງໃຊ້ໄຟຟ້າ ແລະ ອຸປະກອນເຄື່ອງໃຊ້ໄຟຟ້າ ມີມູນຄ່າປະມານ 148 ລ້ານໂດລາສະຫະລັດ, ໂຄງຮ່າງ ຊິ້ນສ່ວນກ້ອງບັນທຶກພາບ ມີມູນຄ່າປະມານ 122 ລ້ານໂດລາສະຫະລັດ, ເກີບ ມີມູນຄ່າປະມານ 109 ລ້ານໂດລາສະຫະລັດ, ນ້ຳຕານ ມີມູນຄ່າປະມານ 96 ລ້ານໂດລາສະຫະລັດ ແລະ ຊີມັງ ມີມູນຄ່າປະມານ 91 ລ້ານໂດລາສະຫະລັດ.
ປະເທດໄທ ແມ່ນອັນດັບທີ 1 ທີ່ ສປປ ລາວ ສົ່ງອອກຫຼັກ ແລະ ມີມູນຄ່າການສົ່ງອອກສູງສຸດເຖິງ 2,800 ລ້ານໂດລາສະຫະລັດ. ໃນນັ້ນ, ສິນຄ້າສົ່ງອອກຫຼັກເຊັ່ນ: ໄຟຟ້າ ມີມູນຄ່າປະມານ 1,900 ລ້ານໂດລາສະຫະລັດ, ມັນຕົ້ນ ມີມູນຄ່າປະມານ 219 ລ້ານໂດລາສະຫະລັດ, ໂຄງຮ່າງ, ຊິ້ນສ່ວນກ້ອງບັນທຶກພາບ ມີມູນຄ່າປະມານ 122 ລ້ານໂດລາສະຫະລັດ ແລະ ເຄື່ອງໃຊ້ໄຟຟ້າ, ອຸປະກອນເຄື່ອງໃຊ້ໄຟຟ້າ ມີມູນຄ່າປະມານ 105 ລ້ານໂດລາສະຫະລັດ ແລະ ຊີມັງ ມີມູນຄ່າປະມານ 91 ລ້ານໂດລາສະຫະລັດ.
ສປ ຈີນ ແມ່ນອັນດັບທີ 2 ທີ່ ສປປ ລາວ ສົ່ງອອກຫຼັກ ແລະ ມີມູນຄ່າການສົ່ງອອກ ປະມານ 2,200 ລ້ານໂດລາສະຫະລັດ. ໃນນັ້ນ, ສິນຄ້າສົ່ງອອກຫຼັກເຊັ່ນ: ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ ມີມູນຄ່າປະມານ 482 ລ້ານໂດລາສະຫະລັດ, ຄຳປະສົມ, ຄຳແທ່ງ ມີມູນຄ່າປະມານ 349 ລ້ານໂດລາສະຫະລັດ, ແຮ່ທອງ ມີມູນຄ່າປະມານ 328 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ ມີມູນຄ່າປະມານ 295 ລ້ານໂດລາສະຫະລັດ, ໝາກກ້ວຍ ມີມູນຄ່າປະມານ 219 ລ້ານໂດລາສະຫະລັດ, ແຮ່ເຫຼັກ ມີມູນຄ່າປະມານ 131 ລ້ານໂດລາສະຫະລັດ, ຝຸ່ນ (ປຸຍ) ມີມູນຄ່າປະມານ 110 ລ້ານໂດລາສະຫະລັດ ແລະ ຢາງພາລາ ມີມູນຄ່າປະມານ 89 ລ້ານໂດລາສະຫະລັດ.
ສສ ຫວຽດນາມ ແມ່ນອັນດັບທີ 3 ທີ່ ສປປ ລາວ ສົ່ງອອກຫຼັກ ແລະ ມີມູນຄ່າການສົ່ງອອກ ປະມານ 1,200 ລ້ານໂດລາສະຫະລັດ. ໃນນັ້ນ, ສິນຄ້າສົ່ງອອກຫຼັກເຊັ່ນ: ຢາງພາລາ ມີມູນຄ່າປະມານ 180 ລ້ານໂດລາສະຫະລັດ, ແຮ່ເຫຼັກ ມີມູນຄ່າປະມານ 112 ລ້ານໂດລາສະຫະລັດ, ນ້ຳຕານ ມີມູນຄ່າປະມານ 83 ລ້ານໂດລາສະຫະລັດ, ໄຟຟ້າ ມີມູນຄ່າປະມານ 78 ລ້ານໂດລາສະຫະລັດ, ກາເຟ (ບໍ່ທັນໄດ້ປຸງແຕ່ງ) ມີມູນຄ່າປະມານ 48 ລ້ານໂດລາສະຫະລັດ, ມັນຕົ້ນ ມີມູນຄ່າປະມານ 46 ລ້ານໂດລາສະຫະລັດ, ແຮ່ຄໍາເຂັ້ມຂຸ້ນ ມີມູນຄ່າປະມານ 30 ລ້ານໂດລາສະຫະລັດ ແລະ ຢາສູບ ມີມູນຄ່າປະມານ 27 ລ້ານໂດລາສະຫະລັດ.
ປະເທດອົດສະຕາລີ ແມ່ນອັນດັບທີ 4 ທີ່ ສປປ ລາວ ສົ່ງອອກຫຼັກ ແລະ ມີມູນຄ່າການສົ່ງອອກ ປະມານ 350 ລ້ານໂດລາສະຫະລັດ. ໃນນັ້ນ, ສິນຄ້າສົ່ງອອກຫຼັກເຊັ່ນ: ຄຳປະສົມ, ຄຳແທ່ງ ມີມູນຄ່າປະມານ 331 ລ້ານໂດລາສະຫະລັດ, ເຄື່ອງໃຊ້ໄຟຟ້າ ແລະ ອຸປະກອນເຄື່ອງໃຊ້ໄຟຟ້າ ມີມູນຄ່າປະມານ 10 ລ້ານໂດລາສະຫະລັດ, ເຄື່ອງນຸ່ງຫົ່ມ ມີມູນຄ່າປະມານ 3 ລ້ານໂດລາສະຫະລັດ ແລະ ເກີບ ມີມູນຄ່າປະມານ 1 ລ້ານໂດລາສະຫະລັດ.
ປະເທດກໍາປູເຈຍ ແມ່ນອັນດັບທີ 5 ທີ່ ສປປ ລາວ ສົ່ງອອກຫຼັກ ແລະ ມີມູນຄ່າການສົ່ງອອກ ປະມານ 160 ລ້ານໂດລາສະຫະລັດ. ໃນນັ້ນ, ສິນຄ້າສົ່ງອອກຫຼັກເຊັ່ນ: ໄຟຟ້າ ມີມູນຄ່າປະມານ 147 ລ້ານໂດລາສະຫະລັດ, ເຫຼັກ ແລະ ເຫຼັກກ້າ ມີມູນຄ່າປະມານ 4 ລ້ານໂດລາສະຫະລັດ, ກາເຟ (ບໍ່ທັນໄດ້ປຸງແຕ່ງ) ມີມູນຄ່າປະມານ 4 ລ້ານໂດລາສະຫະລັດດ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ ມີມູນຄ່າປະມານ 700,000 ໂດລາສະຫະລັດ ແລະ ຢາສູບ ມີມູນຄ່າປະມານ 600,000 ໂດລາສະຫະລັດ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.