ການ​ຂົນ​ສົ່ງ​ສິນຄ້າ

 

ຜູ້ນຳ​ເຂົ້າສິນຄ້າ ຫຼື ບໍລິສັດ​ຕົວ​ແທນ​ຮັບຈັດ​ສົ່ງ​ສິນຄ້າ ທີ່​ຮັບຜິດຊອບ​ຂົນ​ສົ່ງ​ສິນຄ້າທີ່​ຈະ​ນໍາ​ເຂົ້າ, ສົ່ງ​ອອກ ຫຼື ຂ້າມ ​ຜ່ານຕ້ອງ​ຍື່ນ​ເອກະສານ​ຂົນ​ສົ່ງໃຫ້​ພາສີພາຍ​ໃນ​ເວລາ 24 ຊົ່ວ​ໂມງ ພາຍຫຼັງ​ທີ່​ສິນຄ້າ​ມາ​ຮອດ​ແລ້ວໂດຍ​ຕ້ອງ​ແຈ້ງ​ ພາສີ​ຢູ່​ທີ່​ດ່ານ​ທີ່​ກ່ຽວຂ້ອງ. ບັນດາ​ເອກະສານ​ຂົນ​ສົ່ງແມ່ນ​ ເອກະສານ​ທາງ​ດ້ານ​ການ​ຄ້າທີ່​ອະທິບາຍ​ເນື້ອ​ໃນຂອງສິນ ຄ້າທີ່​ພວມ​ຖືກ​ຂົນ​ສົ່ງ​ຢູ່.

​ເອກະສານ​ຂົນ​ສົ່ງ​ປະກອບ​ດ້ວຍ:

​ໃນ​ກໍລະນີ​ການຂອງ​ການ​ຂົນ​ສົ່ງ​ທາງ​ອາກາດ:

  • ​ໃບ​ລາຍການ​ສິນຄ້າທີ່ຂົນ​ສົ່ງຜ່ານ​ທາງ​ອາກາດ.

​ໃນ​ກໍລະນີ​ຂອງ​ການຂົນ​ສົ່ງ​ທາງບົກ:

  • ລາຍການ​ຫຸ້ມ​ຫໍ່ (Packing List);
  • ລາຍການ​ບັນທຸກ (Load List);
  • ​ໃບ​​ເກັບ​ເງິນທີ່​ອອກ​ໃຫ້​​ໂດຍ ຜູ້​ສົ່ງ​ອອກ​ສິນຄ້າ;
  • ​ໃບ​ສົ່ງ​ສິນຄ້າ​ທາງ​ທະ​ເລ ຫຼື ​ໃບ​ສົ່ງ​ສິນຄ້າ​ທາງ​ບົກ.

​ເອກະສານ​ການ​ຂົນ​ສົ່ງ​ຕ້ອງ​ໄດ້​ສົ່ງ​ໃຫ້​ດ່ານ​ພາສີ​ທີ່​ກ່ຽວຂ້ອງ ​ພາຍ​ໃນ 24 ຊົ່ວ​ໂມງ ນັບ​ຈາກ​ສິນຄ້າ​ມາ​ຮອດ​ຊາຍ​ແດນ.

​

 

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.