ກົມການນໍາເຂົ້າ ແລະ ສົ່ງອອກ, ກະຊວງອຸດສາຫະກໍາ ແລະ ການຄ້າ ໃນນາມເປັນຫ້ອງການປະຈຳຂອງກອງເລຂາ ອຳນວຍຄວາມ ສະດວກ ທາງດ້ານການຄ້າຈະຈັດກອງປະຊຸມຂອງໜ່ວຍງານທົບທວນມາດຕະການດ້ານການຄ້າທີ່ບໍ່ແມ່ນພາສີ ຂຶ້ນໃນວັນທີ 28 ກຸມພາ 2014, ທີ່ໂຮງແຮມວຽງຈັນພລາຊາ, ນະຄອນຫລວງວຽງຈັນ, ຊື່ງໄດ້ຮັບກຽດເປັນປະທານໂດຍ ທ່ານ ນາງ ບານສະຕິ ເທບພະວົງ, ຫົວໜ້າກົມການນໍາເຂົ້າ ແລະ ສົ່ງອອກ, ກະຊວງອຸດສາຫະກໍາ ແລະ ການຄ້າ ແລະ ເຊີນຜູ້ເຂົ້າຮ່ວມຈາກບັນດາຂະແໜງການທີ່ກ່ຽວຂ້ອງ ທີ່ເຮັດວຽກປີ່ນອ້ອມວຽກງານການຄ້າ.
ຈຸດປະສົງຂອງກອງປະຊຸມໃນຄັ້ງນີ້ແມ່ນ ເພື່ອສ້າງຄວາມເຂົ້າໃຈ ກ່ຽວກັບມາດຕະການທາງດ້ານການຄ້າ ທີ່ບໍ່ແມ່ນພາສີ, ທົບທວນມາດ ຕະການທາງດ້ານການຄ້າທີ່ບໍ່ແມ່ນພາສີ (NTMs), ເປັນການເປີດເວທີພົບປະປຶກສາຫາລື ລະຫວ່າງ ບັນດາ ຈຸດປະສານງານຂອງວຽກງານ NTMs ກັບຫ້ອງການກອງເລຂາອຳນວຍຄວາມສະດວກທາງດ້ານການຄ້າ ເພື່ອສ້າງເຄືອຂ່າຍປະສານງານທີ່ມີປະສິດທິພາບ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.