ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ່ປະຊາທິປະໄຕ ເອກະພາບ ວັດທະນະຖາວອນ

 

ກະຊວງການເງິນ

ເລກທີ 2740/ກງ

ນະຄອນຫຼວງວຽງຈັນ, ວັນທີ 30 ກໍລະກົດ 2024

 

 

ຂໍ້ຕົກລົງ

ວ່າດ້ວຍການຢຸດຕິການຈັດເກັບພັນທະຂອງບໍລິສັດທ່າບົກໃນການບໍລິການຕູ້ສິນຄ້າ

ຜ່ານທາງລົດໄຟ

 

  • ອີງຕາມ ກົດໝາຍວ່າດ້ວຍພາສີ ສະບັບເລກທີ 81/ສພຊ, ລົງວັນທີ 29 ມິຖຸນາ 2020;
  • ອີງຕາມ ມະຕິຂອງສະພາແຫ່ງຊາດ ວ່າດ້ວຍການຮັບຮອງເອົາວາລະແຫ່ງຊາດ ກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ສະບັບເລກທີ 03/ສພຊ, ລົງວັນທີ 10 ສິງຫາ 2021;
  • ອີງຕາມ ດໍາລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງການເງິນ ສະບັບເລກທີ 600/ນຍ, ລົງວັນທີ 14 ຕຸລາ 2021;
  • ອີງຕາມ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ສະບັບເລກທີ 1232/ຫສນຍ, ລົງວັນທີ 26 ມິຖຸນາ 2024.

 

ລັດຖະມົນຕີ ກະຊວງການເງິນ ອອກຂໍ້ຕົກລົງ:

 

ມາດຕາ 1 ໃຫ້ຢຸດຕິການຈັດຕັ້ງປະຕິບັດການມອບພັນທະຂອງບໍລິສັດທ່າບົກ ໃນການບໍລິການຕູ້ສິນຄ້າ (Cargo Containers) ຜ່ານທາງລົດໄຟ ຕາມຂໍ້ຕົກລົງຂອງກະຊວງການເງິນ ສະບັບເລກທີ 6096/ກງ, ລົງວັນທີ 09 ທັນວາ 2021;

ມາດຕາ 2 ມອບໃຫ້ກົມພາສີ ສົມທົບພາກສ່ວນກ່ຽວຂ້ອງ ແລະ ນໍາພາລັດຖະການພາສີແຕ່ລະຂັ້ນ ພ້ອມກັນຈັດຕັ້ງປະຕິບັດຂໍ້ຕົກລົງນີ້ຢ່າງເຂັ້ມງວດ;

ມາດຕາ 3 ຂໍ້ຕົກລົງສະບັບນີ້ ມີຜົນສັກສິດນັບແຕ່ວັນທີ 01 ສິງຫາ 2024 ເປັນຕົ້່ນໄປ;

 

 

ລັດຖະມົນຕີ

ສັນຕິພາບ ພົມວິຫານ

 

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.