ກົມຄວບຄຸມມົນລະພິດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ອອກແຈ້ງການເຕືອນ ກ່ຽວກັບ ອັນຕະລາຍ ຈາກການປອມປົນ ສານເຮັດຄວາມເຢັນ ຊະນິດ R-134a ກັບ R-40, ເຊິ່ງກໍ່ໃຫ້ເກີດອຸບັດຕິໄພ ໃນຂະນະນຳໃຊ້ສານເຄມີເຫລົ່ານີ້ ເຂົ້າໃນການເຄື່ອນໄຫກິດຈະກຳຕ່າງໆ. ປັດຈຸບັນການຜະລິດສານເຮັດຄວາມເຢັນດັ່ງກ່າວໄດ້ສືບຕໍ່ແຜ່ຫຼາຍເປັນວົງກວ້າງໃນທົ່ວໂລກ, ໂດຍບໍ່ສາມາດຮູ້ຂໍ້ມູນກ່ຽວກັບຊື່ຂອງການຄ້າ, ບໍລິສັດຜູ້ຜະລິດ, ແລະ ຜູ້ຈຳໜ່າຍສະເພາະ, ດັ່ງນັ້ນ ຈິ່ງເປັນບັນຫາຫຍຸ້ງຍາກໃນການຄວບຄຸມ ການນຳເຂົ້າ-ສົ່ງອອກ ຫລື ຜ່ານແດນ, ລວມເຖິງການນຳໃຊ້ ແລະ ເກັບຮັກສາໄວ້. ກົມຄວບຄຸມມົນລະພິດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຈິ່ງສະເໜີ ມາດຕະການປະຕິບັດຂ້າງລຸ່ມ ເພື່ອເປັນການຮັບປະກັນຄວາມປອດໄພ ແລະ ປ້ອງກັນອຸປະຕິໄພທີ່ອາດຈະເກີດຂຶ້ນ.
- ຕິດຕໍ່ໜ່ວຍງານໂອໂຊນ, ກົມຄວບຄຸມມົນລະພິດ, ເພື່ອກວດສອບສານເຮັດຄວາມເຢັນເບື້ອງຕົ້ນ;
- ຫ້າມນຳໃຊ້ ສານເຮັດຄວາມເຢັນປອມປົນຢ່າງເດັດຂາດ;
- ຄວນຈັດຊື້ສານເຮັດຄວາມເຢັນ ຈາກບໍລິສັດຈຳໜ່າຍທີ່ເຊື່ອຖືໄດ້ຢູ່ພາຍໃນ ຫລື ບໍລິສັດຈຳໜ່າຍຢູ່ຕ່າງປະເທດທີ່ມີໃບຮັບຮອງກ່ຽວກັບສານເຮັດຄວາມເຢັນ; ແລະ
- ຕ້ອງກວດສະພາບສານເຮັດຄວາມເຢັນທີ່ເກັບຮັກສາໄວ້ຢ່າງເປັນປົກກະຕິ.
ທ່ານສາມາດດາວໂຫລດຂໍ້ມູນລະອຽດໄດ້ຂ້າງລຸ່ມນີ້
| # | ຫົວຂໍ້ | ດາວໂຫຼດ |
|---|---|---|
| 1 | Danger of the import of chemical substance made from refrigerant imitation |  PDF |
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.