ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ

ປະທານເທດລາວ           ເລກທີ 001/ປປທ
ນະຄອນຫຼວງວຽງຈັນ, ວັນທີ 15.12.2015

ລັດຖະບັນຍັດ
ຂອງປະທານປະເທດ
ສາທາລະນະລັດ ປະຊາທິປະໄຕ ປະຊາຊົນລາວ
ວ່າດ້ວຍ ອັດຕາຄ່າຊັບພະຍາກອນທຳມະຊາດ

-    ອີງຕາມ ລັດຖະທຳມະນູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໝວດທີ VI , ມາດຕາ 67 ຂໍ້ 2;
-    ອີງຕາມ ກົດໝາຍວ່າດ້ວຍ ການປົກປັກຮັກສາສິ່ງແວດລ້ອມ ສະບັບເລກທີ 29/ສພຊ, ລົງວັນທີ 18 ທັນວາ 2012, ມາດຕາ 52 ຂໍ້ 06;
-    ອີງຕາມ ໜັງສືສະເໜີຂອງຄະນະປະຈຳສະພາແຫ່ງຊາດ ສະບັບເລກທີ 016/ຄປຈ, ລົງວັນທີ 07 ສິງຫາ 2015 ແລະ ສະບັບເລກທີ 0381/ຫສຊ, ລົງວັນທີ 30 ພະຈິກ 2015

ປະທານປະເທດ ອອກລັດຖະບັນຍັດ

ໝວດທີ 1
ບົດບັນຍັດທົ່ວໄປ

ມາດຕາ 1 ຈຸດປະສົງ

          ລັດຖະບັນຍັດສະບັບນີ້ ກຳນົດອັດຕາຄ່າຊັບພະຍາກອນທຳມະຊາດ ເພື່ອຮັບປະກັນການເກັບຄ່າຊັບພະຍາກອນທຳມະຊາດ ໃຫ້ຖືກຕ້ອງ, ມີຄວາມເປັນເອກະພາບ ແລະມີປະສິດທິຜົນໃນຂອບເຂດທົ່ວປະເທດ ແນ່ໃສ່ສ້າງລາຍຮັບເຂົ້າງົບປະມານແຫ່ງລັດ ຕາມກົດໝາຍ, ປະກອບສ່ວນພັດທະນາເສດຖະກິດ-ສັງຄົມ ຂອງຊາດໃຫ້ເຂັ້ມແຂງ.

ມາດຕາ 2 ຄ່າຊັບພະຍາກອນທຳມະຊາດ

          ຄ່າຊັບພະຍາກອນທຳມະຊາດ ແມ່ນພັນທະດ້ານການເງິນ ຊືຶ່ງບຸກຄົນ, ນິຕິບຸກຄົນ ທັງພາຍໃນ ແລະຕ່າງປະເທດ ທີ່ໄດ້ຮັບອະນຸຍາດດຳເນີນທຸລະກິດ ກ່ຽວກັບຊັບພະຍາກອນທຳມະຊາດ ຊຶ່ງຕ້ອງເສຍໃຫ້ລັດຕາມອັດຕາທີ່ໄດ້ກຳນົດໄວ້ໃນລັດຖະບັນຍັດສະບັບນີ້.

ມາດຕາ 3 ຫຼັກການ ການກຳນົດອັດຕາຄ່າຊັບພະຍາກອນທຳມະຊາດ ໃຫ້ປະຕິບັດຕາມຫຼັກການ ດັ່ງນີ້ :

          ການນກຳນົດອັດຕາຄ່າຊັບພະຍາກອນທຳະມະຊາດ ໃຫ້ປະຕິບັດຕາມຫຼັກການ ດັ່ງນີ້ :

1.    ອີງໃສ່ລະດັບການຂະຫຍາຍຕົວຂອງພື້ນຖານເສດຖະກິດ ແລະນະໂຍບາຍທາງດ້ານເສດຖະກິດການເງິນຂອງລັດຖະບານ.
2.    ຮັບປະກັນ ການພັດທະນາແບບຍືນຍົງ, ນຳໃຊ້ຊັບພະຍາກອນທຳມະຊາດແບບປະຢັດ ແລະຮັກສາໄວ້ຢ່າງຍາວນານ.
3.    ກຳນົດເປັນເອກະພາບ ໃນອັດຕາດຽວກັນທົ່ວປະເທດ.

ມາດຕາ 4 ຂອບເຂດການນຳໃຊ້ລັດຖະບັນຍັດ

          ລັດຖະບັນຍັດສະບັບນີ້ ນຳໃຊ້ສຳລັບ ບຸກຄົນ, ນິຕິບຸກຄົນ ທັງພາຍໃນ ແລະຕ່າງປະເທດ ທີ່ດຳເນີນທຸລະກິດ ກ່ຽວກັບ ຊັບພະຍາກອນແຮ່ທາດ, ຊັບພະຍາກອນເຄື່ອງປ່າຂອງດົງ ແລະຊັບພະຍາກອນນໍ້າ ຢູ່ ສ ປ ປ ລາວ.

          ລັດຖະບັນຍັດສະບັບນີ້ ບໍ່ກວມເອົາປະເພດ ພືດ, ເຄື່ອງປ່າຂອງດົງ ທີ່ໄດ້ມາຈາກການເພາະປູກ ໂດຍ ຜູ້ປະກອບການ ຫຼື ປະຊາຊົນ. ຂ້າງເທິງ

ໝວດທີ 2
ອັດຕາຄ່າຊັບພະຍາກອນທຳມະຊາດ

ມາດຕາ 5 ອັດຕາຄ່າຊັບພະຍາກອນແຮ່ທາດ

ກ. ຊັບພະຍາກອນແຮ່ທາດ

ຄ່າຊັບພະຍາກອນແຮ່ທາດ ໃຫ້ເກັບຕາມອັດຕາ ດັ່ງນີ້ :

ສຳລັບຄ່າຊັບພະຍາກອນທຳມະຊາດ ເພື່ອຮັບໃຊ້ໂຄງການໄຟ້ານໍ້າຕົກ ເປັນຕົ້ນ ຄ່າຊັບພະຍາກອນດິນ, ຫີນ ແລະ ຊາຍ ທີ່ໄດ້ຂຸດຄົ້ນໃນຂອບເຂດສຳປະທານໂຄງການໄຟຟ້ານໍ້າຕົກ ແລະນຳໃຊ້ເຂົ້າໃນໂຄງການດັ່ງກ່າວ ໃຫ້ຄິດໄລ່ລວມເປັນອັດຕາດຽວ ກັບຄ່າຊັບພະຍາກອນນໍ້າເພື່ອໂຄງການໄຟ້ານໍ້າຕົກ ຕາມທີ່ໄດ້ກຳນົດໄວ້ໃນມາດຕາ 7 ຂອງລັດຖະບັນຍັດສະບັບນີ້, ສ່ວນຄ່າຊັບພະຍາກອນແຮ່ທາດອື່ນ ທີ່ບໍ່ຢູ່ໃນເຂດສຳປະທານ ແຕ່ໄດ້ນຳໃຊ້ເຂົ້າໃນໂຄງການໄຟຟ້ານໍ້າຕົກນັ້ນ ໃຫ້ເກັບຕາມອັດຕາທີ່ໄດ້ກຳນົດໄວ້ໃນມາດຕານີ້ . ຂ້າງເທິງ

ມາດຕາ 6 ອັດຕາຄ່າຊັບພະຍາກອນທຳມະຊາດ ເຄື່ອງປ່າຂອງດົງ

      ຄ່າຊັບພະຍາກອນທຳມະຊາດເຄື່ອງປ່າຂອງດົງ ໃຫ້ເກັບຕາມອັດຕາດັ່ງນີ້ :

ສຳລັບເຄື່ອງປ່າຂອງດົງ ທີ່ບໍ່ນອນໃນຕາຕະລາງຂ້າງເທິງ ໃນເວລາປະຕິບັດຕົວຈິງ ຫາກເກີດມີ ໃຫ້ເກັບຕາມກໍລະນີຄື : ສຳລັບຊັບພະຍາກອນທົ່ວໄປ ໃຫ້ເກັບສິບສ່ວນຮ້ອຍ (10%) ຂອງມູນຄ່າຂາຍ; ສຳລັບຊັບພະຍາກອນປະເພດຫວງຫ້າມ ແລະໃກ້ຈະສູນພັນໃຫ້ເກັບຫ້າສິບສ່ວນຮ້ອຍ (50%) ຂອງມູນຄ່າຂາຍ.

          ການເກັບອັດຕາຄ່າຊັບພະຍາກອນທຳມະຊາດ ປະເພດເຄື່ອງປ່າຂອງດົງ ໃຫ້ເກັບເວລາເຄື່ອນຍ້າຍ ຫຼືສົ່ງອອກໄປຕ່າງປະເທດ. ຂ້າງເທິງ

ມາດຕາ 7 ອັດຕາຄ່າຊັບພະຍາກອນນໍ້າທຳມະຊາດ

ກ.  ຊັບພະຍາກອນນໍ້າທຳມະຊາດ ເພື່ອຮັບໃຊ້ໂຄງການເຂື່ອນໄຟຟ້ານໍ້າຕົກ

ຄ່າຊັບພະຍາກອນນໍ້າ ເພື່ອຮັບໃຊ້ໂຄງການເຂື່ອນໄຟຟ້ານໍ້າຕົກ ໃຫ້ເກັບຕາມອັດຕາດັ່ງນີ້ :

ນອກຈາກໂຄງການເຂື່ອນໄຟຟ້ານໍ້າຕົກແລ້ວ ຖ້າມີການພັດທະນາໂຄງການຜະລິດໄຟຟ້າອື່ນ ແມ່ນໃຫ້ເກັບຄ່າຊັບພະຍາກອນທຳມະຊາດ ຕາມອັດຕາທີ່ໄດ້ກຳນົດໄວ້ໃນມາດຕານີ້ :

          ການເກັບອັດຕາຄ່າຊັບພະຍາກອນນໍ້າທຳມະຊາດ ທີ່ໄດ້ກຳນົດໄວ້ໃນຕາຕະລາງເທິງນີ້ ໃຫ້ເກັບຕາມລາຍຮັບທັງໝົດ ຂອງການຂາຍໄຟຟ້າກ່ອນຫັກຄ່າໃຊ້ຈ່າຍຕ່າງໆ, ສ່ວນອັດຕາການເກັບລະອຽດ ແມ່ນໃຫ້ກຳນົດໄວ້ໃນສັນຍາສຳປະທານ.

          ຂ. ຊັບພະຍາກອນນໍ້າທຳມະຊາດສຳລັບແຕ່ລະກິດຈະການຜະລິດ ແລະການບໍລິການ

       ອັດຕາເກັບຄ່າຊັບພະຍາກອນນໍ້າທຳມະຊາດ ສຳລັບແຕ່ລະກິດຈະການຜະລິດ ແລະການບໍລິການ ໃຫ້ເກັບຕາມອັດຕາ ດັ່ງນີ້ :  ຂ້າງເທິງ

ໝວດທີ 3
ການເກັບຄ່າຊັບພະຍາກອນທຳມະຊາດ

ມາດຕາ 8 ການເກັບຄ່າຊັບພະຍາກອນທຳມະຊາດ

      ຂະແໜງການເງິນ ເປັນຜູ້ຮັບຜິດຊອບເກັບຄ່າຊັບພະຍາກອນທຳມະຊາດ ແລະລາຍຮັບ ອື່ນ ລວມທັງຄ່າປັບໄໝ ທີ່ພົວພັນກັບຊັບພະຍາກອນທຳມະຊາດ ຕາມທີ່ໄດ້ກຳນົດໄວ້ໃນກົດໝາຍ ແລະລະບຽບການອື່ນທີ່ກ່ຽວຂ້ອງ.

ມາດຕາ 9 ວິທີການຄິດໄລ່ຄ່າຊັບພະຍາກອນທຳມະຊາດ

      ການຄິດໄລ່ຄ່າຊັບພະຍາກອນທຳມະຊາດ ໃຫ້ປະຕິບັດຕາມ ສອງ ວິທີ ຄື :

1. ຄິດໄລ່ດ້ວຍການເອົາມູນຄ່າລາຄາຂາຍຕົວຈິງ ຄູນໃຫ້ອັດຕາສ່ວນຮ້ອຍ ຂອງຊະນິດຊັບພະຍາກອນທຳມະຊາດ ທີ່ຂາຍອອກ.

2. ຄິດໄລ່ຕາມປະລິມານຊັບພະຍາກອນທຳມະຊາດ ທີ່ຂຸດຄົ້ນມາໄດ້ ເພື່ອຂາຍ ຫຼືນຳໃຊ້ ຄູນກັບອັດຕາມູນຄ່າເປັນເງິນ ຕາມທີ່ໄດ້ກຳນົດໄວ້ໃນລັດຖະບັນຢັດສະບັບນີ້. ຂ້າງເທິງ

ໝວດທີ 4
ບົດບັນຍັດສຸດທ້າຍ

ມາດຕາ 10 ການຈັັດຕັ້ງປະຕິບັດ

      ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເປັນຜູ້ຈັດຕັ້ງປະຕິບັດລັດຖະບັນຍັດສະບັບນີ້ .

ມາດຕາ 11 ຜົນສັກສິດ

      ລັດຖະບັນຍັດສະບັບນີ້ ມີຜົນສັກສິດນັບແຕ່ວັນ ປະທານປະເທດລົງລາຍເຊັນ ແລະພາຍຫຼັງໄດ້ລົງໃນຈົດໝາຍເຫດທາງລັດຖະບານ ສິບຫ້າວັນ.

      ຜົນປະໂຫຍດຂອງຜູ້ດຳເນີນທຸລະກິດ ກ່ຽວກັບຊັບພະຍາກອນທຳມະຊາດ ທີ່ໄດ້ຮັບພາຍໃຕ້ລະບຽບກົດໝາຍ ຫຼື ສັນຍາທີ່ໄດ້ເຊັນກັບລັດກ່ອນ ລັດຖະບັນຍັດສະບັບນີ້ ແມ່ນໃຫ້ປະຕິບັດຕາມສັນຍາ ທີ່ໄດ້ເຊັນນັ້ນ.ໃນກໍລະນີທີ່ຜູ້ດໍາເນີນທຸລະກິດ ກ່ຽວກັບຊັບພະຍາກອນທຳມະຊາດດັ່ງກ່າວ ຫາກມີຈຸດປະສົງຕ້ອງການຮັບນະໂຍບາຍຕາມລັດຖະບັນຍັດສະບັບນີ້ ກໍ່ມີສິດສະເໜີຕໍ່ຂະແໜງການທີ່ກ່ຽວຂ້ອງ ແລ້ວຂະແໜງການດັ່ງກ່າວກໍ່ຈະແຈ້ງໃຫ້ຜູ້ດຳເນີນທຸລະກິດ ກ່ຽວກັບ ຊັບພະຍາກອນທຳມະຊາດ ປະຕິບັດໄດ້ຕາມກົດໝາຍ ແລະລະບຽບການ.

        ຂໍ້ກຳນົດ ຫຼືບົດບັນຍັດໃດ ທີ່ຂັດກັບລັດຖະບັນຍັດສະບັບນີ້ ລ້ວນແຕ່ຖືກຍົກເລີກ.

ປະທານປະເທດແຫ່ງ ສປ ປ ລາວ
(ເຊັນ ແລະ ປະທັບຕາ)

ຈູມມະລີ ໄຊຍະສອນ

ຂ້າງເທິງ

#	ຫົວຂໍ້	ດາວໂຫຼດ
1	Presidential Ordinance on Royalty Rate of Natural Resources no. 001/POL, dated 15 December 2015	PDF
2	ລັດຖະບັນຍັດ ຂອງ ປະທານປະເທດ ວ່າດ້ວຍ ອັດຕາຄ່າຊັບພະຍາກອນທຳມະຊາດ ສະບັບເລກທີ 001/ປປທ, ລົງວັນທີ 15 ທັນວາ 2015	PDF

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.

Your opinion matters!

ຂອບໃຈ ສຳລັບຄຳຄິດເຫັນຂອງທ່ານ.

Close