ດໍາລັດວ່າດ້ວຍນໍ້າມັນເຊື້ອໄຟ ສະບັບເລກທີ 331/ລບ, ລົງວັນ 27 ພະຈິກ 2017 ໄດ້ກຳນົດຫຼັກການ, ລະບຽບ ແລະ ມາດຕະການ ກ່ຽວກັບການຄຸ້ມຄອງ ແລະ ຕິດຕາມກວດກາ ການດໍາເນີນທຸລະກິດນໍ້າມັນເຊື້ອໄຟ ຢູ່ ສປປ ລາວ ເພື່ອເຮັດໃຫ້ການດໍາເນີນທຸລະກິດດັ່ງກ່າວຖືກຕ້ອງ ແລະ ສອດຄ່ອງກັບກົດໝາຍ ແນໃສ່ປົກປ້ອງສິດ ແລະ ຜົນປະໂຫຍດຂອງລັດ, ຜູ້ດໍາເນີນທຸລະກິດ ແລະ ຜູ້ຊົມໃຊ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ. ພ້ອມນັ້ນ,ຂໍ້ຕົກລົງວ່າດ້ວຍ ລະບຽບການຂໍອະນຸຍາດ ນໍາເຂົ້າ ແລະ ຈໍາໜ່າຍນໍ້າມັນເຊື້ອໄຟ ຢູ່ ສປປ ລາວ ສະບັບເລກທີ 0237/ອຄ.ກຂອ, ລົງວັນທີ 02 ກຸພາ 2012 ໄດ້ກໍານົດລະບຽບການຂໍອະນຸຍາດນໍາເຂົ້າ ແລະ ຈໍາໜ່າຍນໍ້າມັນເຊື້ອໄຟຢູ່ ສປປ ລາວຊຶ່ງບໍ່ໄດ້ມີ ຈຸດປະສົງຈຳກັດປະລິມານ ຫຼື ມູນຄ່າໃນການນຳເຂົ້າ ແຕ່ເພື່ອຈຸດປະສົງໃນການເກັບກຳຂໍ້ມູນສະຖິຕິໃນການນຳເຂົ້ານໍ້າມັນເຊື້ອໄຟ,ໂດຍຜ່ານລະບອບການອອກໃບອະນຸຍາດນຳເຂົ້າ ແບບອັດຕະໂນມັດ.
- ຜູ້ປະກອບການກະກຽມເອກະສານສໍາລັບຍື່ນການແຈ້ງຂຶ້ນແຜນຈໍາໜ່າຍນໍ້າມັນເຊື້ອໄຟປະຈໍາປີ ປະກອບຄື:
- ໃບສະເໜີຂໍຜ່ານແຜນຈໍາໜ່າຍນໍ້າມັນເຊື້ອໄຟ.
- ເອກະສານປະກອບອື່ນໆ ທີ່ກ່ຽວຂ້ອງ ລວມມີ:
+ ສໍາເນົາການຖອກພັນທະຕ່າງໆ.
+ ສະຖິຕິສາງ, ປໍ້າຂອງບໍລິສັດໂຄງການທີ່ບໍລິສັດມີສັນຍາສະໜອງໃຫ້.
+ ສະຫຼຸບຕົວເລກການນໍາເຂົ້າ ແລະ ຈໍາໜ່າຍປີຜ່ານມາ.
+ ສໍາເນົາປຶ້ມອະນຸຍາດປີຜ່ານມາ.
- ຜູ້ນໍາເຂົ້າຍື່ນເອກະສານຢູ່ຂາເຂົ້າ-ຂາອອກຂອງກົມການຄ້າພາຍໃນ,ຫຼັງຈາກນັ້ນເຈົ້າໜ້າທີ່ຈະກວດກາຄວາມຖືກຕ້ອງຂອງເອກະສານ.
- ໃນກໍລະນີທີ່ເອກະສານຄົບຖ້ວນ ແລະ ຖືກຕ້ອງ, ກົມການຄ້າພາຍໃນ ຈະພິຈະລານາອອກໃບຢັ້ງຢືນແຜນຈໍາໜ່າຍ ຊ້າສຸດບໍ່ເກີນ 03 ວັນລັດຖະການ.
- ໃນກໍລະນີທີ່ເອກະສານບໍ່ຖືກຕ້ອງ, ກົມການຄ້າພາຍໃນ ຈະແຈ້ງໃຫ້ຜູ້ປະກອບການຊາບ ເພື່ອປະກອບເອກະສານຄືນໃໝ່.
- ເມື່ອເອກະສານຄົບຖ້ວນ ແລະ ຖືກຕ້ອງ, ກົມການຄ້າພາຍໃນ ຈະເຊັນ ແລະ ອອກໃບຢັ້ງຢືນແຜນຈໍາໜ່າຍ.
- ຜູ້ປະກອບການມາຮັບໃບຢັ້ງຢືນແຜນຈໍາໜ່າຍຢູ່ກົມການຄ້າພາຍໃນ.
-ພາຍຫຼັງໄດ້ຮັບໃບຢັ້ງຢືນແຜນຈໍາໜ່າຍນໍ້າມັນເຊື້ອໄຟປະຈໍາປີແລ້ວ, ຜູ້ປະກອບການສາມາດນໍາເອົາໃບຢັ້ງຢືນແຜນຈໍາໜ່າຍດັ່ງກ່າວປະກອບກັບເອກະສານທີ່ກ່ຽວຂ້ອງ ເພື່ອຍື່ນຂໍໃບອະນຸຍາດນໍາເຂົ້ານໍ້າມັນເຊື້ອໄຟ ຢູ່ທີ່ກົມການນໍາເຂົ້າ ແລະ ສົ່ງອອກ ໃນຂັ້ນຕອນຕໍ່ໄປ.
- ກົດທີ່ນີ້ເພື່ອເບິ່ງຂັ້ນຕອນການຂໍອະນຸຍາດນໍາເຂົ້ານໍ້າມັນເຊື້ອໄຟ
| # | ຫົວຂໍ້ | ລາຍລະອຽດ | ອອກໂດຍ | ໄຟລ໌ |
|---|
| # | ຊື່ | ລາຍລະອຽດ | ປະເພດ ມາດຕະການ | ອົງກອນ | ຄຳເຫັນ | ນິຕິກໍາ | ສິ້ນສຸດ | ໝວດມາດຕະການ |
|---|---|---|---|---|---|---|---|---|
| 1 | ຮຽກຮ້ອງໃຫ້ມີການຂໍອະນຸຍາດດຳເນີນທຸລະກິດບໍລິສັດນຳເຂົ້ານ້ຳມັນເຊື້ອໄຟ | ຜູ້ທີ່ຈະດຳເນີນທຸລະກິດນຳເຂົ້າ ນ້ຳມັນເຊື້ອໄຟ ໃຫ້ຂໍໃບອະນຸຍາດດຳເນີນທຸລະກິດນຳ ກົມການຄ້າພາຍໃນ, ກະຊວງອຸດສາຫະກຳ ແລະ ການຄ້າ | ຮຽກຮ້ອງໃຫ້ມີການຈົດທະບຽນ | ກະຊວງ ອຸດສາຫະກຳ ແລະ ການຄ້າ | ເພື່ອສະດວກໃນການຄວບຄຸມ ແລະ ປົກປ້ອງຜົນປະໂຫຍດຂອງຊາດ ແລະ ຜູ້ຊົມໃຊ້ | ດໍາລັດ ວ່າດ້ວຍທຸລະກິດນໍ້າມັນເຊື້ອໄຟ ເລກທີ 559/ລບ; ລົງວັນທີ 09 ກັນຍາ 2025. | 9999-12-31 | ສິນຄ້າ |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.