ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ
ຫ້ອງວ່າການສຳນັກງານນາຍົກລັດຖະມົນຕີ ເລກທີ 2204/ຫສນຍ
ນະຄອນຫຼວງວຽງຈັນ, ວັນທີ 17 ທັນວາ 2019
ແຈ້ງການ
- ທ່ານ ລັດຖະມົນຕີ ກະຊວງການຕ່າງປະເທດ
- ທ່ານເຈົ້າແຂວງເຊກອງ
ເລື່ອງ: ການສະເໜີຂໍຍົກລະດັບດ່ານທ້ອງຖິ່ນ ດາກຕະອ໊ອກ (ແຂວງເຊກອງ)-ນາມຢາງ (ແຂວງກວາງນາມ) ຂື້ນເປັນດ່ານສາກົນ.
- ອີງຕາມ ໜັງສືສະເໜີ ຂອງກະຊວງການຕ່າງປະເທດ ສະບັບເລກທີ 9380/ຕປທ.ຫຄຊ1, ລົງວັນທີ 27/11/2019.
- ອີງຕາມ ການຊີ້ນຳ ຂອງທ່ານນາຍົກລັດຖະມົນຕີ ຄັ້ງວັນທີ 16/12/2019.
ຫ້ອງວ່າການສຳນັກງານນາຍົກລັດຖະມົນຕີ ຂໍຖືເປັນກຽດແຈ້ງການຊີ້ນຳ ຂອງທ່ານນາຍົກລັດຖະມົນຕີ ມາຍັງທ່ານຊາບວ່າ: “ ເຫັນດີໃຫ້ຍົກລະດັບດ່ານທ້ອງຖິ່ນ ດາກຕະອ໊ອກ, ແຂວງເຊກອງ ຂື້ນເປັນດ່ານສາກົນ ຕາມການສະເໜີ ຂອງກະຊວງການຕ່າງປະເທດ”. ມອບໃຫ້ແຂວງເຊກອງ ສົມທົກັບ ກະຊວງການຕ່າງປະເທດ ດຳເນີນການຕາມລະບຽບທີ່ໄດ້ກຳນົດ.
ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ປະຕິບັດຕາມແຈ້ງການສະບັບນີ້ດ້ວຍ.
ລັດຖະມົນຕີ
ຫົວໜ້າຫ້ອງວ່າການສຳນັກງານນາຍົກລັດຖະມົນຕີ
ເພັດ ພົມພິພັກ
PDF
PDF
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ຖ້າທ່ານມີຄໍາແນະນໍາ/ຂໍ້ສະເໜີ ຕໍ່ ນິຕິກໍາສະບັບນີ້ ເພື່ອຊ່ວຍອໍານວຍຄວາມສະດວກໃນການດໍາເນີນທຸລະກິດນໍາເຂົົ້າ ເເລະ ສົ່ງອອກ ຂອງ ທ່ານ, ກະລຸນາດໍາເນີນການຕື່ມແບບຟອມນີ້.