ເພື່ອຮັບປະກັນໃນການກວດນໍ້າມັນ ນຳເຂົ້າມາ ຜ່ານພາສີຊາຍແດນ ໃຫ້ຖືກຕ້ອງ, ສອດຄ່ອງກັບລະບຽບກົດໝາຍ ແລະ ມີຄວາມເປັນເອກະພາບ ໃນທົ່ວປະເທດ, ກົມພາສີ, ກະຊວງການເງິນ ອອກແຈ້ງການແນະນຳ ສະບັບເລກທີ 07144/ກພສ, ລົງວັນທີ 11 ມີຖຸນາ 2013 ກ່ຽວກັບ ວີິທີການກວດນໍ້າມັນ ນຳເຂົ້າມາ ສ ປປ ລາວ ດັ່ງລາຍລະອຽດລຸ່ມນີ້:
- ກວດກາເອກະສານໃຫ້ຄົບຖ້ວນຄື: ໃບຂົນສົ່ງ (ສບ), ໃບຢັ້ງຢືນບໍລິມາດ (ໃບຕວງນໍ້າຂອງໄທ), ໃບແຈ້ງພາສີຂາອອກຂອງປະເທດສົ່ງອອກ, ໃບຕິດຊັ່ງນໍ້າໜັກ;
- ລົດບັນທຸກນໍ້າມັນ ຂະໜາດບັນຈຸປະກອບມີແຕ່ລະຂະໜາດຄື: ຂະໜາດ 50,000 ລິດ, 40,000 ລິດ, 38,000 ລິດ, 36,000 ລິດ ແລະ 32,000 ລິດ;
- ລົດບັນທຸກນໍ້າມັນແຕ່ລະຄັນ ຈະແບ່ງອອກແປ້ນແທ່ງ ບັນຈຸນໍ້າມັນຫລາຍຫ້ອງ ແລະ ຈະມີແປ້ນບົ່ງບອກຂອງການບັນຈຸນໍ້າມັນຄື: ແປ້ນຕົວເລກ 1,000 ລິດ, 2,000 ລິດ, 3,000 ລິດ, 4,000 ລິດ ຈົນຮອດຂະໜາດບັນຈຸສູງສຸດຂອງແຕ່ລະຫ້ອງໄວ້ຂ້າງນອກຂອງແທ່ງນໍ້າມັນແຕ່ລະຫ້ອງ;
- ວິທີການສົມທຽບ ກວດກາລະຫວ່າງ ຫົວໜ່ວຍລິດ ແລະ ຫົວໜ່ວຍນໍ້າໜັກ ແຕ່ລະປະເພດນໍ້າມັນ ຄືດັ່ງລຸ່ມນີ້
- ນໍ້າມັນແອັດຊັງ 1 ລິດ ເທົ່າກັບ 0,720 ກິໂລກຣາມ
- ນໍ້າມັນກະຊວນ 1 ລິດ ເທົ່າກັບ 0,860 ກິໂລກຣາມ
ແລະ ພ້ອມທັງຕ້ອງໄດ້ຂຽນຢັ້ງຢືນຜົນຂອງການກວດໃສ່ຫລັງໃບແຈ້ງພາສີເປັນລາຍລະອຽດ.
ທ່ານສາມາດດາວໂຫລດເອກະສານລາຍລະອຽດດັ່ງຂ້າງລຸ່ມນີ້:
| # | ຫົວຂໍ້ | ດາວໂຫຼດ |
|---|---|---|
| 1 | The inspection process of petrol importing to Lao PDR |  PDF |
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.