ກົມສ່ວຍສາອາກອນ, ກະຊວງການເງິນໄດ້ອອກແຈ້ງການ ກ່ຽວກັບການສະເໜີຂໍຄືນເງິນອາກອນມູນຄ່າເພີ່ມ ສຳລັບບໍລິສັດສົ່ງສິນຄ້າ ອອກໄປຕ່າງປະເທດ ສະບັບເລກທີ 4337/ກງ.ກສອ, ລົງວັນທີ 08 ພຶດສະພາ 2014. ເພື່ອແຈ້ງໃຫ້ຮູ້ຂັ້ນຕອນຂອງການຂໍຄືນເງິນອາກອນ ມູນຄ່າເພີ່ມ ຊຶ່ງມີຂັ້ນຕອນ ແລະ ການປະກອບເອກະສານດັ່ງນີ້: ຕ້ອງໄດ້ສົ່ງໃບສະເໜີຂໍຄືນເງິນອາກອນມູນຄ່າເພີ່ມເຖິງຂະແໜງ ສ່ວຍສາອາ ກອນມູນຄ່າເພີ່ມ ຕາມທີ່ກຳນົດໄວ້ໃນມາດຕາ 24 ຂອງດຳລັດຈັດຕັ້ງປະຕິບັດກົດໝາຍວ່າດ້ວຍອາກອນມູນຄ່າເພີ່ມສະບັບເລກທີ 270/ນຍ, ລົງວັນທີ 18 ກັນຍາ 2008 ພ້ອມທັງຄັດຕິດຕາຕະລາງສັງລວມລາຍຮັບທຸລະກິດຈາກການສະໜອງຢູ່ພາຍໃນ, ແລະ ສົ່ງອອກໄປຕ່າງປະເທດ ລວມທັງລາຍຮັບທຸລະກິດທີ່ຖືກຍົກເວັ້ນອາກອນມູນຄ່າເພີ່ມ (ຖ້າມີ) ແລະ ຕາຕະລາງສັງລວມລາຍຈ່າຍຕິດພັນກັບອາກອນມູນ ຄ່າເພີ່ມ ເບື້ອງສົ້ນເຂົ້າ ທີ່ບໍລິສັດສະເໜີຂໍຄືນ ລວມທັງຕາຕະລາງສັງລວມການນຳເຂົ້າສິນຄ້າຈາກຕ່າງປະເທດ (ຖ້າມີ) ໄປພ້ອມ ກັບໃບສະເໜີ ດັ່ງກ່າວທຸກຄັ້ງ.
ຖ້າທ່ານຕ້ອງການຂໍ້ມູນເພີ່ມຕື່ມສາມາດຕິດຕໍ່ໄດ້ໂດຍກົງທີ່ ກົມສ່ວຍສາອາກອນ, ກະຊວງການເງິນ, ຕັ້ງຢູ່ ບ້ານຫັດສະດີ, ເມືອງໄຊເສດຖາ, ໂທ: 021 21702
ດາວໂຫຼດ ລາວ: ແຈ້ງການກ່ຽວກັບການສະເໜີຂໍຄືນເງິນອາກອນມູນຄ່າເພີ່ມສຳລັບບໍລິສັດສົ່ງສິນຄ້າອອກໄປຕ່າງປະເທດ, ສະບັບເລກທີ 4337/ກງ.ກສອ
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.