ກອງເລຂາອຳນວຍຄວາມສະດວກທາງດ້ານການຄ້າ ຮ່ວມກັບ ສະພາການຄ້າ ແລະ ອຸດສາຫະກຳແຫ່ງຊາດລາວ ຈັດກອງປະຊຸມເຜີຍແຜ່ ແລະ ຝຶກອົບຮົມແກ່ຜູ້ປະກອບການ ວິທີການນໍາໃຊ້ ສູນຂໍ້ມູນຂ່າວສານທາງດ້ານການຄ້າ ຂອງ ສປປ ລາວ ຫຼື Lao PDR Trade Portal. ໃນວັນທີ 18 ກັນຍາ 2014 ທີ່ ໂຮງແຮມວຽງຈັນພລາຊ່າ, ນະຄອນຫຼວງວຽງຈັນ.
ຜົນປະໂຫຍດຈາກການເຂົ້າຮ່ວມ:
1. ຜູ້ປະກອບການທຸລະກິດ ຈະສາມາດຮູ້ເຖິງບັນດານິຕິກໍາ, ກົດລະບຽບ, ຂັ້ນຕອນການນໍາເຂົ້າ-ສົ່ງອອກ ສິນຄ້າ ໂດຍຜ່ານເວັບໄຊ໌ ຂອງສູນຂໍ້ມູນຂ່າວສານທາງດ້ານການຄ້າ ຂອງ ສປປ ລາວ (www.laotradeportal.gov.la),
2. ຂໍ້ມູນຂ່າວສານ ກ່ຽວກັບ ຕະຫລາດໃນອາຊຽນ - ບັນດາປະເທດຄູ່ຮ່ວມອາຊຽນ,
3. ເງື່ອນໄຂການນໍາເຂົ້າ - ສົ່ງອອກ ແລະ ອັດຕາພາສີ ນໍາເຂົ້າ ຂອງບັນດາປະເທດອາຊຽນ ແລະ ປະເທດຄູ່ຮ່ວມອາຊຽນ.
ບັນດາທ່ານທີ່ເຂົ້າຮ່ວມ ຈະສາມາດນໍາໄປໝູນໃຊ້ເຂົ້າໃນການປັບປຸງ ແລະ ວາງແຜນວຽກງານການນໍາເນີນທຸລະກິດ ການນໍາເຂົ້າ-ສົ່ງອອກ, ພ້ອມທັງຊອກໂອກາດ ນໍາສະເໜີສິນຄ້າຂອງຕົນສູ່ບັນດາປະເທດສະມາຊິກອາຊຽນ ໂດຍຜ່ານການນໍາສະເໜີຂໍ້ມູນ ຈາກການຝຶກອົບຮົມຄັ້ງນີ້.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.