ສປປ ລາວ ໄດ້ແຈ້ງໃຫ້ອົງການການຄ້າໂລກ ໃນວັນທີ 3 ມັງກອນ 2013 ຊາບກ່ຽວກັບ ການຮັບຮອງເອົາຂໍ້ຕົກລົງການເຂົ້າເປັນສະມາຊິກ, ອີງຕາມຂັ້ນຕອນຂອງອົງການການຄ້າ ໂລກນັ້ນໝາຍຄວາມວ່າ ສປປ ລາວ ຈະກາຍເປັນປະເທດສະມາຊິກທີ 158 ຂອງອົງການ ການຄ້າໂລກຢ່າງເປັນທາງການ ໃນວັນທີ 2 ກຸມພາ 2013 ນີ້.
ອະນຸສັນຍາຂອງການເຂົ້າເປັນສະມາຊິກຖືກຮັບຮອງເອົາ ໂດຍສະພາໃຫຍ່ຂອງອົງການການຄ້າໂລກ ໃນວັນທີ 26 ຕຸລາ 2012 ຜ່ານມາ. ຫົວໜ້າຄະນະເຈລະຈາຂອງ ສປປ ລາວ, ທ່ານ ດຣ. ນາມ ວິຍະເກດ, ລັດຖະມົນຕີວ່າ ການກະຊວງອຸດສາຫະກຳ ແລະ ການຄ້າ ແລະ ທ່ານ ປາສະການ ລາມີ, ຜູ້ອໍານວຍການໃຫຍ່ຂອງອົງການການ ຄ້າໂລກ ໄດ້ຮ່ວມລົງນາມໃນອະນຸສັນຍາຂອງການເຂົ້າເປັນສະມາຊິກທັນທີຫລັງຈາກນັ້ນ ເຊິ່ງເປັນບາດກ້າວຂອງ ການສິ້ນສຸດການເຈລະຈາທີ່ຍາວນານເຖິງ 15 ປີ.
ການເຂົ້າເປັນສະມາຊິກອົງການການຄ້າໂລກເປັນຂີດໝາຍອັນສຳຄັນຂອງການເຮັດໃຫ້ມູນຄ່າການຄ້າເພີ່ມຂຶ້ນ ແລະ ຄາດຫວັງໄວ້ວ່າ ສປປ ລາວ ຈະມີຄູ່ຄ້າໃໝ່ໆອີກຕື່ມ ເຊັ່ນດຽວກັນກັບການຂະຫຍາຍໂອກາດຂອງການລົງທຶນແບບ ໃໝ່ໃນ ສປປ ລາວ. ການເຂົ້າເປັນສະມາຊິກອົງການການຄ້າໂລກນີ້ຖືວ່າເປັນສ່ວນໜຶ່ງຂອງຄວາມພະຍາຍາມຂອງ ລັດຖະບານລາວທີ່ຈະນຳພາປະເທດຊາດໃຫ້ຫລຸດພົ້ນອອກຈາກຄວາມເປັນປະເທດດ້ອຍພັດທະນາໃນປີ 2020.
ແຫຼ່ງຂໍ້ມູນ:
http://www.wto.org/english/news_e/news13_e/acc_lao_08jan13_e.htm
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.