ອີງຕາມກົດໝາຍວ່າດ້ວຍ ການໂທລະຄົມມະນາຄົມ (ສະບັບປັບປຸງ) ສະບັບເລກທີ 09/ສພຊ, ລົງວັນທີ 21 ທັນວາ 2011 ແລະ ກົດໝາຍວ່າດ້ວຍ ເຕັກໂນໂລຊີການສື່ສານ ຂໍ້ມູນຂ່າວສານ ສະບັບເລກທີ 02/ສພຊ, ລົງວັນທີ 07 ພະຈິກ 2016.  ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ແມ່ນຜູ້ຄຸ້ມຄອງການນຳເຂົ້າອຸປະກອນ ໄອຊີທີ.

ສຳລັບລະບຽບການສະເພາະທີ່ຄຸ້ມຄອງ ການນຳເຂົ້າ ແລະ ຈຳໜ່າຍ ອຸປະກອນໄອຊີທີ ແມ່ນ ຂໍ້ຕົກລົງວ່າດ້ວຍການນຳເຂົ້າ ແລະ ຈຳໜ່າຍອຸປະກອນ ໄອຊີທີ ສະບັບເລກທີ 3201/ປທສ, ລົງວັນທີ 16 ພະຈິກ 2016.

ການຂໍອະນຸຍາດນຳເຂົ້າອຸປະກອນໄອຊີທິ  ແມ່ນຕ້ອງຂໍອະນຸຍາດເປັນແຕ່ລະຄັ້ງ ເຊິ່ງມີຂັ້ນຕອນດັ່ງນີ້:

1. ຜູ້ນຳເຂົ້າ ກະກຽມເອກະສານ ເພື່ອຍື່ນຂໍອະນຸຍາດນຳເຂົ້າ ຄື:

-       ໃບຄຳຮ້ອງ (ດາວໂຫຼດ ທີ່ນີ້)
-       ສຳເນົາໃບທະບຽນວິສາຫະກິດ
-       ສຳເນົາໃບອະນຸຍາດດຳເນີນທຸລະກິດນຳເຂົ້າ
-       ໃບຢັ້ງຢືນການມອບພັນທະອາກອນປະຈຳປີ
-       ໃບຢັ້ງຢືນມາດຕະຖານການຜະລິດຂອງປະເທດຕົ້ນທາງ
-       ລາຍລະອຽດອຸປະກອນ ແລະ/ຫຼື ອຸປະກອນຕົວຈິງ (ກໍລະນີອຸປະກອນທີ່ຕ້ອງກວດກາທາງເຕັກນິກ)
-       ສຳເນົາໃບແຈ້ງລາຄາ
-       ສຳເນົາໃບຫຸ້ມຫໍ່ສິນຄ້າ
-       ໃບມອບສິດຜູ້ຕາງໜ້າ

ຜູ້ນຳເຂົ້າ ຢື່ນເອກະສານດັ່ງທີ່ກ່າວມາຂ້າງເທິງ ຢູ່ ກົມເຕັກໂນໂລຊີການສື່ສານຂໍ້ມູນຂ່າວສານ, ກະຊວງໄປສະນີ,ໂທລະຄົມມະນາຄົມ ແລະ ການສື່ສານ.

2. ກົມເຕັກໂນໂລຊີການສື່ສານຂໍ້ມູນຂ່າວສານ, ກະຊວງໄປສະນີ,ໂທລະຄົມມະນາຄົມ ແລະ ການສື່ສານ ພິຈາລະນາຄຳຮ້ອງ ພາຍໃນ 10 ວັນ ລັດຖະການ. ຍົກເວັ້ນອຸປະກອນໄອຊີທີ ທີ່ບໍ່ເຄີຍໄດ້ຮັບການຢັ້ງຢືນມາກ່ອນ ແລະ ມີລັກສະນະເຕັກນິກສູງ ອາດໃຊ້ເວລາເພີ່ມເຕີມໃນການຄົ້ນຄວ້າ.

-       ໃນກໍລະນີທີ່ເອກະສານຄົບຖ້ວນ ແລະ ຖືກຕ້ອງ, ກົມເຕັກໂນໂລຊີການສື່ສານຂໍ້ມູນຂ່າວສານ ຈະພິຈາລະນາອອກ ໃບອະນຸຍາດນຳເຂົ້າ.

-       ໃນກໍລະນີທີ່ເອກະສານບໍ່ຖືກຕ້ອງ, ກົມເຕັກໂນໂລຊີການສື່ສານຂໍ້ມູນຂ່າວສານ ຈະແຈ້ງໃຫ້ຜູ້ປະກອບການຊາບ ເພຶື່ອປະກອບເອກະສານຄືນໃໝ່.

3. ເມື່ອເອກະສານຄົບຖ້ວນ ແລະ ຖືກຕ້ອງ, ກົມເຕັກໂນໂລຊີການສື່ສານຂໍ້ມູນຂ່າວສານ ຈະເຊັນ ແລະ ອອກ ໃບອະນຸຍາດນຳເຂົ້າ. (ເບິ່ງຕົວຢ່າງ ທີ່ນີ້).

4. ຜູ້ນຳເຂົ້າ ຮັບໃບອະນຸຍາດນຳເຂົ້າ ແລະ ຈ່າຍຄ່າທຳນຽມ 100,000 ກິບ ແລະ ຄ່າບໍລິການ 100,000 ກີບ ທີ່ ກົມເຕັກໂນໂລຊີການສື່ສານຂໍ້ມູນຂ່າວສານ, ກະຊວງໄປສະນີ,ໂທລະຄົມມະນາຄົມ ແລະ ການສື່ສານ

• ຟອມລຸ່ມນີ້ ໃຊ້ຮ່ວມກັບຂັ້ນຕອນນີ້
• ຂັ້ນຕອນນີ້ ໃຊ້ກັບມາດຕະການລຸ່ມນີ້
• The procedure applies to Step-by-Step Guide