ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ກະຊວງການເງິນ

ເລກທີ 4890/ກງ

ນະຄອນຫຼວງວຽງຈັນ, ວັນທີ 26 ທັນວາ 2025

ແຈ້ງການ

ເຖິງ:    - ປະທານສະພາການຄ້າ ແລະ ອຸດສາຫະກຳແຫ່ງຊາດລາວ;

- ປະທານສະມາຄົມນໍ້າມັນເຊື້ອໄຟ ແລະ ອາຍແກັສລາວ;

- ຜູ້ປະກອບການນໍາເຂົ້ານໍ້າມັນເຊື້ອໄຟ;

- ຜູ້ແຈ້ງພາສີທົ່ວໄປ ແລະ ຜູ້ບໍລິການແຈ້ງພາສີ;

- ບຸກຄົນ, ນິຕິບຸກຄົນ ແລະ ການຈັດຕັ້ງທີ່ກ່ຽວຂ້ອງກັບທຸລະກິດການນໍາເຂົ້ານໍ້າມັນເຊື້ອໄຟ ໃນຂອບ ເຂດທົ່ວປະເທດ.

ເລື່ອງ: ການຄຸ້ມຄອງການນໍາເຂົ້ານໍ້າມັນເຊື້ອໄຟ ແລະ ການເຄື່ອນຍ້າຍພາຍໃນ.

• ອີງຕາມ ດຳລັດນາຍົກລັດຖະມົນຕີວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງການເງິນສະບັບເລກທີ 538/ນຍ, ລົງວັນທີ 21 ສິງຫາ 2025,
• ອີງຕາມ ໜັງສືລາຍງານຂອງກົມພາສີ ສະບັບເລກທີ 11017/ກພສ, ລົງວັນທີ 06 ພະຈິກ 2025.

ເພື່ອຮັບປະກັນໃນການຄຸ້ມຄອງການນຳເຂົ້າ ແລະ ເຄື່ອນຍ້າຍພາຍໃນສິນຄ້າປະເພດນໍ້າມັນເຊື້ອໄຟ ຊຶ່ງເປັນສິນຄ້າຍຸດທະສາດ ແລະ ມີຄວາມອ່ອນໄຫວຕໍ່ເສດຖະກິດ-ການເງີນ ທີ່ລັດຖະບານຄວບຄຸມ, ດັດສົມໃຫ້ເໝາະສົມກັບສະພາບການຂະຫຍາຍຕົວທາງດ້ານເສດຖະກິດໃນແຕ່ລະໄລຍະ, ແນໃສ່ປ້ອງກັນການຫຼົບຫຼີກ ການປະຕິບັດພັນທະດ້ານພາສີ-ອາກອນ ແລະ ປະກອບສ່ວນເຂົ້າໃນການແກ້ໄຂບັນຫາຫຍຸ້ງຍາກດ້ານເສດຖະກິດ-ການເງິນໃຫ້ປະກົດຜົນເປັນຈິງ; ເຮັດໃຫ້ການຄຸ້ມຄອງການນໍາເຂົ້ານໍ້າມັນເຊື້ອໄຟຖືກຕ້ອງ ແລະ ສອດຄ່ອງກັບກົດໝາຍວ່າດ້ວຍພາສີ, ກົດໝາຍ ແລະ ລະບຽບການອື່ນທີ່ກ່ຽວຂ້ອງ.

ລັດຖະມົນຕີກະຊວງການເງິນ ອອກແຈ້ງການ ດັ່ງນີ້:

1. ຜູ້ປະກອບການນຳເຂົ້າສິນຄ້າປະເພດນໍ້າມັນເຊື້ອໄຟ ແລະ ອາຍແກັສ ຕ້ອງປະກອບເອກະສານການແຈ້ງພາສີເປັນອັນສະເພາະ ຊຶ່ງມີລາຍລະອຽດ ດັ່ງນີ້:

1) ໃບແຈ້ງພາສີໂດຍສັງເຂບ (Cargo Manifest Declaration);

2) ໃບແຈ້ງພາສີເປັນລາຍລະອຽດ (ACDD);

3) ໃບແຈ້ງລາຄາ (Invoice);

4) ໃບລາຍການຫຸ້ມຫໍ່ສິນຄ້າ (Packing List);

5) ໃບອະນຸຍາດນໍາເຂົ້ານໍ້າມັນເຊື້ອໄຟ (Import Permit);

6) ໃບຢັ້ງຢືນດ້ານປະລິມານ (Certificate of Quantity) ທີ່ອອກໃຫ້ໂດຍໂຮງກັ່ນນໍ້າມັນເຊື້ອໄຟຈາກປະເທດຕົ້ນທາງການຂົນສົ່ງ;

7) ໃບກໍາກັບການຂົນສົ່ງ (Delivery Note/Truck BillBill of Lading) ທີ່ອອກໃຫ້ໂດຍຜູ້ບໍລິການຂົນສົ່ງຈາກປະເທດຕົ້ນທາງ;

8) ໃບແຈ້ງພາສີຂາອອກ (Customs Declaration for Export);

9) ສັນຍາຊື້-ຂາຍນ້ຳມັນເຊື້ອໄຟ ລະຫວ່າງ ຜູ້ສົ່ງອອກ ແລະ ຜູ້ນໍາເຂົ້າ (Sale Contract).

2. ການນໍາເຂົ້ານໍ້າມັນເຊື້ອໄຟ ແລະ ອາຍແກັສ ແມ່ນໃຫ້ດໍາເນີນການແຈ້ງພາສີເປັນລາຍລະອຽດ ຢູ່ດ່ານພາສີສາກົນ ທີ່ມີລະບົບແຈ້ງພາສີແບບເອເລັກໂຕຣນິກ ແລະ ເຄື່ອງມືຮັບໃຊ້ໃນການກວດກາຂອງເຈົ້າໜ້າທີ່ພາສີ ແລະ ເຈົ້າໜ້າທີ່ອື່ນທີ່ກ່ຽວຂ້ອງ ຊຶ່ງມີລາຍລະອຽດ ດັ່ງນີ້:

1) ດ່ານພາສີທ່າບົກທ່ານາແລ້ງ ແລະ ຂົວມິດຕະພາບ 1;

2) ດ່ານພາສີສາກົນສາກົນບໍ່ເຕັນ;

3) ດ່ານພາສີສາກົນຂົວມິດຕະພາບ 4;

4) ດ່ານພາສີສາກົນປາງຫົກ;

5) ດ່ານພາສີສາກົນນໍ້າເຫືອງ;

6) ດ່ານພາສີສາກົນນໍ້າເງິນ;

7) ດ່ານພາສີສາກົນນໍ້າໂສຍ;

8) ດ່ານພາສີສາກົນນຳ້ກັນ;

9) ດ່ານພາສີສາກົນປາກຊັນ;

10)ດ່ານພາສີສາກົນນ້ຳພາວ;

11)ດ່ານພາສີສາກົນນາເພົ້າ;

12)ດ່ານພາສີສາກົນຂົວມິດຕະພາບ 3;

13)ດ່ານພາສີສາກົນແດນສະຫວັນ;

14)ດ່ານພາສີສາກົນຂົວມິດຕະພາບ 2 ແລະ ທ່າບົກສະຫວັນນະເຂດ;

15)ດ່ານພາສີສາກົນວັງເຕົ່າ ແລະ ທ່າບົກວັງເຕົ່າ;

16)ດ່ານພາສີສາກົນໜອງນົກຂຽນ,

17)ດ່ານພາສີສາກົນລະໄລ;

18)ດ່ານພາສີສາກົນດາກຕະອອກ;

19)ດ່ານພາສີສາກົນພູເກືອ.

ໝາຍເຫດ: ດ່ານພາສີສານອື່ນທີ່ບໍ່ໄດ້ລະບຸໄວ້ຂ້າງເທິງ ແມ່ນອະນຸຍາດໃຫ້ນໍາເຂົ້ານໍ້າມັນເຊື້ອໄຟ ແລະ ອາຍແກັສຢ່າງເດັດຂາດ.

3. ການນໍາເຂົ້ານໍ້າມັນເຊື້ອໄຟ ແລະ ເຄື່ອນຍ້າຍໄປຈຳໜ່າຍພາຍໃນ ໃຫ້ປະຕິບັດ ດັ່ງນີ້:

     ກໍລະນີ ຜູ້ປະກອບການມີຄວາມຈໍາເປັນຕ້ອງການເຄື່ອນຍ້າຍນໍ້າມັນເຊື້ອໄຟ ໄປສະໜອງໃຫ້ໂຄງການພັດທະນາຢູ່ແຂວງອື່ນ ນອກຈາກຂອບເຂດການເຄື່ອນຍ້າຍທີ່ກໍານົດໄວ້ໃນຕາຕະລາງຂ້າງເທິງ ຕ້ອງສະເໜີເຖິງກົມພາສີ ເພື່ອພິຈາ ລະນາເປັນແຕ່ລະກໍລະນີ.

4. ມອບໃຫ້ກົມພາສີ, ພາສີປະຈຳແຂວງ, ນະຄອນຫຼວງ ແລະ ດ່ານພາສີສາກົນ ໃນຂອບເຂດທົ່ວປະເທດ ຈັດຕັ້ງປະຕິບັດ, ເຜີຍແຜ່ ແລະ ແນະນໍາໃຫ້ເຈົ້າໜ້າທີ່ພາສີປະຈຳດ່ານພາສີສາກົນ ເອົາໃຈໃສ່ໃນການກວດກາຂໍ້ມູນ, ເອກະ ສານປະກອບການແຈ້ງ ແລະ ສິນຄ້າ, ເຄື່ອງຂອງຕົວຈິງຕາມຫຼັການບໍລິຫານຄວາມສ່ຽງ. ການກວດກາສິນຄ້າ, ເຄື່ອງຂອງຕົວຈິງ ໃຫ້ນຳໃຊ້ເຄື່ອງມືທັນສະໄໝ ເປັນຕົ້ນແມ່ນຊິງຊັ່ງດີຈິຕອນ, ການເຄື່ອນຍ້າຍນໍ້າມັນເຊື້ອໄຟອອກຈາກດ່ານທຸກຄັ້ງ ຕ້ອງໄດ້ຮັບການຢັ້ງຢືນການຢອດສານມາກເກີ ແລະ ການຢັ້ງຢືນດ້ານຄຸນນະພາບນໍ້າມັນເຊື້ອໄຟ ຈາກຂະແໜງການອື່ນທີ່ກ່ຽວຂ້ອງປະຈໍາດ່ານ;

5. ແຈ້ງການສະບັບນີ້ ໃຊ້ປ່ຽນແທນແຈ້ງການຂອງກະຊວງການເງີນ ກ່ຽວກັບການຄຸ້ມຄອງການນໍາເຂົ້າ ແລະ ການເຄື່ອນຍ້າຍນໍ້າມັນເຊື້ອໄຟ ສະບັບເລກທີ 2766/ກງ, ລົງວັນທີ 12 ກັນຍາ 2023 ແລະ ແຈ້ງການໂຈະຊົ່ວຄາວຂອງກະຊວງການເງິນ ກ່ຽວກັບການນໍາໃຊ້ມາດຕະການ ໃນການຄວບຄຸມການເຄື່ອນຍ້າຍນໍ້າມັນເຊື້ອໄຟ ສະບັບເລກທີ 0334/ກງ, ລົງວັນທີ 29 ມັງກອນ 2024 ແລະ ມີຜົນສັກສິດນຳໃຊ້ນັບແຕ່ວັນທີ 01 ມັງກອນ 2026 ເປັນຕົ້ນໄປ.

ກະຊວງການເງິນ

ລັດຖະມົນຕີ

ສັນຕິພາບ ພົມວິຫານ

#	ຫົວຂໍ້	ດາວໂຫຼດ
1	ແຈ້ງການ ການຄຸ້ມຄອງການນໍາເຂົ້ານໍ້າມັນເຊື້ອໄຟ ແລະ ການເຄື່ອນຍ້າຍພາຍໃນ ເລກທີ 4890/ກງ ນະຄອນຫຼວງວຽງຈັນ, ວັນທີ 26 ທັນວາ 2025	PDF

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.

Your opinion matters!

ຂອບໃຈ ສຳລັບຄຳຄິດເຫັນຂອງທ່ານ.

Close