ຂໍ້ລິເລີ່ມໃນການກວດກາຢູ່ຈຸດດຽວນີ້ ຈະເປັນການອຳນວຍຄວາມສະດວກ ແລະ ເຊື່ອມໂຍງ ການຜ່ານແດນຢ່າງເປັນທາງການ ແລະ ບັນດາຂັ້ນຕອນຕ່າງໆ ເພື່ອອຳນວຍຄວາມສະດວກທາງດ້ານການຄ້າ, ການລົງທຶນ ແລະ ການທ່ອງທ່ຽວ.ເຊິ່ງຂໍ້ຕົກລົງດັ່ງກ່າວແມ່ນມີຂຶ້ນຫຼັງຈາກ ລາວ ແລະ ຫວຽດນາມ ໄດ້ເປີດນຳໃຊ້ການກວດກາຢູ່ຈຸດດຽວຢູ່ດ່ານຊາຍແດນ ສະຫວັນ-ລາວບາວ.
ຮູບແບບການກວດກາຢູ່ຈຸດດຽວແມ່ນມີຈຸດປະສົງເພື່ອຫຼຸດຂັ້ນຕອນການຂໍອະນຸຍາດ, ເອກະສານຈຳເປັນອື່ນໆຢູ່ດ່ານ. ລະບົບນີ້ ຈະຊ່ວຍໃຫ້ນັກທຸລະກິດແຈ້ງຂາເຂົ້າ-ຂາອອກ ເມື່ອມີການເຄື່ອນຍ້າຍຜ່ານເຂົ້າ ແລະ ອອກຈາກປະເທດຂອງຕົນຜ່ານຈຸດບໍລິການດຽວ.
ລັດຖະບານໃນບັນດາປະເທດພາກພື້ນໄດ້ຊຸກຍູ້ໃຫ້ມີການແນະນຳລະບົບດັ່ງກ່າວ ເພື່ອສົ່ງເສີມໃຫ້ແກ່ລະບົບການຂົນສົ່ງສິນຄ້າ. ໃນກອງປະຊຸມສູດຍອດ ກຳປູເຈຍ, ລາວ, ມຽນມາ, ຫວຽດນາມຄັ້ງທີ 6 ທີ່ວຽງຈັນໃນເດືອນມີນາ ປີ 2013 ທີ່ຜ່ານມາ, ບັນດາຜູ້ນຳໄດ້ເຫັນດີວ່າການກວດກາຢູ່ຈຸດດຽວ ແມ່ນຄວນໄດ້ຮັບການສ້າງຕັ້ງຂຶ້ນໃນການຜ່ານແດນເພື່ອເພີ່ມການເຊື່ອມຕໍ່ ແລະ ອຳນວຍຄວາມສະດວກທາງດ້ານການຄ້າ, ການລົງທຶນ, ການທ່ອງທ່ຽວ ແລະ ການຂົນສົ່ງ ລະຫວ່າງ 4 ປະເທດ.
ກອງປະຊຸມທີ່ບາງກອກນີ້ ກໍໄດ້ຍົກເຂດເສດຖະກິດຜ່ານຊາຍແດນ ເພື່ອເປັນການເລັ່ງການຂັບເຄື່ອນ ບັນດາ 10 ປະເທດອາຊຽນເຂົ້າເປັນໜຶ່ງດຽວກັນ ເພື່ອເປັນຮາກຖານການເຊື່ອມໂຍງປະຊາຄົມເສດຖະກິດອາຊຽນ. ນອກຈາກນີ້ ກໍຈະເປັນການສ້າງຕ່ອງໂສ້ ແລະ ເປັນການຍົກສູງການເຊື່ອມຕໍ່ບັນດາປະເທດອາຊີຕາເວັນອອກສຽງໃຕ້.
ໃນແລວທາງເສດຖະກິດຕາເວັນອອກ, ເຊິ່ງມີຄວາມຍາວ 1,320 ກິໂລແມັດ ເຊິ່ງເປັນດິນເຊື່ອມຕໍ່ລະຫວ່າງທະເລຈີນຕອນໃຕ້ ແລະ ທະເລອັນດາມັນ, ແມ່ນເປັນຈຸດເລີ່ມຕົ້ນທີ່ມີເປົ້າໝາຍສະໜັບສະໜູນການພັດທະນາ ແລະ ການເຊື່ອມລະຫວ່າງ ໄທ, ມຽນມາ, ລາວ ແລະ ຫວຽດນາມ.
ແຫຼ່ງທີ່ມາ: ໜັງສືພິມ ວຽງຈັນທາມສ໌
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.