ວັນທີ 2 ກຸມພາ 2013 ເລີ່ມແຕ່ເວລາ 6:00ໂມງເຊົ້າ ຈະໄດ້ເຕົ້າໂຮມມວນຊົນຢູ່ທີ່ເດີ່ນປະຕູໄຊ ເພື່ອຮ່ວມກັນ ຍ່າງມາລາທອນໄປ ຫ້ອງວ່າການປະທານປະເທດ (ຫໍຄໍາ), ໃຫ້ກຽດເປັນ ປະທານເປີດງານໃນຄັ້ງນີ້ ແມ່ນ ທ່ານ ດຣ ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີ ວ່າການ ກະຊວງການຕ່າງປະເທດ ພ້ອມດ້ວຍ ບັນດາພະນັກງານການນຳຂອງລັດຖະບານ ທີ່ຕາງໜ້າໃຫ້ແກ່ ຄະນະເລຂາທິການລັດຖະບານ, ສະພາແຫ່ງຊາດ, ສະມາຊິກຄະນະກຳມະການປະສານງານລະດັບຊາດວ່າດ້ວຍການເຊື່ອມໂຍງເສດຖະກິດກັບສາກົນ, ບັນດາກະຊວງອ້ອມຂ້າງ, ນອກນັ້ນ ຍັງໄດ້ເຊື້ອເຊີນບັນດາສະຖານທູດຂອງຕ່າງປະເທດປະຈຳຢູ່ ສປປ ລາວ, ອົງການຈັດຕັ້ງສາກົນ ແລະ ພາກທຸລະກິດເຂົ້າຮ່ວມ ທັງໝົດຄາດວ່າປະມານ 1500-2000 ຄົນ. ນອກຈາກ ກິດຈະກໍາຍ່າງມາລາທອນແລ້ວ ໃນງານ ຍັງມີກິດຈະກຳ ຫລີ້ນເກມແຈກຂອງລາງວັນ ຖາມ-ຕອບ ກ່ຽວກັບອົງການການຄ້າໂລກອີກດ້ວຍ.
ນອກຈາກ ບັນດາແຂກທີ່ຖືກເຊີນເຂົ້າຮ່ວມ ຄະນະຈັດຕັ້ງຍັງໄດ້ເປີດກວ້າງເຊື້ອເຊີນທຸກທ່ານທີ່ສົນໃຈເຂົ້າຮ່ວມໃນເຫດການອັນສຳຄັນນີ້ຢ່າງພ້ອມພຽງ
ຂໍ້ມູນເພີ່ມເຕີມຕິດຕໍ່
ກົມນະໂຍບາຍການຄ້າຕ່າງປະເທດ ກະຊວງອຸດສາຫະກໍາ ແລະ ການຄ້າ ໂທ: 021 450065, ແຟກ: 021 450065
ຕາຕະລາງລາຍລະອຽດຂອງກິດຈະກຳສາມາດດາວໂຫລດໄດ້ຢູ່ຂ້າງລຸ່ມນີ້
| # | ຫົວຂໍ້ | ດາວໂຫຼດ |
|---|---|---|
| 1 | Mini-marathon to celebrate Lao PDR becoming a member of the WTO |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.