ຂ້ໍຕົກລົງວ່າດ້ວຍມາດຕະການສຸຂານາໄມພືດ ສໍາລັບການສົ່ງອອກ ແລະ ສົ່ງອອກຕໍ່ ພືດ, ຜະລິດຕະພັນພືດ ແລະ ວັດຖຸຕ້ອງຄວບຄຸມສະບັບເລກທີ 2986/ກປ, ລົງວັນທີ 28 ມິຖູນາ 2019

ຂັ້ນຕອນການປະກອບເອກະສານເພື່ອຂໍໃບອະນຸຍາດນໍາເຂົ້າ ແລະ ສົ່ງຜ່ານພືດ, ຜະລິດຕະພັນພືດ ແລະວັດຖຸຕ້ອງຄວບຄຸມຕາມລາຍການບັນຊີຄວບຄຸມ (ບັນຊີຄວບຄຸມກໍາລັງຮ່າງ).

ຂັ້ນຕອນ 1: ການປະກອບເອກະສານ.

1. ໃບຄໍາຮ້ອງ (ມີແບບຝອມ);
2. ໃບທະບຽນວິສາຫະກິດ;
3. ໃບອະນຸຍາດດໍາເນີນທຸລະກິດ (ຂະແໜງກະສິກໍາ ແລະ ປ່າໄມ້);
4. ໃບອາກອນປະຈໍາປີ;
5. ໃບແຈ້ງລາຄາ;
6. ແຜນນໍາເຂົ້າຂອງບໍລິສັດ (ແຜນນໍາເຂົ້າສາມເດືອນ ຫຼື ປີໜຶ່ງ)

ຂັ້ນຕອນ 2 ການກວດກາເອກະສານ

ພາຍຫຼັງປະກອບເອກະສານຄົບຊຸດແລ້ວ ຍື່ນກັບກົມປູກຝັງ, ກະຊວງກະສິກໍາ ແລະ ປ່າໄມ້. ພະນັກງານ ຈໍາດໍາເນີນກວດກາເອກະສານກັບທີ່. ຖ້າເອກະສານຄົບຖ້ວນ ແລະ ຖືກຕ້ອງຕາມຂັ້ນຕອນ 1 ແມ່ນຈະຮັບເອົາກັບທີ່ ແຕ່ຖ້າບໍ່ຄົບຖ້ວນ ແມ່ນຈະສົ່ງເອກະສານກັບ ພ້ອມແນະນໍາໃຫ້ປະກອບເອກະສານຄືນ.

ຂັ້ນຕອນ 3 ການພິຈາລະນາ

ກົມປູກຝັງຈະໃຊ້ເວລາພິຈາລະນາ 15 ວັນລັດຖະການ ເພື່ອພິຈາລະນາອອກໃບອະນຸຍາດນໍາເຂົ້າແລະ ສົ່ງຜ່ານພືດ, ຜະລິດຕະພັນພືດ ແລະ ວັດຖຸຕ້ອງຄວບຄຸມຕາມລາຍການບັນຊີຄວບຄຸມ. ໃນກໍລະນີປະຕິເສດອອກໃບອະນຸຍາດນໍາເຂົ້າ ຈະແຈ້ງເປັນລາຍລັກອັກສອນໃຫ້ຜູ້ປະກອບການຮັບຊາບ ພ້ອມຊີ້ແຈງເຫດຜົນ.

ຂັ້ນຕອນ 4 ການອອກໃບອະນຸຍາດການນໍາເຂົ້າ

ໃບອະນຸຍາດນໍາເຂົ້າ ແມ່ນກົມປູກຝັງ, ກະຊວງກະສິກໍາ ແລະ ປ່າໄມ້ເປັນຜູ້ອອກໃບອະນຸຍາດຢ່າງທາງການ ແລະ ໃຊ້ໄດ້ພຽງຄັ້ງດຽວເທົ່ານັ້ນ.

ຂັ້ນຕອນ 5: ຮັບເອົາໃບອະນຸຍາດ

ຜູ້ປະກອບການສາມາດໄປຮັບເອົາໃບອະນຸຍາດນໍາເຂົ້າໄດ້ທີ່ ກົມປູກຝັງ, ກະຊວງກະສິກໍາ ແລະ ປ່າໄມ້ ຕາມວັນ ແລະ ເວລາທີ່ກໍານົດ. ຄ່າທໍານຽມ ໃບອະນຸຍາດນໍາເຂົ້າ 1 ຊຸດ 40,000 ກີບ (ສີສິບພັນກີບ).

ຕິດຕໍ່ສອບຖາມລາຍລະອຽດໄດ້ທີ່: ກົມປູກຝັງ, ກະຊວງກະສິກໍາ ແລະ ປ່າໄມ້. ກົດທີ່ນີ້ ເພື່ອເບີ່ງລາຍລະອຽດຕື່ມກ່ຽວກັບແຜນວາດຂັ້ນຕອນການນໍາເຂົ້າພືດ

ໂທລະສັບ: (+856 21) 412 350

ແຟກ: (+856 21) 412 349

P.O. Box: 811; Email: [email protected]

ສຳນັກງານຕັ້ງຢູ່ໃນຮົ້ວ ຂອງກະຊວງ ກະສິກຳ ແລະ ປ່າໄມ້

ບໍລິເວນ ວົງວຽນປະຕູໄຊ

ນະຄອນຫຼວງວຽງຈັນ, ສປປ ລາວ

• ຟອມລຸ່ມນີ້ ໃຊ້ຮ່ວມກັບຂັ້ນຕອນນີ້
• ຂັ້ນຕອນນີ້ ໃຊ້ກັບມາດຕະການລຸ່ມນີ້

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.

Your opinion matters!

ຂອບໃຈ ສຳລັບຄຳຄິດເຫັນຂອງທ່ານ.

Close