ສະຖານທູດແຫ່ງ ສ. ຕວັກກີ ໄດ້ແຈ້ງໃຫ້ຊາບວ່າ ຈະນຳໃຊ້ “ໃບຢັ້ງຢືນສຸຂະພາບຂອງສັດຕະວະແພດສຳລັບການນຳເຂົ້ານ້ຳມັນປາ ທີ່ບໍ່ມີເປົ້າໝາຍສຳລັບການບໍລິໂພກຂອງມະນຸດ, ນຳມາໃຊ້ເປັນສ່ວນປະກອບອາຫານ ຫຼື ເພື່ອຈຸດປະສົງອນອກຕ່ອງໂສ່ອາຫານຂອງ ສ.ຕວັກກີ” ແລະ “ໃບຢັ້ງຢືນສຸຂະພາບຂອງສັດຕະວະແພດ ສໍາລັບການນໍາເຂົ້າໂປຼເຕອິນຈາກສັດແປຮູບ ທີ່ບໍ່ມີເປົ້າໝາຍສໍາລັບການບໍລິໂພກຂອງມະນຸດ, ລວມທັງສານປະສົມ ແລະ ຜະລິດຕະພັນອື່ນ ນອກຈາກອາຫານສັດທີ່ມີສ່ວນປະກອບຂອງໂປຼເຕອີນດັ່ງກ່າວໃນ ສ. ຕວັກກີ” ຈາກກະຊວງອາຫານ, ກະສິກຳ, ແລະ ສັດ ແຫ່ງ ສ. ຕວັກກີ. ເຊິ່ງໃບຢັ້ງຢືນດັ່ງກ່າວຈະຖືກນໍາໃຊ້ຕັ້ງແຕ່ວັນທີ 1 ມິຖຸນາເປັນຕົ້ນໄປ.
ໃບຢັ້ງຢືນດັ່ງກ່າວໄດ້ຖືກສະເໜີເພື່ອທົບທວນຢູ່ເວັບໄຊ້ທາງການຂອງອົງການການຄ້າໂລກ (Code No. G/SPS/N/TUR/9/Add.1) ໃນວັນທີ 14 ເມສາ 2015 ແລະ ກໍຍັງສາມາດດາວໂຫຼດໄດ້ທີ່ ເວັບໄຊ້ຂອງ ກະຊວງອາຫານ, ກະສິກຳ, ແລະ ສັດ ແຫ່ງ ສ. ຕວັກກີ.
ໃນໄລຍະທີ່ກຳລັງດໍາເນີນການນີ້, ໃບຢັ້ງຢືນອື່ນໆທີ່ໄດ້ສ້າງກ່ອນວັນທີ 1 ມິຖຸນາ 2015 ກໍຈະຖືກຮັບຮອງເອົາຢູ່ບັນດາດ່ານເຂົ້າປະເທດຕວັກກີ.
ກົດທີ່ນີ້ ເພື່ອເບິ່ງໜັງສືແຈ້ງເປັນທາງການ ຂອງ ສະຖານທູດ ແຫ່ງ ສ. ຕວັກກີ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.