ໃນຕອນເຊົ້າຂອງວັນທີ 30 ພະຈິກ 2012 ທີ່ຫ້ອງປະຊຸມກົມແຜນການ, ກະຊວງ ກະສິກຳ ແລະ ປ່າໄມ້ ໄດ້ມີການຮ່ວມເຮັດວຽກຂອງ ກະຊວງ ວິທະຍາສາດ ແລະ ເຕັກໂນໂລຊີ (ກົມມາດຕະຖານ ແລະ ວັດແທກ), ກະຊວງ ອຸດສະຫະກຳ ແລະ ການຄ້າ (ກົມນະໂຍບາຍການຄ້າຕ່າງປະເທດ), ກະຊວງ ກະສິກຳ ແລະ ປ່າໄມ້ (ກົມແຜນການ) ແລະ ໂຄງການ LUNA ໂດຍໄດ້ ສະຫຼຸບການໄປຖອດຖອນບົດຮຽນກັບ ສສ ຫວຽດນາມຄັ້ງວັນທີ 11-17 ພະຈິກ 2012 ແລະ ປຶກສາຫາລືເພື່ອສູ້ຊົນໃຫ້ວຽກງານຈັດຕັ້ງປະຕິບັດຫຼັກການຄວາມໂປ່ງໃສ່ພາຍໃຕ້ສັນຍາ SPS ແລະ TBT ຂອງ ສປປ ລາວ ໃຫ້ສາມາດຈັດຕັ້ງປະຕິບັດໄດ້ໃນມື້ທີ່ ສປປ ລາວເປັນສະມາຊິກ WTO ສົມບູນຕົ້ນປີໜ້າ. ການປຶກສາຫາລືເຫັນໄດ້ປັດໃຈທີ່ຈະຕ້ອງໄດ້ແກ້ໄຂເຊັ່ນ: ຄວາມເຫັນດີ ແລະ ຮັບຮູ້ຂອງຂອງຂັ້ນນຳແຕ່ລະຂັ້ນໃນແຕ່ລະຂະແໜງການ, ການເພີ່ມບຸກຄະລາກອນ, ການຍົກລະດັບຄວາມຮູ້ຄວາມສາມາດ ໂດຍສະເພາະຄວາມເຂົ້າໃຈກ່ຽວກັບສັນຍາ SPS ແລະ TBT ຂອງພະນັກງານຮັດຜິດຊອບ ແລະ ປັດໃຈຈຳເປັນອື່ນໆ.
ພ້ອມນັ້ນ ການປຶກສາຫາລືຍັງໄດ້ຕົກລົງກັນກະກຽມຈັດກອງປະຊຸມລະດັບຄະນະນຳແຕ່ລະຂັ້ນເພື່ອໃຫ້ເຂົ້າໃຈເປັນເອກະພາບກ່ຽວກັບວຽກງານ SPS ແລະ TBT ທີ່ຕິດພັນກັບພັນທະຂອງການເຂົ້າເປັນສະມາຊິກ WTO ຂອງ ສປປ ລາວ.
ໃນນັ້ນ ໂຄງການ LUNA ລາວ ພ້ອມທີ່ຈະໃຫ້ການສະໜັບສະໜູນດ້ານງົບປະມານທີ່ຈຳເປັນ ສຳລັບການສ້າງກິດຈະກຳເຜີຍແຜ່ ແລະ ຜະລິດສິ່ງພິິມຕ່າງໆໃນຕໍ່ໜ້າ.
ຂ່າວ ຂຽນໂດຍ: ສອນທະນູ ໜ່ວຍງານແຈ້ງຂໍ້ມູນ SPS ແລະ TBT ຂອງ ສປປ ລາວ
ວັນທີ 4 ທັນວາ 2012
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.