ກອງປະຊຸມອະນຸກຳມະການ ວ່າດ້ວຍແຫຼ່ງກຳເນີດສິນຄ້າ ພາຍໃຕ້ສັນຍາການຄ້າດ້ານສິນຄ້າອາຊຽນ ຄັ້ງທີ 16 ໄດ້ຈັດຂຶ້ນໃນລະຫວ່າງວັນທີ 20 - 21 ຕຸລາ 2014 ທີ່ໂຮງແຮມ ດອນຈັນພາເລດ, ນະຄອນຫຼວງວຽງຈັນ ໂດຍໄດ້ຮັບກຽດເປັນປະທານກອງປະຊຸມຂອງທ່ານ ເຂັມເດັດ ສີຫາວົງ ຮອງຫົວໜ້າກົມການນຳເຂົ້າ ແລະ ສົ່ງອອກ, ກະຊວງອຸດສາຫະກຳ ແລະ ການຄ້າ, ແລະ ມີຜູ້ແທນຈາກບັນດາປະເທດສະມາຊິກອາຊຽນ 10 ປະເທດເຂົ້າຮ່ວມຢ່າງພ້ອມພຽງ.
ການປະຊຸມດັ່ງກ່າວນີ້ ແມ່ນເພື່ອຕິດຕາມຂໍ້ຕົກລົງຕ່າງໆ ທີ່ເປັນຜົນຈາກກອງປະຊຸມຄັ້ງຜ່ານມາຄື: (1) ກອງປະຊຸມຄັ້ງທີ 15 ຂອງກຳມະການປະສານງານ ໃນການຈັດຕັ້ງປະຕິບັດ ສົນທິສັນຍາການຄ້າດ້ານສິນຄ້າອາຊຽນ, 11-13 ມິຖຸນາ 2014, ຊຽງໃໝ່, ປະເທດໄທ, (The 15th Coordinating Committee on the Implementation of the ATIGA, 11-13 June 2014, Chiang Mai, Thailand); (2) ກອງປະຊຸມຄັ້ງທີ 3 ຂອງ ກອງປະຊຸມເສດຖະກິດອາວຸໂສຄັ້ງທີ 45 (SEOM 3/45), 19-21 ກໍລະກົດ 2014, ຢາງກຸງ, ປະເທດມຽນມາ (The Third Meeting of 45th Senior Economic Official Meeting (SEOM 3/45), 19-21 July 2014, Yangon, Myanmar); (3) ກອງປະຊຸມກຸ່ມປະຕິບັດງານກ່ຽວກັບເລື່ອງເຕັກນິກ, 12-15 ສິງຫາ 2014, ຍົກຍາກາຕາ, ປະເທດອິນໂນເຊຍຄັ້ງທີ 28, (The 28th Meeting of the Working Group on Technical Matters for the ASW (TWG), 12-15 August 2014, Yogyakarta, Indonesia); (4) ກອງປະຊຸມສະພາ AFTA ຄັ້ງທີ 28, 25 ສິງຫາ 2014, ເນປີຕໍ, ປະທດມຽນມາ, (The 28th AFTA Council Meeting, 25 August 2014, Nay Pyi Taw, Myanmar) ແລະ; (5) ກອງປະຊຸມກຳມະການນຳທາງສູ່ອາຊຽນປະຕູດຽວຄັ້ງທີ 13, 16-18 ກັນຍາ 2014, ປະເທດສິງກະໂປ, (13th ASEAN Single Window Steering Committee (ASWSC), 16-18 September 2014. Singapore).
ຈຸດປະສົງຂອງກອງປະຊຸມ ແມ່ນເພື່ອປຶກສາຫາລືກັບບັນດາປະເທດສະມາຊິກອາຊຽນ (ASEAN Member State: AMS) ກ່ຽວກັບການປັບປຸງລະບຽບການຕ່າງໆ ໃນສັນຍາການຄ້າເສລີອາຊຽນ (ATIGA) ໃຫ້ມີເນື້ອໃນຄົບຖ້ວນ ແລະ ຮັດກຸມກ່ວາເກົ່າ ໂດຍສະເພາະແມ່ນວຽກງານຕ່າງໆທີ່ຕິດພັນກັບລະບຽບແຫຼ່ງກຳເນີດສິນຄ້າ (Rule of Origin : ROO) ເຊັ່ນ: ການປັບປຸງສັນຍາການຄ້າເສລີອາຊຽນ ໃຫ້ສາມາດຮອງຮັບການອອກໃບຢັ້ງຢືນແຫຼ່ງກຳເນີດສິນຄ້າ ຜ່ານລະບົບອີເລັກໂຕຼນິກ, ຄວາມຕໍ່ເນື່ອງຂອງການປະຕິຮູບ ລະບຽບແຫຼ່ງກຳເນີດສິນຄ້າ ແລະ OCP, ການເຈລະຈາເພື່ອລົບລ້າງມູນຄ່າ FOB ອອກຈາກ From D ໃນທຸກກໍລະນີ ທີ່ໄດ້ຍົກຂຶ້ນໂດຍປະເທດສະມາຊິກອາຊຽນ ເຊັ່ນ: ສິງກະໂປ, ບຼູໃນ ແລະ ມາເລເຊຍ. ອີກດ້ານໜຶ່ງໃນການຈັດກອງປະຊຸມຄັ້ງນີ້ ກໍ່ເປັນການປັບປຸ່ງຂັ້ນຂອດການດຳເນີນເອກະສານ ໃຫ້ກະທັດຮັດ ແລະ ມີຄວາມສະດວກຂຶ້ນ. ພ້ອມນັ້ນ ກໍ່ເພື່ອລາຍງານຄວາມຄືບໜ້າ ກ່ຽວກັບວຽກງານທີ່ໄດ້ຈັດຕັ້ງປະຕິບັດຜ່ານມາເຊັ່ນ: ໂຄງການທົດລອງການຢັ້ງຢືນແຫຼ່ງກຳເນີດດ້ວຍເອງ (Self - Certification Pilot Project) ແລະ ໄດ້ປຶກສາຫາລືກ່ຽວກັບ ບັນຫາໃນການຈັດຕັ້ງປະຕິບັດ, ແລະ ອື່ນໆ. ນອກນີ້ ກອງປະຊຸມຍັງໄດ້ຮັບເອົາແຜນວຽກຂອງ ອະນຸກຳມະການ ວ່າດ້ວຍແຫຼ່ງກຳເນີດສິນຄ້າ ພາຍໃຕ້ສັນຍາການຄ້າດ້ານສິນຄ້າອາຊຽນ ໃນປີ 2015.
ຜົນສຳເລັດການປະຊຸມຄັ້ງນີ້ ແມ່ນໄດ້ນຳໄປລາຍງານຕໍ່ກອງປະຊຸມຄະນະກຳມະການປະສານງານ ຈັດຕັ້ງປະຕິບັດສັນຍາການຄ້າດ້ານສິນຄ້າອາຊຽນ ຄັ້ງທີ 16 (The 16th Meeting of the Coordination Committee on The Implementation of the ATIGA: CCA) ທີ່ຈະໄດ້ຈັດຂຶ້ນໃນລະຫວ່າງວັນທີ 22 - 24 ຕຸລາ 2014 ເພື່ອຮັບຮອງເອົາ ຜົນການປຶກສາຫາລືຂອງກອງປະຊຸມອະນຸກຳມະການ ວ່າດ້ວຍແຫຼ່ງກຳເນີດສິນຄ້າ ພາຍໃຕ້ສັນຍາການຄ້າດ້ານສິນຄ້າອາຊຽນ (SC-AROO).
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.