ຜ່ານການອອກຄຳສັ່ງ ແນະນຳກ່ຽວກັບການເພີ່ມທະວີ ການຄຸ້ມຄອງເກັບລາຍຮັບ ສ່ວຍສາອາກອນ ຈາກຍານພາຫະນະ ສະບັບເລກທີ 1766/ກງ, ລົງວັນທີ 05/07/2013 ມາໄດ້ໄລຍະໜື່ງ ກະຊວງການເງິນ ເຫັນວ່າ ບໍ່ສາມາດປະຕິບັດໄດ້ ເນື່ອງຈາກບໍ່ມີເວລາພຽງພໍ ສຳລັບການກຽມຄວາມພ້ອມ ໃນການປະຕິບັດ, ດັ່ງນັ້ນ, ກະຊວງການເງິນ ຈິ່ງອອກ ແຈ້ງການສະບັບເລກທີ 2433/ກງ, ລົງວັນທີ 22/8/2013 ເພື່ອຢຸດຕິການປະຕິບັດຄຳສັ່ງແນະນຳ ກ່ຽວກັບການຈັດເກັບພາສີ - ອາກອນຈາກຍານພາຫະນະໃນຂອບເຂດທົ່ວປະເທດ, ເລີ່ມແຕ່ເດືອນມັງກອນ 2014 ເປັນຕົ້ນໄປ ກະຊວງການເງິນຈະໄດ້ປະຕິບັດການຄຸ້ມຄອງເກັບອາການແບບອີເລັກໂຕຣນິກ ຊື່ງແຕ່ນີ້ຮອດທ້າຍປີ 2013 ແມ່ນໄລຍະກະກຽມຄວາມພ້ອມ ສຳລັບການຈັດຕັ້ງປະຕິບັດລະບົບດັ່ງກ່າວ, ໃນໄລຍະກະກຽມຄວາມພ້ອມການປະຕິບັດລະບົບດັ່ງກ່າວນີ້, ການຈັດເກັບພາສີ-ອາກອນ ຈາກການນຳເຂົ້າຍານພາຫະນະ ໃຫ້ສືບຕໍ່ປະຕິບັດຕາມລະບົບ ທີ່ເຄີຍປະຕິບັດຜ່ານມາ (ນຳໃຊ້ລາຄາກາງ ເປັນພື້ນຖານໃນການຄິດໄລ່).
ທ່ານ ສາມາດດາວໂຫລດເອກະສານລະອຽດໄດ້ຂ້າງລຸ່ມນີ້
| # | ຫົວຂໍ້ | ດາວໂຫຼດ |
|---|---|---|
| 1 | The Ministry of Finance has issued a notification on the termination of tariff and tax collection for vehicles throughout the country |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.