ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ
ກະຊວງການເງິນ
ກົມສ່ວຍສາອາກອນ ເລກທີ: 4337/ກງ.ກສອ
ນະຄອນຫຼວງວຽງຈັນ, ວັນທີ 08 ພຶດສະພາ 2014
ເຖິງ: ຫົວໜ້າພະແນກສ່ວຍສາອາກອນປະຈຳແຂວງ, ນະຄອນຫຼວງ ແລະ ຜູ້ດຳເນີນທຸລະກິດຢູ່ໃນລະບົບອາກອນມູນຄ່າເພີ່ມ
ເລື່ອງ: ການສະເໜີຂໍຄືນເງິນອາກອນມູນຄ່າເພີ່ມ ສຳລັບບໍລິສັດສົ່ງສິນຄ້າອອກໄປຕ່າງປະເທດ.
- ອີງຕາມກົດໝາຍວ່າດ້ວຍອາກອນມູນຄ່າເພີ່ມ ເລກທີ 04/ສພຊ, ລົງວັນທີ 26 ທັນວາ 2006;
- ອີງຕາມດຳລັດຈັດຕັ້ງປະຕິບັດກົດໝາຍວ່າດ້ວຍອາກອນມູນຄ່າເພີ່ມ ເລກທີ 270/ນຍ, ລົງວັນທີ 18 ກັນຍາ 2009.
ເພື່ອເຮັດໃຫ້ການສະເໜີຂໍຄືນເງິນອາກອນມູນຄ່າເພີ່ມ ຖືກຕ້ອງຕາມລະບຽບກົດໝາຍ, ກົມສ່ວຍສາອາກອນ ຂໍແຈ້ງມາຍັງ ທ່ານຫົວໜ້າພະແນກສ່ວຍສາອາກອນປະຈຳແຂວງ, ນະຄອນຫຼວງ ແລະ ທ່ານຜູ້ອຳນວຍການບໍລິສັດຊາບ ກ່ຽວກັບຂັ້ນຕອນ ການຂໍຄືນເງິນອາກອນມູນຄ່າເພີ່ມ ທີ່ຕິດພັນກັບການສົ່ງສິນຄ້າອອກໄປຕ່າງປະເທດ ເລີ່ມແຕ່ເດືອນ ມີນາ 2014 ເປັນຕົ້ນໄປ ໃຫ້ຜູ້ດຳເນີນທຸລະກິດ ຢູ່ໃນລະບົບອາກອນມູນຄ່າເພີ່ມ ທີ່ມີຈຸດປະສົງ ຂໍຄືນເງິນອາກອນມູນຄ່າເພີ່ມ ຕ້ອງໄດ້ສົ່ງ ໃບສະເໜີ ຂໍຄືນເງິນອາກອນມູນຄ່າເພີ່ມເຖິງຂະແໜງສ່ວຍສາອາກອນມູນຄ່າເພີ່ມ ຕາມທີ່ກຳນົດໄວ້ໃນມາດຕາ 24 ຂອງດຳລັດ ຈັດຕັ້ງ ປະຕິບັດກົດໝາຍວ່າດ້ວຍອາກອນມູນຄ່າເພີ່ມ ເລກທີ 270/ນຍ, ລົງວັນທີ 18 ກັນຍາ 2008 ພ້ອມທັງຕິດຄັດ ຕາຕະລາງສັງລວມ ລາຍຮັບທຸລະກິດຈາກການສະໜອງຢູ່ພາຍໃນ ແລະ ສົ່ງອອກໄປຕ່າງປະເທດ ລວມທັງລາຍຮັບທຸລະກິດທີ່ຖືກຍົກເວັ້ນອາກອນ ມູນຄ່າເພີ່ມ (ຖ້າມີ) ແລະ ຕາຕະລາງສັງລວມລາຍຈ່າຍຕິດພັນອາກອນມູນຄ່າເພີ່ມເບື້ອງສົ້ນເຂົ້າ ທີ່ບໍລິສັດສະເໜີຂໍຄືນ ລວມທັງຕາຕະລາງສັງລວມການນຳເຂົ້າສິນຄ້າຈາກຕ່າງປະເທດ (ຖ້າມີ) ໄປພ້ອມກັບໃບສະເໜີດັ່ງກ່າວທຸກຄັ້ງ. ຂ້າງເທິງ
ດັ່ງນັ້ນ, ຈຶ່ງຂໍແຈ້ງມາຍັງພາກສ່ວນທິິ່ກ່ຽວຂ້ອງຊາບ ແລະ ປະຕິບັດຕາມແຈ້ງການສະບັບນີ້ຢ່າງເຂັ້ມງວດດ້ວຍ.
ຫົວໜ້າກົມສ່ວຍສາອາກອນ
(ເຊັນ ແລະ ປະທົບຕາ)
ທອງວັນ ບ່າວທຳມະວົງ
PDF
PDFກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.