ໃນວັນທີ 06 ເມສາ 2023 ທີ່ ສູນປະຊຸມ ລາວ-ຍີ່ປຸ່ນ (ICTC) ໄດ້ມີພິທີມອບຮັບອຸປະກອນໄອທີຄົບຊຸດໃຫ້ແກ່ຂະແໜງການຄ້າຕ່າງປະເທດ ຂອງພະແນກອຸດສາຫະກຳ ແລະ ການຄ້າ ໃນຂອບເຂດທົ່ວປະເທດ. ໃຫ້ກຽດມອບໂດຍ ທ່ານ ປອ ມະໄລທອງ ກົມມະສິດ, ລັດຖະມົນຕີ ກະຊວງອຸດສາຫະກໍາ ແລະ ການຄ້າ ແລະ ຕາງໜ້າຂຶ້ນຮັບຈາກ ພະແນກອຸດສາຫະກໍາ ແລະ ການຄ້າ 18 ແຂວງ ທົ່ວປະເທດ ພາຍໃຕ້ການຊ່ວຍເຫຼືອຂອງໂຄງການສົ່ງເສີມຄວາມສາມາດໃນການແຂ່ງຂັນ ແລະ ການຄ້າ ຂອງ ສປປ ລາວ (LCT).
ໂຄງການ LCT ມີເປົ້າໝາຍເພື່ອປັບປຸງລະບຽບການທີ່ຕິດພັນກັບທຸລະກິດໃຫ້ງ່າຍຂຶ້ນ ໂດຍການສ້າງສະພາບແວດລ້ອມໃນການດຳເນີນທຸລະກິດໃຫ້ມີຄວາມສະດວກສະບາຍ ເພື່ອຍາດແຍ່ງ ແລະ ດຶງດູດເອົາການລົງທຶນທີ່ມີຄຸນນະພາບຂອງນັກລົງທຶນ ທັງພາຍໃນ ແລະ ຕ່າງປະເທດ ໃຫ້ຫຼາຍຂຶ້ນ. ພ້ອມທັງອຳນວຍຄວາມສະດວກທາງດ້ານການຄ້າ ແລະ ຊຸກຍູ້ສົ່ງເສີມຄວາມອາດສາມາດໃນການແຂ່ງຂັນຂອງຫົວໜ່ວຍທຸລະກິດ ຢູ່ ສປປ ລາວ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.