ກົມການນໍາເຂົ້າ ແລະ ສົ່ງອອກ, ກະຊວງອຸດສາຫະກໍາ ແລະ ການຄ້າ ໃນນາມເປັນຫ້ອງການປະຈຳຂອງກອງເລຂາ ອຳນວຍຄວາມສະດວກທາງດ້ານການຄ້າ ຮ່ວມກັບ ພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ ຈະຈັດຊຸດຝຶກອົບຮົມກ່ຽວກັບ ການນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນວຽກງານການຄ້າ ຂຶ້ນໃນວັນທີ 29-30 ເມສາ 2014 ທີ່ຫ້ອງປະຊຸມພະແນກອຸດສາຫະກຳ ແລະ ການຄ້ານະຄອນຫລວງ. ຊື່ງໄດ້ ເຊີນຜູ້ເຂົ້າຮ່ວມ ທີ່ຕາງໜ້າຈາກຫ້ອງການອຸດສາຫະກຳ ແລະ ການຄ້າ ຈາກ 09 ເມືອງ ຢູ່ພາຍໃນນະຄອນຫລວງວຽງຈັນ ເຂົ້າຮ່ວມໃນກອງປະຊຸມສຳມະນາຄັ້ງນີ້.
ຈຸດປະສົງຂອງກອງປະຊຸມໃນຄັ້ງນີ້ແມ່ນເພື່ອສ້າງຄວາມເຂົ້າໃຈ ແລະ ວິທີການນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນວຽກງານການຄ້າໃຫ້ແກ່ນັກສຳມະນາກອນໃຫ້ສາມາດຮູ້ວິທີການນຳໃຊ້ອີເມລ໌ເຂົ້າໃນການແລກປ່ຽນຂໍ້ມູນຂ່າວສານທາງດ້ານການຄ້າ ແລະ ການເຂົ້າຫາຂໍ້ມູນຂ່າວສານທາງດ້ານການຄ້າ ຈາກເວັບໄຊ໌ສູນຂໍ້ມູນຂ່າວສານທາງດ້ານການຄ້າຂອງສປປລາວ ໃຫ້ໄດ້ຮັບຜົນປະໂຫຍດສູງສຸດ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.