ເງື່ອນໄຂສົ່ງພືດ 3 ປະເພດ ໄປຈີນ

 

ອີງຕາມ ຄໍາແນະນໍາ ກ່ຽວກັບ ເງື່ອນໄຂສຸຂານາໄມພືດ ສໍາລັບການສົ່ງອອກ ພືດທີ່ເປັນວັດຖຸດິບສໍາລັບປຸງແຕ່ງຢາພື້ນເມືອງຈີນ ຂອງ ສປປ ລາວ ໄປ ສປ ຈິນ ສະບັບເລກທີ 0305/ກປຝ, ລົງວັນທີ 16 ມັງກອນ 2024; ຄໍາແນະນໍາ ກ່ຽວກັບ ເງື່ອນໄຂສຸຂານາໄມພືດ ສໍາລັບການສົ່ງອອກໝາກມ່ວງຫິມະພານ ຂອງ ສປປ ລາວ ໄປ ສປ ຈິນ ສະບັບເລກທີ 0306/ກປຝ, ລົງວັນທີ 16 ມັງກອນ 2024; ແລະ ຄໍາແນະນໍາ ກ່ຽວກັບ ເງື່ອນໄຂສຸຂານາໄມພືດ ສໍາລັບການສົ່ງອອກໝາກມ່ວງສົດ ຂອງ ສປປ ລາວ ໄປ ສປ ຈິນ ສະບັບເລກທີ 2140/ກປຝ, ລົງວັນທີ 28 ມີນາ 2024. ເຊິ່ງມີເນື້ອໃນສໍາຄັນດັ່ງນີ້:

  1. ມາດຕະການສຸຂານາໄມພືດກ່ອນສົ່ງອອກ ຂອງພືດທີ່ເປັນວັດຖຸດິບສໍາລັບປຸງແຕ່ງຢາພື້ນເມືອງຈີນ:

ບຸກຄົນ, ນິຕິບຸກຄົນ ຫຼື ການຈັດຕັໍ້ງ ທີ່ໄດ້ຮັບການຮັບຮອງໃຫ້ເປັນຜູ້ສົ່ງອອກ ຈາກອົງການບໍລິຫານພາສີ ແຫ່ງ ສປ ຈີນ ຕ້ອງປະຕິບັດ ດັ່ງນີ້:  

  • ຕ້ອງຍືື່ນຄໍາຮ້ອງ ຕາມແບບພິມທີ່ກົມປູກຝັງ, ກະຊວງກະສິກໍາ ແລະ ປ່າໄມ້ ກໍານົດ ພ້ອມທັງຄັດຕິດເອກະສານທີ່ກ່ຽວຂ້ອງຫາກົມປູກຝັງ ຫຼື ຂະແໜງປູກຝັງຂັ້ນແຂວງ. ສໍາລັບເງືື່ອນໄຂ, ຂັ້ນນຕອນ ແລະ ວິທີການສະເໜີຂໍ ໃບຢັ້ງຢືນສຸຂານາໄມພືດ ແມ່ນໃຫ້ປະຕິບັດຕາມບົດແນະນຳຂອງກົມປູກຝັງ, ສະບັບເລກທີ 2880/ກປຝ, ລົງວັນທີ 11 ທັນວາ 2019;
  • ກໍລະນີກວດກາພົບສັດຕູພືດໃນສິນຄ້າ ແມ່ນຫ້າມສົ່ງອອກສິນຄ້າດັ່ງກ່າວ ແລະ ໃຫ້ລາຍງານກົມປູກຝັງ, ກະຊວງກະສິກໍາ ແລະ ປ່າໄມ້ ຊາບທັນທີ ເພືື່ອໂຈະສະຖານທີ່ປະກອບການຜະລິດຊົ່ວຄາວ ພ້ອມຊອກຫາວິທີແກ້ໄຂ;
  • ໃນກໍລະນີເຈົ້າໜ້າທີກັກກັນພືດ ກວດກາບໍ່ພົບເຫັນສັດຕູພືດ ແມ່ນຕ້ອງອອກໃບຢັ້ງຢືນສຸຂານາໄມພືດ ສຳລັບ ສີນຄ້ານັ້ນ ແລະ ຕ້ອງພິມຂໍ້ມູນເພີ່ມຕືື່ມ ໃສ່ໃບຢັ້ງຢືນສຸຂານາໄມພືດ.
  • ເຈົ້າໜ້າທີ່ກັກກັນພືດທີ່ຮັບຜິດຊອບອອກໃບຢັ້ງຢືນສຸຂານາໄມພືດ ຕ້ອງລະບຸຂໍ້້ມູນດ່ານນຳເຂົ້າ ທີ່ກຳນົດໂດຍ ອົງການພາສີ ແຫ່ງ ສປ ຈີນ ໃນແຕ່ລະໄລຍະ.

  1. ການຂື້ນທະບຽນສະຖານທີ່ປະກອບການຜະລິດ ໃນການສົ່ງອອກ ໝາກມ່ວງຫິມະພານ

ບຸກຄົນ, ນິຕິບຸກຄົນ ຫຼື ການຈັດຕັ້ງ ທີີ່ມີຈຸດປະສົງ ຂໍຂື້ນທະບຽນ ຫຼື ຂໍຕໍ່ໃບທະບຽນ ສວນປູກ, ໂຮງເຮືອນຫຸຸ້ມຫໍ່ ແລະ ບັນຈຸ  ຕ້ອງປະຕິບັດຕາມຄໍາແນະນຳກ່ຽວກັບ ການຂື້ນທະບຽນສະຖານທີ່ປະກອບການຜະລິດ ສໍາລັບການສົ່ງອອກພືດ ແລະ ຜະລິດຕະພັນພືດ ສະບັບເລກທີ 1753/ກປ, ລົງວັນທີ 25 ສິງຫາ 2020, ໂດຍຍືື່ນຄໍາຮ້ອງເຖິງກົມປູກຝັງ, ກະຊວງກະສີກໍາ ແລະ ປ່າໄມ້ ເພືື່ອພິຈາລະນາຄົ້ນຄວ້າ. ເອກະສານຄໍາຮ້ອງຂໍຂື້ນທະບຽນສະຖານທີ່ປະກອບການຜະລິດ ປະກອບມີ:

1) ໃບຄຳຮ້ອງ ຕາມແບບພິມທີ່ກົມປູກຝັງກຳນົດ;

2) ສຳເນົາໃບອະນຸຍາດດຳເນີນກິດຈະການກະສິກໍາ ແລະ ປ່າໄມ້;

3) ສຳເນົາໃບຢັ້ງຢືນການມອບພັນທະອາກອນປະຈຳປີສຸດທ້າຍ;

4) ຄູ່ມືດຳເນີນງານ ກ່ຽວກັບ ການຜະລິດ ແລະ ການປ້ອງກັນກຳຈັດສັດຕູພືດ;

5) ໃບມອບສິດ ແລະ ສຳເນົາບັດປະຈຳຕົວຂອງຜູ້ຍືື່ນເອກະສານ ໃນກໍລະນີ ໃຫ້ຜູ້ອືື່ນຍືື່ນຄຳຮ້ອງແທນ.

  1. ການຂື້ນທະບຽນສະຖານທີ່ປະກອບການຜະລິດ ໃນການສົ່ງອອກ ໝາກມ່ວງສົດ

ບຸກຄົນ, ນິຕິບຸກຄົນ ຫຼື ການຈັດຕັ້ງ ທີີ່ມີຈຸດປະສົງ ຂໍຂື້ນທະບຽນ ຫຼື ຂໍຕໍ່ໃບທະບຽນ ສວນປູກ, ໂຮງເຮືອນຫຸຸ້ມຫໍ່ບັນຈຸ ແລະ ໂຮງເຮືອນອົບອາຍຮ້ອນ ຫຼື ໂຮງເຮືອນຈຸ່ມນໍ້າຮ້ອນ ແມ່ນປະຕິບັດຕາມລະບຽບການຂອງກະຊວງກະສິກໍາ ແລະ ປ່າໄມ້ ທີ່ປະກາດໃຊ້ໃນແຕ່ລະໄລຍະ ໂດຍຍື່ນຄໍາຮ້ອງເຖິງກົມປູກຝັງ ຕາມຂັ້ນຕອນ. ເອກະສານຄໍາຮ້ອງຂໍຂື້ນທະບຽນ ປະກອບມີ:

1) ໃບຄຳຮ້ອງ ຕາມແບບພິມທີ່ກົມປູກຝັງກຳນົດ;

2) ສຳເນົາ ໃບອະນຸຍາດດຳເນີນກິດຈະການກະສິກໍາ ແລະ ປ່າໄມ້;

3) ສຳເນົາ ໃບຢັ້ງຢືນການມອບພັນທະອາກອນປະຈຳປີສຸດທ້າຍ;

4) ຄູ່ມືດຳເນີນງານ ກ່ຽວກັບ ການຈັດການດ້ານສຸຂານາໄມ ແລະ ສຸຂານາໄມພືດ;

5) ໃບມອບສິດ ແລະ ສຳເນົາບັດປະຈຳຕົວຂອງຜູ້ຍືື່ນເອກະສານ ໃນກໍລະນີ ໃຫ້ຜູ້ອືື່ນຍືື່ນຄຳຮ້ອງແທນ.

ສອບຖາມລາຍລະອຽດເພີມເຕີມ ຕິດຕໍ່: ກົມປູກຝັງ, ກະຊວງ ກະສິກໍາ ແລະ ປ່າໄມ້, ເບີໂທ +856 21 412350, ເວັບໄຊທ໌: https://doa.maf.gov.la/

 

 

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.